radheef.info
ރަދީފު


ވ
ތާނައިގެ ނުވަވަނަ އަކުރު
ޑަގަނާ
ނ (1) ހޮޅިބުރިއާއި ބޮތްކާއި ބައްތިޔާއި ބިގަރުފަދަ އެއްޗެހީގެ އަލި ތިރިޔަށް ފަތުރައިލުމަށްޓަކައި މަތީގައި ހަރުކުރާ އެއްޗެއް (2) ދުންބޯއިރު ސިލުނބުގައި އަލިފާން ގަދަވިޔަ ނުދިނުމަށް ސިލުނބުގައި ޖަހާމަތި
ޑަޑަން
ނ ބަޑިތަކެއް ތަޅައިގަތުން ފަދަ ނުވަތަ އަޑުގަދަވާ ކަހަލަ އެއްޗެހި ތަކެއް ވެއްޓުން ފަދަ ކަމަކުން އިވޭ އަޑު
ޑަޒަން
ނ އެއްވައްތަރެއްގެ ބާރައެތި މިސާލު: އަލިފާން ފޮށި ޑަޒަނެއް
ޑާންޑޫން
ނ (1) މަރަވަޅި ބިންމަތީގައި ކޭއްތޭއިރު އިވޭ އަޑު (2) މާބާރަށް ހިނގައިފައިދާން ފެށުމުން އެހިނގާ ހިނގުމަށް ކިޔައިއުޅޭ ނަމެއް
ޑާޓު
ނ (1) ނަންބަރު ޖަހައިފައިވާ ވަށް ބޯޑަކަށް ފަތްލީ ކުދިކުދި ތީރުތަކެއް ޖަހައިގެން ކުޅޭ ކުޅިވަރެއް (2) މި ކުޅިވަރުގައި ގެންގުޅޭ ކުދިކުދި ތީރު
ޑާޓުބޯޑު
ނ ޑާޓުކުޅޭއިރު ބޭނުންކުރާ ވަށްބޯޑެއް
ޑާޓުކުޅުން
މ ޑާޓު މިނަން ކިޔާ ކުޅިވަރު ކުޅުން
ޑިނގާ
ނ ކުޅިކުޅީ ގައްޔާއި އޮއިދެމުން ކުޑަ ކިސަޑުގޮނިތަކުގައި އުޅޭ މަސްކާ އެއްޗެއް މި ވައްތަރުވާނީ ނައިޔާއެވެ
ޑިންގީ
ނ (1) ކަނޑުފަޅާއި ކޯރުތަކުގައި ދުއްވުމަށް ވަކި ސިފަޔަކަށް ބަނދެފައި ހުންނަ އުޅަނދެއް (2) ވައިޖަހައިގެން ބޭނުންކުރާ ކުދި ލާންޗު
ޑިންޑިންކޮވެލި
ނ ކޮވެލީގެ އަންހެން ދޫނި
ޑިރެކުޓަރީ
ނ އެއްވައްތަރެއްގެ އެއްޗެހީގެ ނަންތައް ފަސޭހައިން ހޯދައިލެވޭ ގޮތަށް ތައްޔާރުކޮށްފައިވާ ފޮތް
ޑިރެކްޓަރު
ނ (1) އިދާރީ ގޮތުން ބައިކުރެވިފައިވާ ބައިތަކުން ކުރެ ބައެއްގެ ވެރިޔާ (2) ފިލްމާއި ތަމްސީލުގައި ހަދަންވީގޮތް ކިޔައިދޭ މީހާ (3) ވިޔަފާރީގެ ބޮޑު ބަޔަކާ ހަވާލުވެ ހުންނަ ވެރިޔާ
ޑިކުޓޭޓަރު
ނ ޚުދު މުޚުތާރުވެރިޔާ
ޑިކުޝަނަރީ
ނ އަކުރުތަކުގެ ތަރުތީބުން ބަސްއަތުރައި އެބަސްބަހުގެ މާނަ ލިޔެވިފައިވާ ބަސްފޮތް
ޑިއުޓީ
ނ (1) އަދާކުރަންޖެހޭ ވަޒީފާ (2) އެތެރެކުރާ މުދަލާއި ބޭރު ކުރާ މުދަލުގެ އަގުގެ ނިސްބަތުން ސަރުކާރަށް ނަގާބައި
ޑިވިޒަން
ނ (1) ތަނެއް ބަހައިލެވިފައިވާ ބައިތަކުގެ ތެރެއިން ބައެއް (2) ސިފައިންގެ ތިންބުރިގޭޑް ނުވަތަ ހަތަރު ބުރިގޭޑުގެ މައްޗަށް އެކުލެވޭ ބައެއް މިބައިގެ ކޮމާންޑަރަކަށް ޢާންމު ގޮތެއްގައި ހުންނާނީ މޭޖަރު ޖަނަރަލެކެވެ
ޑިވިޝަން
ނ (1) ވުޒާރާއެއް ނުވަތަ މަޙްކަމާއެއް ބަހައިފައިވާ ބައިތަކުން ބައެއް (2) ސިފައިން ބަހައިފައިވާ ބައިތަކުން ބައެއް (3) ޑިވިޒަން
ޑިގު
ނ ތާސްބައިން ކުޅޭ ކުޅިވަރެއް. މި ކުޅިވަރު ކުޅޭގޮތަކީ ވަކި ހަމައެއްގެ މަތިން ތިންގަނޑު ތިންގަނޑުން ދެ އަތްބައި ހަމަކުރުމަށްފަހު ހަތަރުގަނޑުން ތިންވަނަ އަތްބައި ހަމަކޮށް އިތުރަށް އޮންނަގަނޑު ބަންޑުން ޖަހާނީއެވެ
ޑިގުރީ
(1) ކޮލެޖަކުން ނުވަތަ ޔުނިވަރސިޓީއަކުން ލިބޭ ފާސް (2) ކޮލެޖަކުން ނުވަތަ ޔުނިވަރސިޓީއަކުން މީހަކަށް ދޭ ޝަރަފުވެރިކަމުގެ ފާސް (3) ފިނިހޫނުމިން ބަލާ މިންގަނޑު ބައިކޮށްފައިވާ ބައިތަކުން ބައެއް (4) ވައް ރޮނގެއް 360 ބަޔަށް ބައިކޮށްފައިވާއިރު އެއިން ބައެއް (5) ދަރަޖަ މިބަހުގެ 5 ވަނަ މާނަބަލާ!
ޑިގުކިޔުން
މ ޑިގު ކުޅޭއިރު އަތްބައި ހަމަވީމާ "ޑިގު" މިހެން ކިޔައި އިތުރަށް އޮންނަގަނޑު ބަންޑުން ޖެހުން