radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ރަނަހަމާދިކޮށި
ނ ކުޅިޖަހާ ދެވަނަ ކޮށި މިއީ ދަނޑި ކޮށްޓެކެވެ
ރާވެރިމަސް
ނ ފަރުމަހުގެ ބާވަތެއް މިއީ ފަރުފަޅުތަކުގެ ބޭރުގައި ހަތާތަކުގެ ނިވަލުގައި ދިރިއުޅޭ މަހެކެވެ މަހުގެ ކުލައަކީ ރަތްކުލައެވެ މަހުގެ ހަންގަނޑުބޯވެފައި ހުޅުނބު ތޫނުވާނެއެވެ މިއީ އަނގަބޮޑު މަހެކެވެ
ރާމާމަކުނު
ނ ކެހެރިފެޅި ޖަނަވާރެއް މިއީ އަތްފަޔާއި މޫނު އިންސާނުންނާ ވައްތަރު އެއްޗެކެވެ ހަތަރެސްފައިގައި އިނގިލި ހުރުމާއެކު ހަތަރެސް ފައިންވެސް އެއްޗެހީގައި ހިފުމުގެ ކުޅަދާނަކަން މިޖަނަވާރުގައި ހުރެއެވެ މީގެ ނަގޫ ހުންނަ ވައްތަރާއި ނުހުންނަ ވައްތަރު ހުރެއެވެ މިއީ ވަރަށް ވިސްނުން ތޫނު މަންމަލި ޖަނަވާރެކެވެ
ރާތާގާބަރި
ނ (1) ތިލަފަތުން ކިރައި އުޅުނު ވަޒަންތައް މިއީ 4 ރާތަލުން ފެށިގެން ކުޅަނދަކާހަމައަށް ކިރާން ދަގަނޑުން ހަދައިފައި ހުންނަ ވަޒަންތަކުގެ ސެޓެވެ. މީގައި ހިމެނެނީ 4 ރާތާ 2 ރާތާ 1 ރާތާ 2 ގައު 1 ގައު 2/1 ގައު 5 ކުޅަނދު އަދި 1 ކުޅަނދެވެ (2) މަޖާޒު: މީހަކަށް ގާތްގާތުގައި ލިބިފައިތިބި ކުދިންތަކެއް
ކަރަވެރިމަސް
ނ ފަރުމަހުގެ ބާވަތެއް މިއީ އައިން ހަދައިގެން ދަތުރުކޮށް އުޅޭ މަހެކެވެ މިމަހުގެ ބުރަކަށި މަތީގެ ކުލައަކީ ނޫފެހިކުލައެވެ ދެއަރިމަތީގައި ހުންނަނީ ރަންރިހިކުލައެވެ މަހުގެ ނިގޫފަތާއި ކޮތަރިތަކުގައި ހުންނަނީ ރީނދޫކުލައެވެ މަހުގެ ކަންފަތް ކައިރީގައި ކަޅުކުލައިގެ ލަފެއް ހުރެއެވެ
ކަރުބޮލަކު
ނ ނެފްތަލީނުން ތައްޔާރުކޮށްފައި ހުންނަ ގުޅައެއް މިއީ ގިނަ ދުވަހަށް ބަހައްޓައިފައި ހުންނަ ފޭރާމާއި ފޮތް ފޮތުގައި ފަނި އެޅިޔަ ނުދިނުމަށްލާ އެއްޗެކެވެ
ކަރުބޮލަކުއެސިޑު
ނ ބޯޓް ދެލިން ނަގާ އާތްވެއް މިއީ ފަނިމެރުމަށް ބޭނުންކުރާ ބޭހެކެވެ
ކަރުކޮންނަރަހަ
ނ ދުންބޯއިރު ލާރަހައެއް އެއީ ދުންފަތް މޮޑެވޭ ގޮތަކުން ރަހަތައް ހެޔޮވަރު ނުކުރެވުނީމައި ލާ ރަހައެކެވެ
ކަރުއިތާ
ނ ކަރުގެ ބައްޔެއް މިއީ ކަރުތެރޭގެ އެއްފަރާތުގައި އުފެދޭ ކުޑަދޫ ހެން ހުންނަ މަސްކޮޅެކެވެ
ކޯކަށިބޭނގު
ނ ބޭނގުގެ ބާވަތެއް މިއީ ފަތިކޮށް ދިގުކޮށް ހުންނަ ބޭނގެކެވެ ކަރުތާފަތުގެ ކައިރީގައި އެހެން ބޭނގަށް ވުރެ ކަށި ގިނަވާނެއެވެ މިބާވަތުގެ ބޭނގުގެ ބޯކޮޅު ފަލަވާނެއެވެ
ކޯމަހުފުރޮޅި
ނ އޮޅުލުމުގެ އުކުޅެއް މިއީ މަޑިއަށް ޖެހިގެން އޮވެފައި ބިމުގައި ނުޖެހި ފުރޮޅިލާ ފުރޮޅިގަތުމެވެ
ކޯމަސް
ނ މަންމަލިމަހެއް. މީގެ ތުންހުންނަނީ ބޮލުންފެށިގެން އޫކޮށެވެ. މިއީ ބާރަށް ދުވާ މައްޗަށް ނޭވާލާ ފުމެ ހަދާމަހެކެވެ
ކޯމާޅިމަތީބޮޑުލަވަ
ނ ދަނޑިބެރުގެ ލަވައެއް މިއީ ބަންގިބެރުގައި ކޯމާޅި މައްޗަށް ޖަހާލަވައެކެވެ
ކޯތެޅުން
މ ގިނައިރުވާންދެން އަނގަ ގަދަކުރުން މިއީ ހިތާނުވެގެން މަލާމާތުގެގޮތުން ބުނާބަހެކެވެ
ކޯޑި
ނ (1) ރަށްފުށުގައި ކުޅޭ ކުޅިވަރެއް. މިއީ ބޮޑުޢީދުގެ ތެރޭގައި ކުޅެއުޅޭ ކުޅިވަރެކެވެ. (2) ކޯޑިކުޅޭއިރު ރުކެއްގައި ނުވަތަ ދަނޑިއެއްގައި އެލުވާއެތި މީގައި ހުންނަނީ ވަޅިފަންކޮށައިފައެވެ މިހާރަކަށް އައިސް ވައްތަރު ވައްތަރުގެ ރީތި ކަރުދާހުން އެއްޗެހި ހަދައި އެލުވާފައި ހުރެއެވެ
އައްޗި
ނ (1) ބޮޑުކަމު ނަޖިސް (2) ހަޑި (3) ހުތުރު )އައްޗި މިއީ ކުޑަކުދީންގެ ބަހެކެވެ
އައްޗިކަން
ނއނ (1) ރަނގަޅުނޫންކަން (2) ސިޔާސަކަން (3) ހަޑިކަން އައްޗިކަން މިއީ ކުޑަކުދީންގެ ބަހެކެވެ
އަވަށްޓެހި
ނ ރޭގަނޑު އަވަށުތެރެއަށް އަންނަ ރޫޙާނީ އަންހެނެއް މި ގެންގުޅޭން އެނގިއްޖިއްޔާ ގޭގައި މަސައްކަތްކޮށްދޭ ކަމަށްވެސް ބުނެއެވެ މިއީ ޚިޔާލީ އެއްޗެކެވެ
އަވަރު
ނއ ލޮލުގެ ކަޅިއަށް ވެފައި ހުންނަގޮތެއް. މިހެންވީމާ ވާގޮތަކީ ދެލޮލުގެ ކަޅި އެއްގޮތަށް ނުހިނގުމެވެ ވީމާ ކޮންމެ އެއްޗެއް ބަލާނަމަވެސް ހީވާނީ އެނޫން އެހެން ދިމާއެއް ބަލާހެނެވެ މިއީ ބައެއް ކުދިން އުފަންވާއިރު ވެފައި ހުންނަ ގޮތެކެވެ
)ބޯރާ( ވޯރާ
ނ ޝީޢީންގެ ވަކިޖަމާޢަތަކަށް ކިޔާނަމެއް މިއީ ދާއޫދީ ޖަމާޢަތަށް ދިވެހިން ކިޔާގޮތެވެ