radheef.info
ރަދީފު


ބައި
ނ (1) އެއްޗެއްގެ އެތިކޮޅެއް (2) އެއްޗަކަށް ފުރިހަމަނުވާ މިންވަރު (3) ޖަމާޢަތެއް (4) ޙިއްޞާ (5) އެތައް އެއްޗަކުން ހަމަވާ ފުރިހަމަ އަދަދު މިސާލު: )ހ( އުޅާބައި )ށ( ރިޔާބައި )ނ( ނަނުބައި (6) ކަމެއްގައި މީހަކު އަދާ ކުރާ ދައުރު (7) ނއ ދެބައިކުޅަ އެއްބައި މިބަހުގެ މާނަ ދޭހަވަނީ ފުރިހަމަ އެއްޗަކާ ގުޅުވައިގެންނެވެ މިސާލު: )ހ( ބައިނާޅި )ށ( ބައިހަންދަރު )ނ( ބައިކަނޑި (8) )ސ ( އމ އާދޭ
ބުންހިއްޕިލަވަބައި
ނ ނެއްޓިޔަށް އަނބުރާލާ ލަވަބައި މިލަވަބައި ޖަހާނީ ދަނޑިގަނޑުގެ ބަދަލުގައި އަތުންނެވެ
ބުންބައިޓީ
ނ ބުންބާސައި
ބެރުހުއްޓާލަވަބައި
ނ ސަމާހުއްޓުމަށާއި އަދިވެސް އެހެނިހެން ގޮތްގޮތުން ޖަހާ ދަނޑިބެރު ހުއްޓާން ޖަހާލަވަ
ބެރުފަށާލަވަބައި
ނ ސަމާފެށުމާއި ތިންފުޅި ބެރުފަށާންޖަހާ ލަވަތައް
ބޮޑުހުއްސަރިބައި
ނއ މަޖާޒު: ފިރިމީހާ ރާއްޖޭގައިނުވާ
ބޮޑުއޮޅަންނަބައިމަތި
ނ އައްތާރަފަނީންގެ ތެރޭން ބައެއް
ބޮޑުތެލީބައިން
ނ ބޮޑެތި ތެލި އުފުލާން އޭގައި ޚާއްޞަގޮތަކަށް ޖަހާބައިން
ބޮޑުލަވަބައި
ނ ނެއްޓީގައި ހަތަރުވަނައަށް ޖަހާ ލަވަބައި މިއީ ދަނޑިބެރުގައި ޖަހާ ލަވަބައެކެވެ
ބޯނުބައިވުން
މަޖާޒު: (1) ބުއްދިކޮށިވުން (2) ދިމާވިކަމަކުން ސިކުނޑިއަށް އުނދަގޫވުން (3) ކަމެއްގެ ސަބަބުން އެވަގުތަށް ވިސްނުން ކޮށިވުން
ބޯނެތްބައި
ނ ދެބައި ހަމަޔަށް ބަހައިގެން ކުޅޭ ކުޅިވަރެއްގައި އެކަކު މަދުބައި
ބޯގިނަބައި
ނ ދެބަޔަށް ބަހައިގެން ކުޅޭ ކުޅިވަރުގައި އެކަކު ގިނަވެފައިވާ ބައި
ޅެންބައި
ނ (1) އެއް މައިގަނޑު ނަމެއްގެ މައްޗަށް އެކަކު ހަދައިފައި ހުންނަ ޅެންތައް މިސާލު: ސިޔަރަތުގެ ރަންހާރު (2) ޅެމެއް މިސާލު: ޤުރުއާން ޅެންބައި
ކަށިބައި
ނ ދިގުހަރު ލިޔާއިރު ބޭނުންކުރާ ތިލަލީކަށިތައް
ކަނބައިދިކިލެގެ
ނ ކަބައިދިކިލެގެ ކަމަށް ކޮލިލައްވާފައިވާ އަންހެނާ. މިއީ ރާއްޖޭގެ އިހުގެ އާދަކާދައިގެ ކަންކަމުގައްޔާއި ރަސްކަމުގެ ޢިއްޒަތުގެ ކަންތަކުގައި ލަފާހޯއްދަވައި އަދި ޢިއްޒަތުގެ ބައެއް ކަންކަމުގައި ބޭނުން ހިއްޕަވާ އަންހެން ތިންކިލެގެއިން ތެރެއިން އެއް ކިލެގެއެވެ
ކަނބައިދިކިލެގެކަން
ނ އަންހެނުންނަށް ދެއްވާ މަތީ ދަރަޖައިގެ ކޮލީނަމެއް. މިދަރަޖަ ލިބެނީ ރަސްކަލެއްގެ ނުވަތަ ރަސްކަލެއްގެ އަނބިކަނބަލެއްގެ ދައިތާފުޅަކަށް ނުވަތަ ކޮއްކޯފުޅަކަށެވެ
ކަނިކުރެދިބައިން
ނ ދިރުނބާކޮޅުގައި ކަނިކުރައްޖާ މައްޔަލާ ދޭތެރޭ ފުރައިފައި ހުންނަ ބައިން
ކަކަވާރުބައި
ނ )އ ( މާކެޔޮޅު ކަމުދާން ގެންގުޅޭ ހެތުރު
ކަތީބުބައި
ނ އިހުގައި ރަށްރަށުގެ ކަތީބުންނަށް އެރަށެއްގެ ރައްޔިތުންކުރާ މަސައްކަތަކުން ލިބޭއެއްޗަކުން އޮންނަބައި މިއީ ސައުވީސްބައިކުޅަ އެއްބައެވެ
ކާޑުމަސްބައި
ނ ކާޑުގެޒަމާނުގައި )ދެވަނަބޮޑު ހަނގުރާމައިގެ ދުވަސްވަރު( ރަށްރަށުގެމީހުން ކާޑުގެއަށް އަޅައި އުޅުނު މަސްބައި މިއީ އިހުގައި ކޮންމެ ދޯންޏަކުންވެސް ފަޅުވެރިޔަކާ އެއްވަރަށް ނަގައިއުޅުނު މަސްބައެކެވެ. މި މަސްބައިނަގައި އުޅުނީ ރައްޔިތުގެއިން ކުރަންޖެހޭ ޚަރަދުތައް ކުރުމަށެވެ. މިސާލަކަށް: ރަށުގެރައްޔިތުން ދަރަންޏަށްގެންނަ ކާޑުގެބާވަތްތަކުގެ އަގުހަމަޖެއްސުމާއި މަދަރުސާ މަކްތަބު ފަދަ ތަންތަނަށް ޚަރަދުކުރުމާއި ބަންޑާރަދަތުރުގެ ކޮއްތުދިނުންފަދަ ކަންތައް ކުރުމަށެވެ
ކުރިބައި
ނ )ޅ.( މަސްއައިނުގައި ކުދިމަސް ބާނަން ގެންގުޅޭ އެންމެ ހިމަ ކުދިދޮށި މަސްއައިނުގައި ދަހިކޮށް ކުދިމަސް ބާނައިއުޅެނީ ކުރިބައިންނެވެ