radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ރަސްކޮކާމަސް
ނ ކޮކާ މަހުގެ ބާވަތެއް ރަސްކޮކާލުގެ ޅަމަހާއި ބޮޑެތި މަހުގެ ކުލަ ތަފާތެވެ ޅަމަހުގެ ކުލައަކީ ނޫކުލައެވެ އަދި މަހުގައި ކޮޅު ވައްކޮށް ގުޅިފައިވާ ހުދުކުލައިގެ ރޮނގުތަކެއް ފާޅުކޮށް ހުރެއެވެ ބޮޑެތި މަހުގެ ފަހަތުބައިގާ ނިގޫފަތާއެކު ހުންނަނީ ރީނދޫކުލައިގައެވެ ދެއަރިމަތި ހުންނަނީ ގަދަނޫކުލައިގައެވެ އަދި ރީނދޫ ކުލައިގެ ރޮނގުތަކެއް ދެއަރިމަތީގައި ހުރެއެވެ
ރަސްއައިން
ނ އެތައް ކުރިއަކަށް ތިލަވެގެން އުޅޭ ތަފާތު ބާވަތްތަކާއި ތަފާތު ސައިޒުގެ މަސް އެކުލެވޭ ކަނޑުމަހުގެ ބޮޑެތި މަސްއައިން
ރަސްފަރި
ނ (1) ރަސްކަމަށް ކޮލިލާ ދުވަހު އައްޑަނަ ކޮއްޓާ ދަނޑި ކޮއްޓާ ދެކޮށީން ދެއެދުރު ބޭކަލުން ނުވަތަ އެފަދަ އެހެން ދެމީހަކު ނުކުމެ ގުޅަކުޅޭ ފަސްގަނޑުގައި އަޅާފަރިއެއް (2) ކ އަތޮޅުގެ ފަޅުރަށެއް
ރަސްފަރީގައި ހިނގުން
މ ކަނޑި އައްޑަނަ ނުވަތަ ހަލާ ދަނޑި ހިފައިގެން ދާނޑުގައި ރަސްފަރީގެ ކުރެހުން އެޅޭގޮތަށް ހިނގުން
ރަސްފޫ އެނބުރި
ނ ފޫއެނބުރީގެ ބާވަތެއް. މިވައްތަރުގެ ފޫއެނބުރި ހުންނާނީ ކުރުފަލަކޮށެވެ. ބުރަކަށި ފަރާތުގައި އުންއުން ހުންނާނެއެވެ. ކުލައަކީ ކިރުޅި ކުލައެވެ ތުންފަތް ފަރާތުގެ ފުލުގައި ކުޑަކުޑަ އުމެއް ހުންނާނެއެވެ
ރަސްދަނބުރުއް
ނ (1) ފަނާއި ރުކުގައި ގަންނަތަކެތީގައި ރަންކުލައާއި ގާތްކުލައެއް ހުންނަ ދަނބު ރުއް (2) )ހ ( ރަތްދަނބުރުއް
ރަސްދުވަނި
ނ މުޅިގަޔަށް ފެތުރޭ ބައްޔެއް ރަސްދުވަނި ޖެހުނީމާ މުޅި ކުއްޖާ އޮންނާނީ ރީނދޫވެފައެވެ ކުޑަކަމުދާ އެއްޗެހިވެސް ރީނދޫ ވާނެއެވެ
ރަސްދޯނގި
ނ ދޯނގީގައި ނަގާ ބައްޔެއް. މިބަލި ނަގަނީ ގަނޑެއްގެ ގޮތަށެވެ. މިގަނޑު ނެގުމަށްފަހު ކުޑަކަޅުވާމަހާއި ފަލަމަސްގަނޑާ ހަމައަށްވެސް އެބަލީގެ އަސަރު ފެތުރިގެންދެއެވެ ދޮސްގަނެ އުމަގުވެއެވެ
ރަސްގުއްލަ
ނ ފޮނިކާއެއްޗެއް. މިއީ ރޯ ކިރަށް ހަކުރާ ގިތެލާ އަޅައިގެން މަޑު ގިނީގައި ކައްކަމުންގޮސް ފެންހިނދި ގުޅަވެށޭވަރަށް ކެކުނީމާ ބޭނުން ސައިޒަކަށް ގުޅަވަށައި ހަކުރު ފަންޏަށްލައިފައި ހުންނަ އެއްޗެކެވެ މިހުންނާނީ ސާފު ހުދު ކުލައިގައެވެ
ރަސްގެފާނު
ނ އެގައުމެއްގެ ސިޔާސީ ނިޒާމަކަށް ރަސްކަން އޮންނަ ގައުމުތަކުގެ އެންމެ އިސްވެރިޔާ
ރަސްގެލުން
މ "ރަސްގެ" މިރޮނގު އެޅުން
ރަޖާ
ނ ސުތުލި ނުވަތަ ކެހެރި ފަދަ އެއްޗަކުން އާދައިގެ ފޮއްޗަށްވުރެ ބޯކޮށް ވިޔެފައި އޮންނަ ހީފިލުވަން ގައިގައި އަޅާއެއްޗެއް
ރަޖިސްޓަރީ
ނ (1) ސަރުކާރުގެ ނުވަތަ އަމިއްލަ ފަރާތެއްގެ ލިޔެކިޔުމުގައި މީހެއްގެ ނުވަތަ ތަނެއްގެ އެއްޗެއްގެ ނަން ޖެއްސިކަމުގެ ހެއްކެއްގެ ގޮތުން ދޭ ލިޔުން (2) އެއްތަނުން އަނެއްތަނަށް ފޮނުވާ ސިޓީއާއި ޕާރުސަލް ފަދަތަކެތި ޕޯސްޓުއޮފީހުގެ ރަޖިސްޓަރީ ގައި ޖައްސާ ޖެއްސުން (3) ތަނެއްގައި އުޅޭމީހުންގެނަމާއި މަޢުލޫމާތު ބަޔާންކޮށް ލިޔެފައިވާ އޮންނަފޮތް
ރަޖިސްޓަރީކުރުން
(1) ސަރުކާރުގެ ނުވަތަ އަމިއްލަ ފަރާތެއްގެ ލިޔެކިޔުމުގައި ނަން ޖެއްސުން (2) އެއްތަނުން އަނެއްތަނަށް ފޮނުވާ ސިޓީ އާއި ޕާރުސަލް ފަދަތަކެތި ޕޯސްޓް އޮފީހުގެ ރަޖިސްޓަރީގައި ޖެއްސުން (3) ތަނެއްގައި އުޅޭ މީހުންގެ ނަމާއި މަޢުލޫމާތު ލިޔަން ހަމަޖައްސައިފައި އޮންނަ ފޮތުގައި ޖެއްސުން
ރަޙުމަތް
ނ (1) އިހްސާން ތެރިކަމާއި އަފޫކުރުން އެކުލެވިގެންވާ އޯގާވެރިކަމުގެ ނަން (2) ގާތް ރައްޓެހިކަމާއި އެކުވެރިކަމަށް ކިޔާނަން
ރަޙުމަތްވުން
މ (1) އިޙުސާންތެރިކަމާ މައާފު ކުރުމާއެކު އޯގާވެރިވުން (2) ގާތް ރައްޓެހިކަމާއި އެކުވެރިކަން އުފެއްދުން
ރަޙުމަތްތެރި
ނއ އެކަކުއަނެކަކު އުފަލާއި ހިތާމައިގައި ބައިވެރިވެ އެކަކު އަނެކެއްގެ ހާލުއަހުވާލުބަލައި އެހީތެރިވެދީ އުޅޭ
ރަޙުމަތްތެރިން
ނ އެކަކު އަނެކަކަު އުފަލާއި ހިތާމައިގައި ބައިވެރިވެ އެކަކު އަނެކެއްގެ ހާލުބަލައި އެހީތެރިވެދީ އުޅޭ މީހުން
ރަޙުމަތްތެރިކަން
ނއނ އެކަކު އަނެކެއްގެ އުފުލާއި ހިތާމައިގައި ބައިވެރިވެ އެކަކު އަނެކެއްގެ ޙާލު އަޙުވާލުބަލައި އެހީތެރިވެދީ އުޅޭކަން
ރަޙުމަތްތެރިވުން
މ އެކަކު އަނެކެއްގެ އުފަލާއި ހިތާމައިގައި ބައިވެރިވެ އެކަކު އަނެކެއްގެ ޙާލު އަޙުވާލު ބަލައި އެހީތެރިވެދީ އުޅުން