radheef.info
ރަދީފު


ނ
އކ ތާނައިގެ ތިންވަނަ އަކުރު
ހަނާކުރިހަވާދު
ނ ހަނާކޮށްފައިހުރި ހަވާދު
ހަނާކުރިމަސް
ނ ކޮތަނބިރި ދަވިއްގަނދު ދިރި ހިކިމިރުސް އަސޭމިރުސް ފޮނިތޮށި ކާފޫރުތޮޅި ނާނދާ ވަރަށް ހަނާކޮށްގެން މުގުރައި މިހަވާދުލައިގެން ކައްކާ މަސް
ހަނާކުރިފޯއް
ނ ފޯއް ކޮށައި އަވީލައި މުރަނަވީމާ އުނދުންމައްޗަށް އުދައިގެން މުރަނަކޮށްފައި ހުންނަ ފޯއް
ހަނާކުރުން
މ (1) ހިކިތަވާގައި އަލިފާނުގެ ހޫނުން ތަކެތި މުރަނަކުރުން. (2) ކޮތަނބިރި ހަވާދު ދަވައި ހިމުންކޮށްގެން ހިކިކޮށް މަހުގައި ރިހަކެއްކުން
ހަނާކެޅައުން
މ (ޏ) ހަނާކުރުން
ހަނާއެޅުން
މ (1) އަތްތިލައިން ނުވަތަ އިނގިލިތަކުން އަންނާން އެންގުން (2) އަތުގައި އޮތް ކޮންމެވެސް އެއްޗަކުން މިފަދަ އިޝާރާތެއްކުރުން
ހަނާވުން
މ (1) ހިކިތަވާގައި އަލިފާނުގެ ހޫނުން ތަކެތި މުރަނަވުން (2) މަޖާޒު: ފުރާނަހުރި އެއްޗެއްސަށް މަރުވުންފަދަ ގެއްލުން ލިބުން
ހަނާފާޅަ
ނ )ބދ ( ދޭދިނުން
ހަނާދޭސަ
ނ )ބދ ( (1) މީހަކުދޭ އެއްޗެއް (2) މީހަކު ދިން އެއްޗެއް
ހަނި
ނ (1) ތަނަވަސްކަން ކުޑަ (2) ފުޅާމިން ކުޑަ މިސާލު: މިއީ ކާރަކަށް ދެވޭ ވަރަށް ވުރެވެސް ހަނި މަގެކެވެ (3) ފުޅަލުގެ އިދިކޮޅު
ހަނިހަނި
ނ (1) އެހެން މީހުންނަށް ނޭނގޭ ގޮތަށް އަންގާއެންގުން (2) ވަރަށް ހަނި
ހަނިހޯސާ
ނ އެމަށް ހިފައިއުޅޭ ކުދި އެމުގެ ބާވަތެއް މިއީ ހުދެން މުގުރާމުގެ އެންމެ ކުދިބާވަތެވެ
ހަނިކަން
ނއނ ފުޅާމިން ކުޑަކަން
ހަނިވައް
ނ )ސ ( ހެމަވަތި
ހަނިވަތް
ނ )ސ ( (1) އޮޑީގެ ހިޔަލުގެ ދިރުނބާކޮޅު ބިތާގުޅޭވަތް (2) ތިރިމަޅުމަތި
ހަނިވުން
މ (1) ފުޅާމިން ކުޑަވުން (2) މަޖާޒު: ކުޑަވުން މިސާލު: ވާހަކަދެއްކުމުގެ ދާއިރާ ވަރަށް ހަންޏެވެ
ހަނިލުން
މ (ޏ ، ސ ) ހަނުލުން
ހަނު
ނ (1) ވަޅި އާއި ފުރޯ ފަދަ ތަކެތި ތޫނު ކުރާން ކުރަނދާއި ލާއިން ވަށްބުރަކަށް ހަދައިގެން ގެންގުޅޭ އެއްޗެއް (2) ވަޅި ފުރޯފަދަ ތަކެތި ތޫނުކުރާން ގެންގުޅޭ އާލަތެއް (3) )ކއ ( މަޑުން (4) )ނއ ( ހިމޭން
ހަނުހިމޭން
ނއ (1) އަޑުބަޑުމަޑު (2) ޙަރަކާތެއްނެތް (3) އަނގައިން ނުބުނެ މަޑުންހުންނަ
ހަނުހިމޭންކަން
ނއނ (1) އަޑުބަޑުމަޑުކަން (2) ޙަރަކާތެއްނެތްކަން (3) އަނގައިންނުބުނެ މަޑުންހުންނަކަން