radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ބިލެތްމާލުން
މ ބިލެތްމަލުގެ ސިފައިގައި ދެނަނު ފަލަސްކުރުން
ބިލެތްމުށް
ނ ބިލެތްދަފީގެ މެދުގައި ބިލެތްތަކުގެ ހުނގޫތައް މައްޗަށް ހުންނާނޭހެން ވަށްބުރު ހަމަޔަށް ކޮޅަށް ޖަހައިފައި ހުންނަ ބިލެތްތައް
ބިލެތްމުށްޖެހުން
މ "ބިލެތްމުށް" ދަފީގައި ބެހެއްޓުން
ބިލެތްމުރާކި
ނ މުރާކީގެ ބާވަތެއް އާދައިގެ މުރާތްކަށްވުރެ ފަތްބޮޑެތި ފަތުގެ ތުނޑު ތޫނުކޮށްހުންނަ ގަހެއްގައި އަޅާ އެއްޗެކެވެ
ބިލެތްދަފިނެގުން
މ ފިރިހެނުން ކުޅެއުޅޭ ކުޅިވަރެއް މިއީ ބިލެތް އަޅައިފައި ހުންނަ ދަތްޕެއް ތިރިގޮނޑި އެއްގައި ބަހައްޓައި އޭގެވަށައިގެން ފިރިހެނުން ތިބެލަވަކިޔައި ނަށަމުން އެނެށުމާ ހަމަވާގޮތަށް އެދަފިނަގައި ކޮންމެވެސް އެކެއްގެ ބޮލުގައި ބަހައްޓައިގެން ނަށާ ނެށުމެކެވެ ޢާއްމުކޮށް މިދަފިނަގައި އުޅެނީ ގާއޮޑި ލަވަކިޔާއިރު އަންބާބެރަށް ފެށުނީމާ އޭގެ ހަމައަށް ނަށަމުންނެވެ
ބިލެތްތަޅާވަން
ނ (1) މަތީގައި އިސްކުރުމައްޗެއް ފުލުގައި އަގުޅިއެއްޖަހައި މަތިގަނޑުގެ ތެރޭން ކޮޅުފަތި ކައްޓެއް މަހައިފައި އޮންނަ ހަރުމަތީ ބަނޑިއެއްގެ ފޫބުރިއެއްގެ ސިފައިގައިވާ ލޯކަންވާރެއް (2) ކުދިވަރުގެ ދަގަނޑު ނުވަތަ ލޯ ވަން
ބިލެތްގަސް
ނ އައްޑުހު ދުޢާފަދަ ބައެއްރަސްމީ ކެއުމުގައި ކޭން ކާމީހުންނަށް ލިބޭ ބިލެތްތަކުން އެމީހުންގެ ގޭގެޔަށް ފޮނުވުމަށް މަލެއްގެ ސިފައިގައި ރާވައިފައި ހުންނަ އެއްޗެއް
ބިލެތްޖެހުން
މ ދަތްޕާއި ބިލެތް މަލާފަތް ފަދަ ތަކެތީގައި ތަރުތީބުކޮށް ކެފިބިލެތް އެތުރުން. މިގޮތަށް ބިލެތް ޖަހައިފައި ހުންނައިރު ހުންނާނީ ބިލެތުގެ ހުނގޫތައް ބޭރަށެވެ
ބިސީ
ނ (1) ދަތުރުމަތީގައި އެކުގައި ކާން އުޅޭ ބައިގަނޑު (2) އެކުގައި ކައިބޮއި އުޅޭ ބައިގަނޑު
ބިސް
ނ (1) ބައެއް ބާވަތުގެ މަސްމަހާ މެއްސާއި ދޫނި ސޫފާ ސޫފީގެ ދަރި ގަރުބަގަތުމަށްފަހު މައިއެތީގެ ހަށިގަނޑުން ބޭރުގައި އޮވެގެން އޭގެ އަމިއްލަ ޒާތުގައި ނޭވާލައި އުޅެވޭ ވަރުވަންދެން އެއެއްޗެއްގެ ތެރޭގައި އޮންނަ އެތި. ޢާންމު ގޮތެއްގައި މިއީ ތޮށްޓެއްގެ ތެރޭގައި އޮންނަ ލޮނދިގަނޑަކާއި ގޮބޮޅިޔެއްގެ މައްޗަށް އެކުލެވިގެންވާ އެއްޗެކެވެ (2) އަންހެނާގެ ނުވަތަ އަންހެންއެތީގެ ހަށިގަނޑުގެ އެތެރޭގައި އުފެދޭ ދަރިމައިވުމުގެ ސެލް (3) ބައެއް ކަހަލަ މޭވާއާއި ދިވެހި ހަކުރު ނުބައިވެގެން އުފެދޭ ކުދިކުދި ފުއްފުއް
ބިސްރޮނޑު
ނ ރޮނޑުގެ ބާވަތެއް މަހުގެ ކުލައަކީ ކަޅު ކުލައެވެ ބަނޑުދަށް ފަރާތުގައި ހުދުކުލައިގެ ބޮޑެތި ލައްތަކެއް ހުރެއެވެ ތުނބުގެ ވަށައިގެން ހުންނަނީ ގަދަ ރީނދޫ ކުލައެވެ މަހުގެ މޫނުމަތީގައި ކައްޗަށްވާގޮތަށް ރީނދޫ ކުލައިގެ ކުރެހުމެއް ހުރެއެވެ
ބިސްބޮލި
ނ ބޮލީގެ ބާވަތެއް މިބޮލީގެ ބޭރު ހުންނަނީ ހުދުކުލައިގައެވެ އެތެރެ ފުށުގައި ހުންނަނީ ދަނބު މުށިކުލައެވެ ބޮލީގެ ކުރީ ކޮޅާއި ފަހަތުކޮޅު ދުރަށް ނުކުމެފައި ހުރުމާއެކު މައްޗަށް ފުރޮޅިފައި ކަހަލަ ގޮތަކަށް ހުރެއެވެ
ބިސްއެޅުން
މ (1) ބިސްއަޅާ ތަކެތީގެ ބަނޑުގައި ހުންނަ ބިސް ބަނޑުން ބޭރުކުރުން (2) މަޖާޒު: ކުޑަކުދީން ކޮންމެވެސް ގޮތަކުން ވެއްޓުން ނުވަތަ އިނދަޖެހުން
ބިސްމަޅި ދުއްވުން
މ (1) ކުކުޅެއްގެ ބިސްހާލި ހޯދުމަށް ކުކުޅުގެ ފައިގައި ދިގު ރޯނުގަނޑެއްޖަހާ ދޫކޮށްފައި އެވަންނަތަކެއް ބަލާން ފަހަތުން ހިނގުން (2) މަޖާޒު: ހީލަތުން ކަމެއް ހޯދާން އުޅުން
ބިސްމަސް
ނ )ސ ( ފަރުމަހުގެ ބާވަތެއް މިއީ ފަތާކޮށް ނަގޫކޮޅަށް ހިމަކޮށް ހުންނަ މަހެކެވެ މިމަހުގެ އަނގަ ބޮޑުވެފައި ދަތްތައް ހިމަވާނެއެވެ މަހުގެ ބަނޑުދޮށް ފަރާތުގައި ހުންނާނީ ރިހިކުލައެވެ ބުރަކަށި މަތީގައި ގަދަނޫކުލައެވެ
ބިސްމިކިޔުން
މ (1) ރާގު ކިޔުން (2) ކަމެއްގެ ފަށައިގަތުމުގައި ﷲ ގެ އިސްމުފުޅުން ފަށަމޭ ބުނުން
ބިސްފީވުން
މ (1) ބިހުގައި ފިޔޮއް އުފެދުން (2) ބިސް ކުނިވުން
ބިޑި
ނ (1) ކުށްވެރިންގެ އަތްފައިގައި އަޅާ ކަސްތޮޅު. (2) ދުންފަތުގެ އިސްތިޢުމާލު ކުރުމަށްޓަކައި އެތެރެއަށް ދުންފަތް އަޅައިގެން ފަތުގައި ނުވަތަ ކަރުދާހުގައި އަނބުރާ އެއްޗެއް (3) ދަގަނޑު ހޮޅިފަދަ އެއްޗެހި އެއްކޮށް ހަރުކުރުމަށް އަޅުވާ ތަޅެއް
ބިޑިހެދުން
މ (1) ޙައިޞުގައި އިން އަނބިމީހާޔާ ޖިމާޢުވުން (2) ބިޑިއެނބުރުން
ބިޑިއެޅުން
މ (1) ބިޑިން އަތްފައި ބަންދުކުރުން މިއީ ދަގަނޑުން ހަދައިފައި އުޅާގޮތަށް ދެއަތުގައި އަޅުވާ ތަޅުލާ އެއްޗެކެވެ (2) ދަގަނޑު ހޮޅިފަދަ އެއްޗެހި އެއްކޮށް ހަރުކުރުމަށް ތަޅު އެޅުވުން