radheef.info
ރަދީފު


ސަ
ނ ހައެއް
ތަކޫވައް
ނ ދިވެހިބޭހަށާއި ބައެއް ކާއެއްޗިއްސަށް ލާން ބޭނުންކުރާ އެއްޗެއް މިއީ މަތިކަރާބޭހުގެ ބާވަތެކެވެ
ތައްކަށިރުއް
ނ ތައްކަށްޓަށް ނަގާރުއް. ރަށްރަށުގައި މީހުން އިންދައިފައި ހުންނަ ރުއްރުކުގައި ތައްޖަހައި ބަންޑާރަ ބަޔާއި އަމިއްލަބައި ވަކިކުރުމުގައި އެކެއްގެ ފަންސަވީސް ރުކުން އެއްރުއް ތައްކަށީގެ ނަމުގައި ބަންޑާރަޔަށް ނަގައެވެ މިރުކުގައި ހުންނާނީ ތިންތައްޖަހައިފައެވެ މިއީ ގޮއިފާލައްބައިގެ ތެރޭގައި ހިމެނޭ ވަކިން ވަރުވާކޮށް ލިއެދެއްވާ ބައެކެވެ
ތައްޔާރު
ނ (1) ކުރިމަތިވެދާނެ ކަމަކަށް ހުރިހާ ގޮތަކުން ސަމާލުވާ ސަމާލުވުން (2) ކަމެއްޖެހުމުގެ ކުރިން އެކަމަކަށްޓަކައި ކަންތައްތައް ހަމަޖައްސައި ނިންމާ ނިންމުން (3) ކަމަކަށްޓަކައި ފުރިހަމަކޮށްފައިވާ ފުރިހަމަކުރުން (4) ކަމަކަށް ފަށައިގަތުމަށް ނުވަތަ ތަނަކަށް ދިއުމަށް ވެހުންނަ ސަމާލު
ތައްޔާރުކުރުން
މ (1) ކަމެއްޖެހުމުގެ ކުރިން އެކަމަކަށްޓަކައި ކަންތައްތައް ހަމަޖައްސައި ނިންމުން (2) ކަމަކަށްޓަކައި ފުރިހަމަކުރާންޖެހޭ ކަންތައް ފުރިހަމަކުރުން (3) ކަމަކަށް ފަށައިގަތުމަށް ނުވަތަ ތަނަކަށް ދިއުމަށް ކުރަންޖެހޭ ކަންތައްތައްކުރުން
ތައްޔާރުވުން
މ (1) ކުރިމަތިވެދާނެ ކަމަކަށް ހުރިހާގޮތަކުން ސަމާލުވުން (2) ކަމެއްޖެހުމުގެ ކުރިން އެކަމަކަށް ޓަކައި ކަންތައްތައް ހަމަޖައްސައި ނިންމުން
ތަވައްރުކަށްއިނުން
މ ކަނާތުފައިގެ އިނގިލިތަކުގެ ބަނޑުފުށް އިށީނދެ އިންނަތާނގައި ޖައްސައިގެން ވާތުފައިގެ ކުރީކޮޅު ކަނާތުފައިގެ ދަށުން ނެރެގެން ވާތުފައިގެ މާކަޅުވާ މަހުގެމައްޗަށް ބުރަވެއިނުން
ތަދުމަޑުކަން
ނއނ ކާބޯތަކެތި ނެތުމުގެ ސަބަބުން ނުވަތަ މަދުވުމުގެ ސަބަބުން ލިބިފައިވާ ދަތިކަން
ތަދުމަޑުޙާލު
ނ (1) ކާބޯތަކެތީގެ ގޮތުން ލިބިފައިވާ ދަތިކަން (2) ކާބޯތަކެތި ނުލިބުމުގެ ސަބަބުން ކުރިމަތިވާ ދަތިކަން
ތަތްލުން
މ (1) ހިފާގޮތްވުން (2) އެއްޗެއްގައި ހުންނަ ތެތްކަމެއް ނުވަތަ ތަތް ކަމެއްގެ ސަބަބުން އަނެކައްޗެއްގައި ޖެހުމުން ހަރުލާގޮތްވުން
ތަލަފަންކޮޅު
ނ ރަދުން ރަސްމީ ޢިއްޒަތުގައި ތަންތަނަށް ވަޑައިގަންނަވާއިރު ވާރޭވެހޭނަމަ އިސްތަށިފުޅުގެ މައްޗަށްނަގާ ކުޑަ ސަތަރިއެއްފާޑުގެ އެއްޗެއް މިހަދައިފައި ހުންނަނީ ތާރުކު ފަނުންނެވެ
ތަލި
ނ (1) އަނގައިގެ އެތެރޭގެ މަތީފަރާތާއި ދަށްފަރާތް (2) މަޑޫތަކުގެކޮޅު ޖައްސަން އޮޑިދޯނިފަހަރުގެ މައްޔަލުން ފަށްނަގައިފައި ހުންނަބައި (3) އަންހެނާގެ ރަޙިމް (4) ލަވަހޮޅި ޖަހާއެއްޗެހީގެ ހޮޅިގަނޑުގައި ޖެހެންހުންނަ ކަށިހުންނަބައި
ތަލިޔާމާރު
ނ (1) ފުރާދުއްވާ އެއްޗެހީގެ މައްޔަލާއި މަޑޫތަކާ ދުރުވެދާނެތީ އެތެރޭގައި ފުރައިފައި ހުންނަ ކުސަގަނޑު (2) މައްޔަލާ އެއްކިއްސަރަށް އެތެރޭގައި އަޅައިފައި އޮންނައެތިގަނޑު މިއޮންނާނީ އޮޑިޔާއެއްކޮށް ކަބީލާޖަހައި ހަރުކޮށްފައެވެ
ތަގުޅިކުރުން
މ (1) ދެލޯމަރައިގެން ހުޅުވުނު ނުދީއޮތުން (2) އެއްފައިމައްޗަށް އަނެއްފައިލައި ފިއްތައިގެން ދެފައި ދުރުވިޔަނުދީ އޮތުން (3) ތަގުޅިލުން (4) ދެއެއްޗެއް ޖައްސައި ބާރުކުރުން
ތަގުޅިލުން
މ އެއްކާށީގެ ދެނާށި ޖައްސައިބަނުން
ތަޖުރިބާ
(1) ކަމެއްގެ ތެރެއިން މީހަކަށް ދަސްވާ ދަސްވުން ނުވަތަ އެނގިފައިވާ އެނގުން (2) ކަމެއްގައި ޢަމަލީގޮތުން ބައިވެރިވެގެން ދަސްވާދަސްވުން (3) ކަމެއް ބަލައިގެން ނުވަތަ ކޮށްގެން ލިބޭ މަޢުލޫމާތާ ހުނަރުވެރިކަން (4) މީހެއްގެ ދިރިއުޅުމުގެ ތެރެއިން އެމީހަކަށް އެނގޭ ކަންތައްތައް (5) ކަމެއްގެ އިޙްސާސާއި އަސަރުތައް ތިމާއަމިއްލައަށް ލިބިގަނެވޭ ލިބިގަތުން
ތަޖުރިބާހުރުން
މ (1) ކަމެއްގައި ޢަމަލީގޮތުން ބައިވެރިވެގެން އެކަމެއްގެ ގޮތްފޮތް ދަސްވެފައި ހުރުން (2) ކަމެއް ބަލައިގެން ނުވަތަ ކޮށްގެން އެކަމެއްގެ މަޢުލޫމާތު ލިބިފައިހުރުން (3) ދިރިއުޅުމުގެ ތެރެއިން މީހަކަށް ދަސްވާ ކަންތައްތައް ދަސްވެފައިހުރުން (4) ކަމެއްގެ އިޙްސާސާއި އަސަރު ތިމާއަށް ލިބިފައިހުރުން
ތަޖުރިބާކުރުން
މ (1) ކަމެއްގައި ޢަމަލީގޮތުން ބައިވެރިވެގެން އެކަމެއްގެ ގޮތްފޮތް ދަސްކުރުން (2) ކަމެއްބަލައިގެން ނުވަތަކޮށްގެން އެކަމެއްގެ މަޢުލޫމާތު ހޯދުން (3) ދިރިއުޅުން އަމަލީގޮތުން ދަސްކުރުން (4) ކަމެއްގެ އިޙްސާސާއި އަސަރު ލިބިގަތުން (5) މަޖާޒު: މީހެއްގެ ގޮތްފޮތް އެނގުން
ތަޖުރިބާވުން
މ (1) ކަމެއްގައި ޢަމަލީގޮތުން ބައިވެރިވެގެން އެކަމެއްގެ ގޮތްފޮތް ދަސްވުން (2) ކަމެއްބަލައިގެން ނުވަތަ ކޮށްގެން އެކަމެއްގެ މަޢުލޫމާތު ލިބުން (3) ދިރިއުޅުމުގެ ތެރެއިން މީހަކަށް ދަސްވާ ކަންތައްތައް ދަސްވުން (4) ކަމެއްގެ އިޙްސާސާއި އަސަރުތައް ތިމާއަމިއްލައަށް ލިބުން (5) މަޖާޒު: މީހެއްގެ ގޮތްފޮތްއެނގުން
ތަޖުރިބާވެރިމަސައްކަތްތެރިން
ނ އެބަޔަކު ކުރާ މަސައްކަތެއްގެ ހުނަރުވެރިކަމާއި ތަޖުރިބާ ލިބިފައިވާ މަސައްކަތްތެރިން
ތަޙުލީލު
ނ އެއްޗެއްގައި އެކުލެވިފައިވާ ބައިތައް ހޯދުމަށްޓަކައި ކުރެވޭ މަސައްކަތް