radheef.info
ރަދީފު


ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
ފޫތޭރި
ނ (1) މަތިންދާ އަލިގަނޑު (2) މަންޑި ކުޅޭއިރު ބާރަށްޖެހޭ ފޯލި
ފޫގެޅުން
މ (1) އަނދެފައިވާ މުންޑު ނުވަތަ ފޮށާ ފަދަ އެއްޗެހީގެ ތިރީކޮޅު އެއްފަށަށް ވާގޮތަށް ކުރިމައްޗަށް ބޮޑިކޮށްލައި އެބައި ދެފައި ދެގޯޅިން ފަހަތަށް ގެންގޮސް ފުރަގަހުން އުނަގަނޑުގެ ރޮދިގަނޑު ދަށަށް ޖެހުން (2) މަޖާޒު: ޢަޒުމާއެކު ކަމަކާ ކުރިމަތިލުން
ފޫގޮޅި
ނ ޙައިޟު ނުވަތަ ނިފާސްކަމުގެ ދުވަސްވަރު އަންހެނުންގެ ކުރިމަތިފަރާތު ދޮރު ބަންދުކުރުމަށް ޖަހާ ފޮތިގަނޑު
ފެހިއުނގުޅުން
މ ވަޅުވަޅާއި ތަޅުންގަނޑު ފަދަ ތަންތަނުން ފެހި ކަހައި ސާފުކުރުން
ފެހެލަބޯ
ނ )ސ ( މޫދުގެ ވިނަގަނޑުތެރޭގައި އުޅޭ ފަންޏެއް
ފެށިގަނޑޮ
ނ )ސ ( ފޮށިގަނޑު
ފެނަށްއެރުން
މ (1) ކަސްއަޅައިފައި ތިބޭ މީހުންނާއި ގައިގައި ބޭސްގަނޑު ހިއްޕާފައިވާ މީހުން އެތަކެތި ފޫދުމަށްޓަކައި ފެންއަޅައިފައި ހުންނަ އެއްޗަކަށް އެރި ފޫއްދުން. (2) މާބަނޑުމީހަކު ފަރުވާއަށްޓަކައި ބޮޑެތި އެއްޗިއްސަށް ފެން ނުވަތަ ލޮނު އަޅައިގެން އެއަށް އެރި އޮތުން (3) ފެންގަނޑަށް ފޭބުން
ފެނަށްވުން
މ (1) ވިރިކެކޭ ތަކެތި ވިރިގެން ގޮސް ދިޔާވުން. (2) ގަނޑުފެން ދިޔާވުން. (3) މޫދުލޮނު ފިލްޓަރުވެ ފެނަށް ބަދަލުވުން (4) މަޖާޒު: ކުރާ ކަންތައް ތާކުންތާކު ނުޖެހި ބޭކާރުވެގެން ދިއުން
ފެނަށްލުން
މ (1) ހަށިގަނޑުގެ ބޭރުގައި ހަލާކުވާ ތަންތަން ސާފުކުރުމަށާއި އެފަދަ ތަންތާ އަޅާ ބޭސް ނެއްޓުމަށް ފޫއްދުމަށްޓަކައި ފެނުގެ ތެރެއަށް ބޭނުން. (2) މާމެލާ މެލިފަދަ ތަކެތި ވަޅޯވިއަ ނުދިނުމަށްޓަކައި ފެނުގައި ބެހެއްޓުން. (3) އެއްޗެހި ފޯކުރުމަށްޓަކައި ނުވަތަ ސާފުކުރުމަށްޓަކައި ފެނަށް އެޅުން ނުވަތަ ފެނުގައި ބެހެއްޓުން
ފެނަކަށިގަނޑަ
ނ )ސ ( ޅިނދުކަށިގަނޑުގެ ކުރިމަތީބައި
ފެނުޖެހުން
މ (1) ދަގަނޑުން ހަދައިފައި ހުންނަ އެއްޗެއްސަށް ހަރުކަން ގެނައުމަށްޓަކައި ދޮންކޮށްފައި ވަކިގޮތަކަށް ފެނުގައި ޖެއްސުން. (2) ބާރަށް ކުރިއަށްދާ އެއްޗެއް ފެންގަނޑުގެ މަތީގައި ނުވަތަ ބިމުގައި ޖެހިފައި ނައްޓާލައިގެން ކުރިޔަށް ދިއުން
ފެން
ނ (1) އޮކްސިޖަނާއި ހައިޑްރޯޖަން އެކުލެވިގެން އުފެދިފައިވާ އެއްޗެއް. މިއީ ފިނިވީމާ ގަނޑުވާ ހޫނުވީމާ އާތްވަށްވެގެން އަރާ ކުލައެއް ވަހެއް ނެތް ދިޔާ އެއްޗެކެވެ (2) ވާރޭ (3) ކަރުނަ (4) މަޖާޒު: މަނި (5) ނއ ފޯރިއެއް ރޫޙެއްނެތް
ފެންހަރުފަ
ނ ފެންފެންގަނޑުގައި އުޅޭ ހަރުފައާއި އެއްވައްތަރު އެއްޗެއް
ފެންހިރި
ނ (1) ހިރިކޮނެގެން ފެން އަޅަން ހަދައިފައި ހުންނަ އެތި (2) ފެންގާގަނޑު
ފެންހެއްދުން
މ (1) ފެން ބޮޑުކުރުން (2) ފެންގަނޑު އޮންނާނެ ގޮތް ހެދުން
ފެންހެދުން
މ (1) ބިންބިމުގައި ފެން އުފެދުން ނުވަތަ އުފެދިފައި ހުރުން (2) ފާރުގަނޑުގައި ފެން އުފެދުން
ފެންބަރުކެއުން
މ (1) އޮޑިދޯނި ފަހަރާއި ލަކުޑިފަދަ ތަކެތި ގިނަދުވަހު މޫދުގައި ހުރުމުގެ ސަބަބުން ފެން ވަދެ ފޯވެ ފެހިޖަހާ ބަރުވުން. (2) ގަސް ގަހުގެ ފަތް ތަކުގައި ފެންހަރުލައި ބަރުވެ އެލުން. (3) ވިލާގަނޑުގައި ފެންގިނަވެ ވެހެން ތައްޔާރުވުން
ފެންބަތްމަތާ
ނ )ރ ( ރިޔާ ދޯނިފަހަރުގެ އެންމެ ދިރުނބާކޮޅުން ނަގާ ޖީބުރިޔާ ނެގުމަށް ދޯނީގެ ކުރިޔަށް ނެރެފައި އޮންނަ ދަސްތޫރަޔަށް ގަދަކުރުމަށް ޓަކައި ދޯނީގައި އެއްކޮޅުން ވިއްދައި އަނެއްކޮޅު ވަލުގައި ވިއްދައިފައި ހުންނަ ދަނޑިގަނޑު
ފެންބިހި
ނ ހަށިގަނޑުގެ އެކިއެކި ތަންތަނުން ނަގާ ފެންއެރިފައި ހުންނަ ބިހި
ފެންކައްކާބޮލި
ނ (1) ބޮލީގެ އެންމެ ބޮޑެތި ވައްތަރު މިބޮއްޔަށް ފެންކައްކާ ބޮއްޔޭ ކިޔަނީ ކަރުވިހަ ފަދަ ވިހައަށް ބޭސްފެނެއް މިބޮއްޔަށް އަޅައިގެން ކައްކާތީއެވެ މިއީ ވިލުދޮޅީގައި ނުވަތަ ދޮންފަޅުގައި އުޅޭ ބޮއްޔެކެވެ މިބޮލީގެ ތުންފަތަށްވާ ހިސާބު )މަސްގަނޑު އަރާ ހިސާބު( ހުންނާނީ ރަތްކުލައެއްގައެވެ ބޭރުތޮށިގަނޑުގައި އުންތަކެއް ހުންނާނެއެވެ (2) މަޖާޒު: އެމީހެއްގެ ބޭނުމެއް ޖެހުނީމާ ކަމޭ ހިތައިގެން އުޅެފައި ބޭނުން ކެނޑުނީމާ އަޅާ ނުލައި ތިބޭ މީހުންނާމެދު ބުނެއުޅޭ ބަހެއް