radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ރައްކާބައިން
ނ (1) ފަލީގެ ދުލުން މެއްކަށް އައްސައިފައި ހުންނަ މާރު (2) ހުންގާނުގައި އޮޅައިފައި ދެފަރާތުންގެނެސް އައްސައިފައި ހުންނަ މާރު (3) މީހަކު ގެއްލުމަކުން ސަލާމަތްކުރުމަށްޓަކައި ރައްކައުތެރިކުރުވުމުގެ ގޮތުންއަޅާ ކަމަރު (4) ގޮނޑީ ކަމަރު
ރަވަ
ނ (1) ލޮލުގެ ކައިރިފަށް (2) އެސްފިޔަފަޅައިފައި ހުންނަތަން (3) މަސްގަނޑު ނުވަތަ އައިންތިލަވެގެން ކުރިޔަށްދާއިރު ހެދިފައި ހުންނަ ކުދިކުދިރާޅުތައް
ރަމަންނެގުން
މ (1) ބިރުގަނެގެން ނުވަތަ ދެހާ ތަޅައިގެން ބަލިވާ ހައު ކެޔޮފޮތީގެ ފަހަތުގައި ހުންނަ ފަތްކޮޅު އުފުލުން އެހެންވެސް ޖަނަވާރު އެއަށްވުރެ ގަދައެއްޗެއް ފެނުނީމާ ބިރުން ދިއުމަށްވެސް ކިޔަނީ މިހެންނެވެ (2) މަޖާޒު: މީހަކު މާމޮޅު މީހަކަށް ހެދިގެން އުޅެނިކޮށް މޮޅުމީހަކު އައީމާ ހެދިގެން އުޅޭ މީހާ ދެރަވުން
ރަމަންރަމަންފޯލި
ނ ކުޑަކުދިން މުގޯލި އަޅައިގެން ކުޅޭ ކުޅިވަރެއް މިކުޅިވަރުގައި މުގޯލިތައް ހުންނަނީ މެދުގައި އެއް މުގޯލި އަޅައި އޭގެ ވަށައިގެން އެހެން މުގޯލިތައް ހުންނަ ގޮތަށެވެ މިމުގޯލިތައް އަޅާނީ ކުދިން ތިބި ޢަދަދަކަށެވެ މެދު މުގޯލީގައި ހުންނަ ކުއްޖާ ހުންނާނީ ތުނި ފޮތިކޮޅަކުން ކަނުބަނދެފައެވެ އެކުއްޖާ ރަމަންރަމަންފޯލި ކޮބައިހޭ ކިޔާފައި އެއް މުގޯލިން އަނެއް މުގޯއްޔަށް ހިނގާއިރު އޭނާގެ އަތުނުޖެހޭން ވެގެން ކުދީން އެއް މުގޯލިން އަނެއް މުގޯއްޔަށް ދުވާނެއެވެ ކަނުބަނދެފައިވާ ކުއްޖާ މުގޯލިން ބޭރުގައި ހުރި ކުއްޖެއްގެ ގައިގައި އަތްލެވިއްޖެނަމަ އެ އަތްލެވުނު ކުއްޖާ ނުބައިވާނެއެވެ އެއީ ރަމަންރަމަން ފޯއްޔެވެ
ރަތްރުމާ
ނ ކުރީގައި ގެންގުޅުނު ރަތްކުލައިގައި ހުންނަ ފަލިޔާކާޓްރުމާ މިއީ އިހުގައި އަންހެނުން ބޮލުގައި އަޅައި އުޅުނު ޚާއްޞަ ރުމާލެކެވެ މިރުމާ ބޮކްސާ ބަނުމަށާއި ތާރަޖަހާއިރު ކަރުގައި އައްސަން ބޭނުންކޮށް އުޅުނެވެ
ރަސްގުއްލަ
ނ ފޮނިކާއެއްޗެއް. މިއީ ރޯ ކިރަށް ހަކުރާ ގިތެލާ އަޅައިގެން މަޑު ގިނީގައި ކައްކަމުންގޮސް ފެންހިނދި ގުޅަވެށޭވަރަށް ކެކުނީމާ ބޭނުން ސައިޒަކަށް ގުޅަވަށައި ހަކުރު ފަންޏަށްލައިފައި ހުންނަ އެއްޗެކެވެ މިހުންނާނީ ސާފު ހުދު ކުލައިގައެވެ
ރަޖަމު
ނ ޞައްޙަ ކާވަންޏެއްގައި ވަޠީވެފައި ހުރިމީހަކު ޒިނޭކުރީމާ ހައްދެއްގެ ގޮތުގައި އުނަގަނޑާ ހަމައަށް ވަޅުލައިގެން ކުދިހިލައިންތަޅައި މަރާމެރުން
ރަޖަމްކުރުން
މ ޞައްހަކާވަންޏެއްގައި ވަޠީވެފައި ހުރިމީހަކު ޒިނޭކުރީމާ ހައްދެއްގެގޮތުގައި އުނަގަނޑާހަމައަށް ވަޅުލައިގެން ކުދިހިލައިން ތަޅައި މެރުން
ރާހުތުމަޑު
ނ ރާހުތް އަޅައިފައި ހުންނަ އެތީގެ އަޑިޔަށް ފެތިފައި ހުންނަ މަޑު
ރާހުތްއެޅުން
މ ރާ އެއްޗަކަށް އަޅައިފައި އެހުރިގޮތަށް ސާޅީސް ވަންދެން ބެހެއްޓުން
ރާނބާފަތްހެދުން
މ ރާނބާގަހުގެ ފަތް ހިމަކޮށް ހުރަހަށްކޮށައި ކޮއްޗޭފަތާއެކު އަވީލައި ކުޑަކޮށް ހިއްކާލައި ހުވަނދުމާ އަޅައި އޭގައި މީރުވަސް ހިއްޕުން
ރާކަނި
ނ ކައިރިފަށުން އިނގިލި ބުޅިތަކެއް ފަޅައިފައި ހުންނަ ބޮއްޔެއް މީގެ މަސްކައި އުޅެއެވެ
ރާއުނދުނުފަތަފޮޅި
ނ މަސްފަތަފޮޅި ފިހަން ފުށްގަނޑު މޮޑޭގޮތަށް މޮޑެފައި ފަތުގައި ޖަހައި ފަތާކޮށްލައިފައި މަތިން ފަތްގަޑެއްޖަހައި ހޫނުކޮށް ހުންނަ ރާއުނދުނުގެ އަޅިގަނޑުދަމައިގެންފައި އުނދުނުގެތެރޭގައި ބާއްވާއި މައްޗަށް ހޫނުއަޅިއަޅައިގެން ފިހާފަތަފޮޅި
ރާއުނދުން
ނ ރާކެއްކުމަށްޓަކާ ވަކި ފުންމިނެއްގައި ވަކިމިންގަނޑަކަށް ބިންމަތިކޮނެ އެތަނަށްއަޅި އަޅައި ފެންޖަހައި ހަރުކޮށްގެން ތިންވަރުގެ ތިން އަނގަކަނޑައި މަގަތުއަނގައިން ބަނޑުދުރަލާގޮތަށް ކޮންނަމުންގޮސް އަނެއްދެއަނގަ ވަޅަށް ފޫދުައްވައިފައި ހުންނަ އުނދުނެއް. މަގަތު އަނގަވަޅަކީ ދަރުޖަހާތަނެވެ. މެދުގައި ވަށްލޯވަޅެއްހެން ބޮޑުކޮށްހުންނާނީ ތަރާ ފަތްއުދާ އަނގަވަޅެވެ. އެންމެ ބިއްދޮށަށް ހުންނާނީ އާވި ބޭރުކުރުމަށް ހަދައިފައި ހުންނަ )ކުދިތެލި އުދޭވަރުގެ( ލޯވަޅެކެވެ އެތަނަށްކިޔަނީ ކަނޑޯޅިކޮޅެވެ ދެ އަނގަވަޅު ދެމެދަށް ކިޔަނީ ނިތްގަނޑެވެ
ރިހަފޮޅި
ނ ވަޅޯމަހުގައި ހިކިކޮށް ކައްކައިފައި ހުންނަ ރިހައެއް އެތެރެޔަށް އަޅައިގެން ތައްޔާރުކުރާ ފޮޅި
ރިހާކުރު ގަރުދިޔަ
ނ ހިކިމިރުހާއި ބިލަމަގު އަޅައިގެން ލޮނުލައިގެން ރިހާކުރުގައި ކައްކާ ދިޔަ
ރިހާކުރުބޮނޑި
ނ ރިހާކުރަށް އަޅައިފައި ހުންނަ މަހުގެ ގުޅަ މިއީ ކަނޑުމަހުގެ ކަށިފަތި ކަހައިގެން ނަގާމަސްގުޅަ ވަށައިގެން ކައްކައި ހިއްކައިގެން ނުވަތަ ވަޅޯކޮށްގެން ހަދައިފައި ހުންނަ އެއްޗެކެވެ
ރިހާކުރުދިޔަ
ނ ފިޔަޔާއި މިރުހާ ކޮށައިގެން ރަހަދޭވަރަށް ރިހާކުރާއި ލޮނާއި ހުތް އަޅައިގެން މޮޑެފައި ފެނަށް ނުވަތަ ކާށިކިރުގެ ތެރެއަށް ގިރުވައިގެން ހަދާ ލައިގެން ކާއެއްޗެއް
ރިހިދުއްވުން
މ އަޅައިފައި ހުންނަ ކުރެހުމުގައި ރިހި ކުލަޖެއްސުން
ރިނާޅައި
)ބދ ( އަޅައިނުލައި