radheef.info
ރަދީފު


ޒ
އ ތާނައިގެ 91 ވަނަ އަކުރު
މޮށްޓުން
މ (1) ވާހަކަދެއްކުވުން (2) މަޖާޒު: ޖިންސީގުޅުން ހިންގުވުން
މޮނިޓަރު
ނ (1) މުދައްރިސަށް އެހީވުމަށް ކުލާހުން ކަނޑައަޅައިފައި ހުންނަ ކިޔަވާ ކުއްޖާ (2) އިންޒާރުކުރާމީހާ (3) އިރުޝާދު ދިނުމަށް ނުވަތަ އިންޒާރު ކުރުމަށް ކަނޑައަޅައިފައި ހުންނަމީހާ (4) ވަކި ޚާއްޞަ ބޭނުމެއްގައި ބަލާ ޗެކްކުރާ އެތި
މޮނިޓަރުފޮތް
ނ ބަނޑޭރިގަނޑު ބޯކޮށް އިސްކޯލުފޮތުގެ ސައިޒަށް ހުންނަ ފޮތެއް
މޮޅިހަރުބީ
ނ ރަދުން ޢިއްޒަތުގައި ތަނަކަށް ވަޑައިގަތުމަށްފަހު ގަނޑުވަރަށް އެނބުރި ވަޑައިގަންނަވާއިރު ފުމޭ ހަރުބީއެއް )މިހަރުބީއަށް މޮޅިހަރުބީއޭ ކިޔަނީ ހިތާމަވެރި ރާގަކަށް ޖަހާހަރުބީއެއް ކަމުގައިވާތީއެވެ
މޮޅުއެޅުން
މ މަޖާޒު: (1) ދިމާވާގޮތަކުން ވަރަށް ބޮޑު ފައިދާއެއް ލިބޭގޮތްވުން (2) އެދިއެދިހުރި ކަމެއް ކާމިޔާބުވުން
މޮކޮސްތެޅުން
މ މަޖާޒު: )ޏ ސ ( (1) ހުސް އަނގަތެޅުން (2) ބޭކާރުކަންތައް ކުރުން
މޮއިލުން
ނ (1) ފުރާދުއްވާ އެއްޗެހީގެ ހުންގާނުގެ ޙަރަކާތުން ބާނި އުފެދުން (2) މައްޗަށް ނުހިކިފެނުގެ އަޑިން ދުވެފައިދާ އެއްޗެއްގެ ސަބަބުން ފެންގަނޑުގެ މައްޗަށް އަންނަ ހަލަބޮލިކަން އައުން ނުވަތަ ބާނި އުފެދުން (3) އޮއިދެމޭ ތަނެއްގެ އަޑީގައި ފެނަށް ނުހިކިހުރި އެއްޗެއްގައި ފެން އަޅައިގަތުމުގެ ސަބަބުން ފެންގަނޑުގެ މައްޗަށް އަންނަ ހަލަބޮލިކަން ނުވަތަ އުފެދޭބާނި (4) މަޖާޒު: ފިރިހެނަކު ޖަނގިޔާ ނުލައި މުންޑު އަނދެގެން ހިނގާފައި އަންނައިރު ކުރިމަތިން ފެންނަ ފެނުމަށް ބުނެއުޅޭބަހެއް
މޮޔަވުން
މ (1) ބުއްދި ގޯސްވުން (2) ސިކުނޑި ހަމައިން ނައްޓައިލުން (3) އެކަކު އަނެކަކާ މާބޮޑަށް ހިތާވުން (4) މަޖާޒު: ހަމައިން ނެއްޓޭވަރަށް ކަމަކާ އުޅުން
މޮޔަގެރިއަވަލުން
މަޖާޒު: ފިރިހެނަކު އަންހެނެއްގެ ފަހަތުން މާބޮޑަށް އަޅައިގަނެގެން އުޅުން
މޯ
ނ (1) ވަނަށް އެއްޗެހި އަޅައިފައި ހިމުންކުރަން ނުވަތަ ގޮވާމުގެ ތޮށިފިލުވަން ތެޅުމަށް މަޢުދަނަކުން ނުވަތަ ލަކުޑިން ހަދައިފައި އޮންނަ އެއްޗެއް (2) ބޭހާއި ދަވާދުފަދަ ތަކެތި ހިމުންކުރުމަށާއި ގެށުމަށް ހިލައިން ހަދައިފައި އޮންނަ އެއްޗެއް މަޖާޒު: (3) އެއްވެސް ކަމެއް ނުދަންނަ މީހާ (4) އަންހެން ދުޅާ ފިރިހެނާ
މޯހިރުންކެއުން
މ (1) މަސްއައިނުގައި ދުއްވާއިރު ހުންގާނު މޮއިގެ ފަހަތުން މަސް އައިސް އެންކެއުން މަޖާޒު: (2) އެމީހަކަށް އެނގުމަކާ ނުލައި އެމީހެއްގެ އެއްޗަކުން ފައިދާހޯދުން (3) އެހެންމީހުންގެ ތައްޕާހުން އުޅުން
މޯހިރުންއުޅުން
މ މަޖާޒު: ދިރިއުޅުމަށްޓަކައި މަސައްކަތެއް ނުކޮށް އެހެން މީހުންގެ ފަރާތުން އެހީ ހޯދައިގެން އުޅުން
މޯޅި
ނއ (1) ތާޒާކަން ކެނޑިގެން މިލާމިލުން (2) މަޖާޒު: ރޫޙު ގެއްލިފައިވާ
މޯޅިވުން
މ (1) ގަސްގަހާގެއްސާއި ފަތްޕިލާވެއްޔާއި މާމެލާމެލި މިލައި ތާޒާކަން ކެނޑި އެލުން ނުވަތަ ލެއްޕުން (2) މަޖާޒު: ކުރާ އަސަރެއްގެ ސަބަބުން މީހާގެ ރޫޙު ގެއްލުން
ފަހަކަށްއައިސް
އ (1) ޒަމާނެއް ދައްކައިދޭ ބަހެއް (2) ވޭތުވެދިޔަ ކައިރި ޒަމާނަކަށް އިޝާރާތްކުރާ ބަހެއް (3) މިޒަމާނަށް އެޅުނު ފަހުން
ފަހަތަހަބެލުން
މ )ޏ ( (1) ހިނގާއިރު ފަސްބެލުން (2) މަޖާޒު: ޚަރަދުކުރުމުގައި ބަލައިގެން އުޅުން
ފަހަތަށްބެލުން
މ (1) ފަހަތް ބެލުން (2) މަޖާޒު: ވޭތުވެދިޔަ ތަނާމެދު ވިސްނާ ފިކުރުކުރުން
ފަހަތުފަޔަށް ބަރުވުން
މ މަޖާޒު: ދިރިއުޅުމުގެ ކަންތައްތައް ހުރިގޮތުން ކަންކަމުގައި ފަސްޖެހުން
ފަހަތުފަޔަށް ބެލުން
މ މަޖާޒު: (1) ޚަރަދުކުރުމުގައި ލިބޭ މިންވަރަށް ބަލައިގެން އުޅުން (2) ފަހުން ވެދާނެގޮތަކާއި މެދު ވިސްނައިގެން އުޅުން
ފަހަތް
ނ (1) ފުރަގަސް (2) މަޖާޒު: ވޭތުވެގޮސްފައިވާ ތަން