radheef.info
ރަދީފު


ވ
ތާނައިގެ ނުވަވަނަ އަކުރު
ސިޓީކެނޑުން
މ ސިޓީއުރަ ހުޅުވުން
ސިޓީލުން
މ (1) ކަމަކަށް އެދި އެކަމާބެހޭ އިދާރާއަށް ސިޓީއެއް ހުށައެޅުން (2) ރަސްމީ ފަރާތަކަށް ޝަކުވާއެއް ހުށައެޅުމަށް ސިޓީއެއް ފޮނުވުން
ސިޔާދަތު
ނ (1) މާތްކަން (2) ވެރިކަން (3) ރަސްކަން (4) ސަރުކާރު (5) ޤައުމެއްގެ މިނިވަންކަން
ސިޔާސަވުން
މ (1) ބަސްގަބޫލު ނުކުރުން (2) ލާނެތްވުން (3) )ބދ ( ގަދަފަދަ ކަމާއި ބާރުދެއްކުން
ސިޔާސަތު
ނ (1) ސަރުކާރު ހިންގުމާއި ސޮސައިޓީއެއްގެ ގޮތުގައި އެއްވެ ފައިވާ މީހުންތަކެއް ޤާނޫނާއި ޤަވާޢިދުގެ ތެރޭގައި ގެންގުޅުމުގެ ޢިލްމު (2) އިންސާނީ މުޖްތަމަޢެއްގެ މައްޗަށް ވެރިކަން ހިންގުމުގެ ފަންނު
ސީނާބަދަން
ނ އެތެރެ ވަތްވަތަށް ހުންނަ ބަދަނެއް
ސީނިސަންބޯލް
ނ ފިޔަޔާއި މަހާއި މިރުހާއި ހަކުރާއި ފޮނިތޮއްޓާއި ހުތާ އަދި ލޮނު ލައިގެން ތައްޔާރު ކުރާ ކާއެއްޗެއް މީގައި ގިނަވާނީ ފިޔައާ މަހުގެ ބައެވެ ރޯ ފިލުވާނީ ތެލުގައެވެ އެހެން ހުރިހާ އެއްޗެއްސަކީ ރަހަލާވަރަށް އަޅާ ތަކެއްޗެވެ
ސީނިސައްކަރު
ނ އިހުގައި ގެންނަ ހަނޑުލުގެ ބާވަތެއް
ސީނު
ނ ތާނައިގެ ސަތާރަވަނަ އަކުރު
ސީނުކުކުޅު
ނ (1) އާދައިގެ ކުކުޅަށްވުރެ ބޮޑެތިކޮށް ކަރުގައި ފަތްނެތި ގައިގެ ފަތްތަކުގައި ކަޅުކުލައާއި ހުދުކުލައިން ޑިންޑިންކޮވެލި ގޮތަށް ތިކި ޖަހައިފައި ހުންނަ ކަރުހިމަ ދިގު ކުކުޅެއް (2) ނާށިގަނޑު ކުކުޅު
ސީނުދަތި
ނ މީދާ ހިފުމަށް ހަދައިފައި ހުންނަ ދަގަނޑު ދައްޗެއް މި ހުންނާނީ ފުއްކަނޑައިފައި ހުންނަ ދެފަޅީގެ ދެމެދުގައި މީދާ ތިއްބޭ ގޮތަށެވެ
ސީނުތަށި
ނ އިހުޒަމާނުގައި ޗައިނާއިން ގެންނަތައްޓެއް މީގެ އެކިމިނުގެ އެކި ވައްތަރުގެ ތަށިހުރެއެވެ
ސީނުސަންފާކެޔޮ
ނ ބޮންތިރަތްކޭލުގެ ވައްތަރެއް މިކޭލުގެ ތޮށިތުނިވެފައި މުށިކުލައިގެ ކުދިލައްތަކެއް ހުންނާނެއެވެ ކޭލުގެ ފޮނި ގަދަވާނެއެވެ
ސީން
ނ (1) ތާހާއި ތަވާފަދަ އެއްޗެހީގައި ފޮޅިފަދަ އެއްޗެހި ފިހާއިރު ކިޔާ އަޑު (2) ކުޑަކުދިންގެ ބަހުރުވައިގައި ފޮޅި
ސީރާ
ނ ރޯމަސް ކުނިވިޔަ ނުދިނުމަށް ހިމުން ލޮނުގެ ތެރެއަށް އަޅައިފައި ބެހެއްޓީމާ ވާގޮތް
ސީރާއެޅުން
މ ރޯމަސް ނުބައިނުވެ ގިނަދުވަހު ހުންނާނެގޮތް ހެދުމަށްޓަކައި ފުށްލޮނު އަޅައިފައި ބެހެއްޓުން
ސީރާވުން
މ ލޮނުގެ ތެރެއަށް މަސްއަޅައި ވަކިމުއްދަތަކަށް ބެހެއްޓުމުން އެމަސް ވަކިވަރަކަށް ރޯފިލައި ކުނިނުވާ ގޮތްވުން
ސީރިއަސް
ނއ (1) ކަންބޮޑުވާފަދަ (2) ނުރައްކާތެރި (3) ސަމާސާ އަށްވުރެ ކަންބޮޑު (4) އަބުއި
ސީރިޔަސްވުން
ނ (1) ކަމެއް ކަންބޮޑުވާފަދަ ހިސާބަކަށް ދިއުން (2) ނުރައްކާވުން (3) ސަމާސާއަށްވުރެ ކަންބޮޑުވުން (4) އަބުއިވުން
ސީވޭލް
ނ މަސްދޯނިފަހަރުގެ އިންޖީނުގައި ލޮނު އެތެރެއަށް ވައްދައި ބޭރުކުރުމަށް ހުންނައެތި