radheef.info
ރަދީފު


އަރި
ނ (1) ކެޔޮގަނޑުގެ ވައްތައް ހިމެނިފައި ހުންނަ ބައިބައި. (2) ފިރިހެނުންލާ މުސްކުޅި ލިބާހާއި އަންހެނުންލާ ބޯވަޅުއަޅާ ލިބާހުގެ ދެބަދަންނޫން ދެފަރާތުގައި މަތިހަނިކޮށް ތިރިފުޅައުކޮށް އޮންނަ ފޮތިގަނޑު (3) ބައެއްތަކެތީގެ އެއްފަޅި (4) އެއްބައި ނުކައްކައި އޮންނަ ކަނޑުމަސްގަނޑެއް (5) ފޮތުގެ ޞަފުޙާ (6) ކުރިމައްޗާއި ފުރަގަސްހުރި އެއްޗެއް އެނޫން ފަރާތަކަށް ޖެހިފައިވާ ޖެހުން (7) ބިލެތާއި އަދިވެސް ބައެއް ފަތުގެ ދެފަޅިކޮށް އެއްފަޅި (8) ނއ ތެދުނޫން (9) ސީދާނޫން
މަހައަރި
ނ )ޏ ( މަސްއަރި ނުވަތަ މަސްގަނޑު
މައިފަތި
ނ ދިވެހި ލިބާހުގެ އަރިޔާ ބަދަނާ ގުޅާފަތި
މަދީނާވުން
މ ކީރިތި ރަސޫލާގެ ޒިޔާރަތްފުޅުގެ އަރިއަހަށް ދިއުން
މަތިވެރި
ނއ (1) ދަރަޖަ އުފުލިގެންވާ (2) އަރިއަތޮޅުގެ ރަށެއްގެނަން
މަސާހިބު
ނ (1) އަޅުގަނޑުގެ މާތްވެރިޔާ (2) ރަސްކަލެއްގެ އަރިހުގައި އާދޭހާ ދެންނެވުމުގެ ގޮތުން ބޭނުންކުރާ އާދެ ސާހިބު މިބަސްކުރުކޮށްލައިފައި ކިޔާގޮތެއް
މަސްމުގުރާން
ނ އެމުގެ ބާވަތެއް. މިއީ ކަންފަތްގަނޑުގެ ދިގުމިން ބޮލުގެ ދިގުމިނާ އެއްވަރު ލޯބޮޑު އަނގަކުޑަ އެއްޗެކެވެ މިއެމުގެ މަތީ ކޮތަރިބަޔާއި ބަނޑުދޮށްފަރާތު ކޮތަރިބައިގައި ހުޅުނބު ފަޅައިފައި ހުންނާނެއެވެ މިއެމުގެ މަތީބައި ނޫވާނެއެވެ އަރިމަތި ރީނދޫވާނެއެވެ ލޮލުން ފެށިގެން ނިގޫފަތުގެ ބުޑާ ހަމައަށް ފުޅާފަށެއް ހުންނާނެއެވެ
މަޑަގަސްކަރަބިބީ
ނ ލޯހުރަސްކޮށް ކަޅުކުލައިގެ ރޮނގެއް ހުންނަ މަހެއް މިބާވަތުގެ މަހުގެ ދެއަރިމަތީގައި އަޅިކުލައިގެ ވަރަށް ފާޅު ރޮނގުތަކެއް ހުރެއެވެ މިއީ ޖޯޑުޖޯޑަށް ދިރިއުޅޭ މަހެކެވެ މިއީ ކެއުމަށް ބޭނުންކުރާ މަހެއްނޫނެވެ
މުރަކަމަސް
ނ މުރަކައިގެ ތެރޭގައި ބައިބަޔަށް އުޅޭ މަހެއް. މިބާވަތުގެ މަސްމަހުގެ ދެއަރި މަތީގައި މަހުގެ ހުރަހަށް ފުޅާ ތިންރޮނގު ނުވަތަ ކަޅު ތިންރޮނގު ނުވަތަ ގަދަމުށި ކުލައިގެ ތިންރޮނގު ހުރެއެވެ މަހުގެ ނަގޫ ހުންނަނީ އަލިކުލައިގައެވެ ކަންފަތްގަނޑު ހުދުކުލައިގައެވެ ކަންފަތްގަނޑުގެ ބުޑު ހުންނަނީ ކަޅުކުލައިގައެވެ
މުލައަރި
ނ (1) މަހުގެ ބުރަކަށި ފަރާތުގެ މަސްއަރި (2) ކެޔޮގަނޑުގެ ފުރަތަމައަރި
މުލާރި
ނ މުލައަރި
މުލުންލުން
މ މޫތައް ލުހިގެން ގަސްއަރި އަޅައިލުން ނުވަތަ ވެއްޓުން
މެދުރާއްޖެތެރެ
ނ އަރި އަތޮޅުން ފެށިގެން ހައްދުންމަތީގެ ނިޔަލަށް
މޭއްޔައައްޕަން
ނ )ޅ ( ފަޅުތެރޭގައި ހުއިގަނޑު މަތީގައި އުޅޭ ފަސްއަރިޔަށް އައްޕަނެއްހެން އޮންނަ ދިރޭ އެއްޗެއް
ފަހުހިގަނިން
ނ )ބދ ( (1) ބަންޑާރަ ބޭކަލުންގެ އަރިހުގައި ދާމީހުން (2) މާތްމީހުންގެ އަރިހުގައި ދާމީހުން (3) މީހަކާ ނުވަތަ ބަޔަކާ ތަބާވެގެންވާ މީހުން
ފަންހިބަރު
ނ ކަނޑުގައި އުޅޭ ހިބަރުގެ ބާވަތެއް މީގެ ބުރަކަށިމަތީގައްޔާއި ބަނޑުދަށް ފަރާތުގައި ދެކޮތަރިބައި ހުރެއެވެ ބުރަކަށިމަތީގެ ކުލައަކީ ކަޅު ނޫ ކުލައެވެ ބަނޑުދޮށް ފަރާތް ހުންނަނީ ހުދުކުލައެއްގައެވެ ދެއަރިމަތީގައި ފަނޑުނޫ ކުލައިގެ ލައްތަކެއް ރޮނގަކަށް ވާގޮތަށް މަހުގެ ހުރަހަށް ހުރެއެވެ
ފަންވަތް
މ (1) ފަނުގެ އޮށީގެ ދެފަރާތުގައި އިލޮށްޓާއި ގުޅިގެން ދެއަރިއަށް ވާގޮތަށް ހަނިދިގުކޮށް ކުރީކޮޅަށް ހަނިވަމުން ގޮސް ނިމިފައި ހުންނަ އެއްޗެއް (2) ލިސްޓު (3) ބައި (4) ފަންވަތުގައި ލިޔެފައި ފޮނުވާ ސިޓީ
ފަންފޮނުވުން
އެކިއެކި ކަންތަކާ އަންގަންޖެހޭ އެންގުންތަކާ ކުރަންޖެހޭ އަމުރުތައް ފަންވަތުގެ އަރިއެއްގައި ލިޔެ ފޮނުވުން
ފައިކޭޓު
ނ ފަޓްލޫނާއި ހަރުވާޅު ފަދަ ތަކެތީގެ ދެއަރިމަތީގައި ހުންނަ ޖީބު
ފައްތުފިލާ
ނ އޮޑިދޯނި ފަހަރުގެ ބޮޑު ފަށްގަނޑުގެ ފަހަތު ކޮޅުގައި އަރިބިތަށް ހުރަހަށް ހަރުކުރާ ފިލާ މި ފިލާ ހުންނާނީ ހީރާންސި ފިލާގެ ދަށުގައެވެ
ފަތް
ނ (1) ގަހާއިވެޔޮ ހެދެމުންދާއިރު އޭގެ އަރިމަތިން ނުކުންނަމުން ދާ ތަނޑެއް ހުންނަ އެއްޗެއް. ގަސްގަހުގެ ހިޔާ އޮންނަނީ މީގެ ސަބަބުންނެވެ. މިވަރަށް ތަފާތު ގޮތްގޮތަށް ތަފާތު ކުލަކުލައިގައި ހުރެއެވެ. ޢާއްމުކޮށް ހުންނަނީ ފެހިކުލައިގައެވެ. (2) ބައެއްގަސް އުފެދިފައި ހުންނައިރު ގަސްގަނޑެއް ނެތި ބުޑުން ފަޅައިފައި ހުންނަ ތަފާތު ކުލަކުލައިގެ އެކި ސިފަޔަށް ހުންނަ އެއްޗެހި. (3) ދީނީ ގޮތުން ނުވަތަ ޤާނޫނީ ގޮތުން ލިޔެވޭ ބައެއް ޒާތުގެ ލިއުން. މިސާލު: ހިބަފަތް. އަތޮޅުވެރިކަމުގެ ފަތް. (4) ދޫންޏާއި ކުކުޅުހާފަދަ ތަކެތީގެ ފިޔައިގައްޔާއި މުޅިގައިގައި ފަޅައިފައި ހުންނަ އެއްޗެހި (5) މަޖާޒު: ބޮލުގައި ހުންނަ އިސްތަށި