radheef.info
ރަދީފު


އަކަ
ނ (1) ހަތަރެސްކަންގޮޅި (2) އެތައް ޢަދަދަކަށް ޖަހައިފައި ހުންނަ ހަތަރެސް ކަންގޮޅިތައް މިސާލު: ނުވަގެވަޅުއަކަ ސޯޅަގެވަޅުއަކަ (3) ނއ ހަތަރެސްކަން
މައިތިރިކުރުން
މ (1) ހަމައިން ނައްޓާލައިގެން އުޅޭ ކަމެއް ނުވަތަ ބައެއް ހަމައަކަށް އެޅުވުން (2) ހަމަހިމޭންކުރުން
މަޑުގަނޑު
ނ ގަލާ އެއްސިފައަކަށް މޫދުގައި ހުންނަ އޮބޭ އެއްޗެއް މީގައި ކުދިކުދި ލޯވަޅުތަކެއްވެސް ހުންނާނެއެވެ
މަޑޫ
ނ (1) އޮޑިދޯނި ފަހަރު ބަންނައިރު ފަށަނުން ފެށިގެން އިއްސާ ހަމަޔަށް ހުންނަ ވަކަރު (2) ޢަދަދެއްގެ ބަހާއަކަށްވާ ކޮންމެ ޢަދަދެއް
މަޔާއިނު
ނ މިއީ މީހަކު ދެކެ ރުޅި އައިސްގެން އޭނާގެ ނުބައިކަން ހާމަކޮށް ދެރަކުރުމުގެ ގޮތުން ބުނާބަހެކެވެ. މާނައަކީ އަމަޔާ އިން މިއެވެ ބައެއް މީހުން ސަމާސާއަކަށްވެސް މިހެން ބުނެއުޅެއެވެ
މާކޮޅަލަ
ނ )ގ.( ބޯކަޅު ތުންގަނޑު ރަތް ރީނދޫކުލައަކަށްދާ ހުދުކުލައިގެ ބޮނޑިމަސް ދޫންޏެއް މިއީ އައިންމަތީ ދޫންޏެކެވެ
މާއްޓަށްއެޅުން
މ ކުޅިޖެހުމުގެ ކުރާކަމެއް ކުޅިހުއްޓާރޭ އައްޑަނަކޮށީގެ ހަތަރު މީހުން ޖަހާ ކުޅީގައި ބޮންތި އެއްދިމާއަކަށް ތިރިކޮށްގެން ކުރާކަމެއް
މާމާވުން
މ (1) މާމައަކަށްވުން )އަންހެނެއްގެ ދަރިއަކަށް ދަރިއެއް ލިބުން( މަޖާޒު: ދުވަސްވެ މުސްކުޅިވުން
މާގަނޑު
ނ (1) ރާނބާގަސް ކަނދޮޅުގަސް ފަދަގަސް ގަހުގައި އަންނަ މައު. (2) އިހުޒަމާނުގައި ބައެއް މީހުން ލައިއެޅުނު ހަރުވާޅުގެ ދާގަނޑުގެ ކޮޅުގައި ނުވަތަ މުންޑުގެމަތިން އައްސާ ރޮދިގަނޑުގެ ކޮޅުގައި ފަށުވިން ނުވަތަ އުއިން ނުވަތަ އެފަދަ އެހެން އެއްޗަކުން ވައްކޮށް ނުވަތަ އެހެންވެސް ސިފައަކަށް ހަދާހަރުކޮށްފައި އޮންނަ އެތި. (3) ފެން ވެރުމަށްޓަކައި ފެން އިސްކުރުދޫކޮށްލުމުން ފެންދޭ އެއްޗެހިން ފެންފައިބާގޮތަށް ފެން އަންނާނެހެން ހަދައި މަތީގައި ހަރުކޮށްފައި ހުންނަ އެއްޗެއް. (4) ގާއޮޑިލަވަ ލަނގިރި ދަނޑިޖެހުން ފަދަ ކުޅިވަރު ކުޅޭއިރު ގެންގުޅޭ ދަނޑީގެ ކޮޅުގައްޔާއި ދުންކުނި އަނބުރާ ދަނޑީގެ ކޮޅުގާ ފޮތިން ނުވަތަ އުއިން ނުވަތަ ކަރުދާހުން ވައްކޮށް ނުވަތަ އެހެންވެސް ސިފައަކަށް ހަދައި ހަރުކޮށްފައި އޮންނައެތި (5) މޫދުމާގަނޑު (6) ބައެއްމީހުން ރީއްޗަކަށް ބައިސްކަލުގެ ފުރޮޅުގެ ބޫސް ދަގަނޑަށް މަހާލައިގެން ބޭނުންކުރާ އެއްޗެއް މިހަދައިފައި އޮންނާނީ ވައްކޮށް ދެތިންކުލަ އެކުލެވޭ ގޮތަށެވެ
މާޝައްލޯ
ނ (1) ކުއްލިއަކަށް ދިމާވާ ބޮޑުކަމަކާ ގުޅިގެން ތަނެއްގެ ވެރިކަން ހިންގުމުގެ ހުރިހައި ބާރެއް ސިފައިންގެ ވެރިޔާގެ އަތްމައްޗަށް ގެންނަގެނައުން (2) ސިފައިންގެ ޤާނޫނު
މިއަރެސް
ނ )ބދ ( މިއަކަން
މިސްކިތްމަތީމިސްކިތް ބެހެއްޓުން
މ މަޖާޒު: ނަހަލާލު ދަރިއަކަށް ނަހަލާލު ދަރިއެއްލިބުން
މުއްލާ
ނ (1) ޝިޔަޢީންގެ ދަންނަމީހާ (2) އިހުގައި މާލޭގައި އުޅުނު ވޯރާ ޖަމާޢަތުގެ ވެރިމީހާ (3) މަޖާޒު: އެކިއެކި ކަންތައްތައް ކުރާ ޕާޓީގެ ވެރިއަކަށް ހުންނަ މީހާ
މޫނުންބާނި
ނ (1) ވެދުން ނުވަތަ ހަދިޔާ (2) )ސ ( ރަށްމެދު މާލޫދު ކިޔާއިރު މީހުން އެހީއަކަށް ދޭފައިސާ ނުވަތަ ތަކެތި
މެނޭޖަރު
ނ ވިޔަފާރިއެއް ނުވަތަ އިދާރީ ކަމެއްގެ ވެރިއަކަށް ހުންނަ މީހާ
މެއަކަން
ނ )ޏ ސ ( މިއަކަން
މޭގަނޑުއަނގަޔަށްއައުން
މ ކުއްލިއަކަށް ދިމާވާ ކަމަކުން ސިހި ފިކުރު ބޮޑުވުމުން ނުވަތަ ސިހިހާސްވުމުން ވާގޮތަކަށް ބުނެއުޅޭ ބަހެއް
މޮޑެގަތުން
މ (1) ލޯބިން ހިތްފުރިގެން ކުއްލިއަކަށް މީހަކު ގައިގައި ނުވަތަ އެއްޗެއްގައި ހިފައި އޮޅުލައިގަތުން (2) އެއްޗެހިތަކެއް ކުއްލިއަކަށް މޮޑެން ފެށުން
މޮޔަހެދުން
މ (1) މޮޔައަކަށް ހެދިގެން އުޅުން (2) ގޯސްކަމެއް ކުރުން
ސަވާރުވުން
މ ސަވާރީއަކަށް އެރުން
ޑަން
ނ ބަރުއެއްޗެއް ކުއްލިއަކަށް ވެއްޓުމުން އިވޭއަޑު