radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
ރާއްޖެމައްޗަށްތިބުން
މ އިހުގައި ރާއްޖެއިން ބޭރަށް ދަތުރުކުރާ އުޅަނދުފަހަރު. ދަތުރު ކުރަމުން އައިސް ރާއްޖެއަށް ވަންނައިރު ފަރަކަށް އަރައި ދާނެތީ އެކަމަށް ހޭލައި ފަރުވާވެ ތިބުން
ރާވާތައްޔާރުކުރުން
މ (1) ނޫހެއްގައި ނުވަތަ މަޖައްލާއެއްގައި ހިމަނަންޖެހޭ ލިޔުންތައް ތަރުތީބުކޮށް ހަމަޖެއްސުން (2) ކަމެއް ނުވަތަ ކަންތައްތަކެއް ކުރަންވީގޮތް ހަމަޖެއްސުން (3) ކަމަކަށް ފަށައިގަތުމުގެ ކުރިން ކުރަންޖެހޭ ކަންތައްތައްކޮށް ނިންމުން މިސާލު: ޖަލްސާއަށް ތައްޔާރުވުމުގެ ގޮތުން ކުރަން ހުރި ކަންތައްތައްކޮށް ގަސްދުކުރެވިފައިވާގޮތަށް ހުރިހާ ކަމެއްރާވައި ނިމިއްޖެއެވެ
ރާތާގާބަރި
ނ (1) ތިލަފަތުން ކިރައި އުޅުނު ވަޒަންތައް މިއީ 4 ރާތަލުން ފެށިގެން ކުޅަނދަކާހަމައަށް ކިރާން ދަގަނޑުން ހަދައިފައި ހުންނަ ވަޒަންތަކުގެ ސެޓެވެ. މީގައި ހިމެނެނީ 4 ރާތާ 2 ރާތާ 1 ރާތާ 2 ގައު 1 ގައު 2/1 ގައު 5 ކުޅަނދު އަދި 1 ކުޅަނދެވެ (2) މަޖާޒު: މީހަކަށް ގާތްގާތުގައި ލިބިފައިތިބި ކުދިންތަކެއް
ރާތީބު
ނ (1) ޞޫފީ އެކިއެކި ޖަމާއަތްތަކުގެ މީހުން އެކިއެކި ރޭރެއަށް ކިޔައިއުޅޭ މަދަހަ އާއި ޒިކުރު މިސާލު: ޙިދާދުރާތީބު ޖަލާލީ ރާތިބު (2) އިށީނދެތިބެ ޢަރަބިޅެން ކިޔަމުން ކުޅޭކުޅިވަރެއް މިސާލު: (ހ) ބޮޑުނަވު ރާތިބު (ށ) ކުޑަނަވު ރާތިބު
ރާތީބުކިއުން
މ ޞޫފީ އެކިއެކި ޖަމާޢަތްތަކުގެ މީހުން އެކިއެކި ރޭރެއަށް ކިޔައިއުޅޭ މަދަޙައާއި ޒިކުރު ކިއުން
ކަރާދުނބުރި
ނ (1) ކަނީރުފަތް ވައްތަރަށް އެއަށްވުރެ ހިމަކޮށް ފަތް ހުންނަ ރީނދޫ މަލެއް އަޅާ މެދުމިނުގެ ގަހެއް. (2) މިގަހުގެވައް. (3) މިގަހުގެ ލަކުޑި މިއި ކީލި ހިމުން ހަރު ލަކުޑިއެކެވެ
ކަރުކޮވާ
ނ )މ ( ކަރުގޮހޮރު ކަރުތާފަތް ގަނޑުގެ ދަށުގައި ރަތްކޮށް ފަށަލަފަށަލައަށް އޮންނަބައި
ކޯއްޓޭ
ނ (1) ދިދަނަގާން ދެބުރިއަށް ކާލިގަނޑުލައިގެން ހަދައިފައި ހުންނަ ދަނޑި (2) ރަށްރަށް ދިފާޢުކުރާ ސިފައިން ތިބޭން ހަދައިފައި ހުންނަ ތަންތަން
ކޯމަހުފުރޮޅި
ނ އޮޅުލުމުގެ އުކުޅެއް މިއީ މަޑިއަށް ޖެހިގެން އޮވެފައި ބިމުގައި ނުޖެހި ފުރޮޅިލާ ފުރޮޅިގަތުމެވެ
ކޯޑިކުޅުން
މ ރަށްފުށުގައި ބޮޑުޢީދުގައި ކުޅެއުޅޭ ކުޅިވަރެއް. މިކުޅިވަރު ކުޅޭއިރު ފިރިހެންކުދިން ކޯޑި ހަދައިގެން ކުޅިވަރުކުޅެމުން )ލަވަކިޔައިނަށަމުން( ހުސްމައިދާނެއް ކަހަލަތަނަކަށް )ކުޅޭބިމަށް( ގޮސް މަޑުކޮށްލައި އެތަނުގައި ކުޅިބަލަންގޮސްތިބޭ އަންހެންކުދިންގެ ތެރެއިން ކުއްޖެއްގެ ބޮލުގައި ކޯޑިޖައްސައިލަނީއެވެ. ދެން ކޯޑިގެންގޮސް ރުކެއްފަދަ ދިގު އެއްޗެއްގައި އަތްނުފޯރާ ހިސާބު މަތީގައި އެލުވަނީއެވެ. މިކޯޑި ކަނޑައިދޭނީ އަންހެން ކުދިންގެ ފަރާތުން ކަނޑައަޅާ ފިރިހެންކުއްޖެކެވެ. ދެން ފިރިހެންކުދިން އެކޯޑި ކަޑައިދިން ފިރިހެންކުއްޖާގެ ގައިގައި އަޅިދެލި ކުރަހައިގެން ގަންހިންގާގޮތަށް މުޅިރަށުގައި ހިންގުވައިފައި ގެނެސް މޫދަށް ލަނީއެވެ. އެއަށްފަހު އަންހެންކުދިން އެކުއްޖާ މޫދުންއަރުވައިގެން ގެންގޮސް ފެންވަރުވައި ނަލަހެއްދުވުމަށްފަހު ކޯޑިޖެއްސި އަންހެންކުއްޖާއާއި ދެކުދިން އަތުގުޅުވައިގެން ކުޅޭބިމަށް ގެންދާނީއެވެ
އ
އ (1) ތާނައިގެ އަށްވަނަ އަކުރު (2) ޢަރަބި ވިޔައަކުރުގެ އަށްވަނަ ޢަދަދު
އަހަރުމަތި
ނ (1) މަރުވީމީހާއަށް އަހަރު ފުރޭ ދުވަސް (2) އަހަރު ފުރުމުގެ ފާތިޙާ
އަހި
ނ ބަނބުކޭލުގެ ބައްޓަމުގައި ކުދިކޮށްހުންނަ ދޮންވީމާ ގަދަވަހެއް ދުވާވައް އަޅާގަސް މީގެ ފަތް ހުންނާނީ ޅޮސްފަތްހެން އެއަށްވުރެ ދިގު ކޮށްނެވެ ވިޔާމީހުން އުއިރަތް ކުރާން މިގަހުގުގެމޫ ބޭނުންކުރެއެވެ
އައްޑިހަ
ނ (1) އަށްދިހަ )08( (2) އާހި
އައްޑޫކޮށި
ނ (1) އައްޑުއަށް ނިސްބަތްވެގެން ނަން ކިއިފައިވާ ކުޅިޖަހާ ދަނޑިކޮށި (2) " ކޮށި" ބަލާ!
އައްޓަށްއެރުން
މ ހަނގުބޭކަލުން ދަމުއަށްޓަށް ދުރުވެ ދަން ބަލައިގަންނަ މީހަކަށް ނުވަތަ ދަމުރޭގެ މީހަކަށް ތިމާ ދިޔަކަން އެންގެވުން
އައްޓަށްގެންދެވުން
މ ހަނގުބޭކަލުން މަޖިލީހަށް އަރާ ބޭކަލުން ބޮޑު ބޭކަލުން ވަރު ތެރެއަށް ލެއްވީމާ ފުރަތަމަ ދަމަށް ދުރުވާންޖެހޭ ރޭ އެއަށްޓެއްގެ ބޭކަލުން ދުރުވެ އެމީހަކު ގޮވައިގެން ދަމުއަށްޓަށް ދުރުވުން އެގެއެއްގައި އަށީ ބޭކަލުންނަށް އަވެލި ހުންނާންވާނެއެވެ އެރޭ އައްޓަށް އަރުއްވާފައި އެބޭކަލަކު ދުރުވާނީ ގެޔަށެވެ
އައްޓަމަސް
ނ ކަނޑުގައި އުޅޭ ބާވަތެއްގެ މަހެއް މީގެ ތަލަމަތީ ރާޅުކޮށް އޮންނަ ތަނެއް އެހެނިހެން އެއްޗެހީގައި ވަރަށް ގަދައަށް ތަތްކޮށްލައެވެ
އައްޕަން
ނ ކައިރިއަށް ތުނިކޮށް ހުންނަ ތުނިވަރެއްގެ ބޯކިބަލެއް
އަވަހާރަ
އ (1) ގަނޑުވަރުތެރޭ ބޭފުޅުންގެ ބައެއް އެއްޗެހިކޮޅު ގެންދާއިރު އެކަން އެންގުމަށް ބުނާ ބަހެއް (2) ބަޑިބޭހާއި އަލިފާނުގެ ތަކެތި ގެންދާއިރު އެއަށް ރައްކާތެރިވުމަށް ބުނާބަހެއް (3) ނ މބ މަރު (4) ނިދި