radheef.info
ރަދީފު


ދ
ނ (1) ތާނައިގެ ބާރަވަނަ އަކުރު (2) ދިވެހި ވިޔައަކުރުގެ ތިނެއް
ހެޔޮކޮށްދިނުން
މ ހެއުކޮށްދިނުން
ހެޔޮވަރުކަން
ނއނ (1) އެއެއްޗަކަށް އެހެދިކަމަކަށް ހިސާބުކަން (2) ހަމަހަމަކަން (3) ބަރާބަރުކަން
ހެޔޮވަރުމީހާ
ނ ތަޢުރީފާއި މަލާމާތުގެ ގޮތުން ބުނެއުޅޭ ބަހެއް މިސާލު: ގިނަކަންތައްތައް ކުރާނޭގޮތް ދަންނަ ހުޝިޔާރު މީހެއްގެ ވާހަކަ ބުނުމުގައި "އޭނާއަކީ ހެޔޮވަރު މީހެކޭ" ބުނެއުޅެއެވެ މީހަކަށް ވެވުނު ދެރަކަމެއްގެ ވާހަކަ ބުނުމުގައި "އޭނާއަކީ ހެޔޮވަރު މީހެއްތާއޭ" ބުނެއުޅެއެވެ
ހެޔޮވުން
މ (1) އަނެކާއަށް އޯގާތެރިވުން (2) އެހީތެރިވުން (3) ލޯބިކޮށް ހިތުން (4) ފުދުން (5) އެދުން ފުދުން
ހެޔޮމިންވަރު
ނ ﷲ މެދުވެރިކުރައްވާ ރަނގަޅުގޮތް
ހެޔޮމީސްވުން
މ (1) ހެޔޮމީހެއްކަމުގައި ދެއްކުން (2) ހެޔޮމީހަކަށް ވާންއުޅޭ މީހެއްކަން ދެއްކުން
ހެޔޮފޯރުވުން
މ އެހީދިނުން
ހޭ
ނ (1) ވާނުވާ އެނގުމުގެ ބާރު. (2) ބުއްދި. (3) ދެވަނަ ފަހަރަށް ސުވާލު ކުރުމުގެ ޖުމްލައިގެ ފަހަތަށް ގެންނަ އަކުރު. މިސާލު: މިބުނި އެއްޗެއް ވިސްނިއްޖެހޭ. (4) މީހަކު ތިމާޔާ ކުޅަ ސުވާލެއް އަނެކާގާތު ބުނާއިރު ޖުމްލައިގެ ފަހަތަށް ގެންނަ އަކުރު މިސާލު: އަބްދުﷲ އަހަރެން ކުރެން އެއްސޭ އިބްރާހީމް ނާދޭހޭ (5) ހުޅަނގު މޫސުމުގެ ނަކަތްތަކުގެ ތެރެއިން ފަނަރަވަނަ ނަކަތް (6) ކަނޑުގެ އަޑި ކިރިޔަކިރިޔާ ފެންނަ (7) )ޏ ސ ( ދުރުން ކިރިޔަކިރިޔާ ފެންނަ ފެނުން (8) " އޭތް" މިބަސް އަންހެނުންނަށް ގޮވުމަށް ބޭނުންކުރާގޮތް
ހޭހަން
ނ (1) ބަލިވެއުޅޭ މީހާއަށް އޯގާވެރިކަމާއެކު ކުރާ ޚިދުމަތް. (2) ބަލިމީހާއަށް ކުރާ ފަރުވާ. މިނޫނަސް މިބާވަތުގެ ޚިދުމަތަށް ހޭހަން ކިޔަ އެވެ. (3) ހާލުގައި ޖެހިފައިވާ މީހަކަށްވާ އެހީ. (4) )ސ.( ވަކި ދިމާއެއް ދެނެގަތުމަށް ބަލައި ހަނދާން ކުރުމަށް ޖަހާ ފާހަގަ
ހޭހަންކުރުން
މ (1) ބަލިވެއުޅޭމީހާއަށް އޯގާވެރިކަމާއެކު ޚިދުމަތްކުރުން (2) ބަލިމީހާއަށް ފަރުވާތެރިކަމާއެކު އެހީވެ ދިނުން (3) ހާލުގައި ޖެހިފައިވާ މީހަކަށް އެހީވުން (4) މަޖާޒު: މީހެއްގެ ގާތުގައި ވަފާތެރިކަމާއެކު އަބަދު ޚިދުމަތް ކޮށްކޮށް ހުރުން
ހޭހުރުން
މ (1) ވާނުވާ އެނގުމުގެ ބާރު ހުރުން (2) ބުއްދި ފިލައި ނުގޮސް ހުރުން
ހޭނަ
ނ (1) ވިރި ކެކޭތަކެތި ފަޅައިބުރިކޮށް ހަދަންގެންގުޅޭ ހަތިޔާރެއް (2) )ޏ ސ ( ހުން
ލޯފިނދު ހޭނަކަތު ދޫނި
ނ ޢާންމުކޮށް ހޭނަކަތުގައި ފެންނަ ދޫނި. މިސާލު: ދޮންދޫނި
ހޭނައްތާމީހާ
ނ ބަލިމީހަކަށް ޞިއްޙީ ފަރުވާއެއް ދިނުމަށް ހޭނައްތަން ޖެހިގެން ހޭނެއްތުމުގެ ކަންތައްކުރާ ޑޮކްޓަރު
ހޭނުން
މ (1) ފިލަޔާއި ދަނޑިފަދަ ތަކެތި ބޭނުންގޮތަކަށް މަޑުމަޑުން ލެނބުން (2) އިންސާނުންނާއި ފުރާނަހުރި ތަކެތި ވަކި ގޮތަކަށް ފަރިތަކުރުވައި އާދަކުރުވުން (3) ތެޔޮ ހުންނަތަކެތި ކައްކައިގެން ތެޔޮ ނެރުން (4) ހަށިގަނޑުގެ ތަންތަނަށް ފަރުވާކުރުމުގައި ވަކިގޮތަކަށް ޙަރަކާތްދިނުން (5) މަޖާޒު: އޮޑިދޯނިފަހަރު ދަތި ތަންތަނުން ނުބީއްސައި ގެންދިއުން
ހޭރިޔާ
ނ (1) ރިޔާނަގާ އެއްޗެހި ވައިމަތި ހިފާން އަނބުރާ އެނބުރުން (2) ދަނޑި ބެރުގައި ޖަހާލަވައެއް
ހޭރިޔާ ދަތުރު
ނ ވައިމަތި ހިފާންކުރާ ދަތުރު
ހޭރިޔާކުރުން
މ ރިޔާނަގާ އެއްޗެހި ވައިމަތި ހިފާން އަނބުރަމުން ދަތުރު ކުރުން
ހޭރިޔާއެޅުން
މ (1) ހޭރިޔާކުރުން (2) ރިޔާނަގާތަކެތި ވަކި ހިސާބެއްގައި ހިފަހައްޓާން ވެގެން ދެއަތަށް ދުއްވުން (3) މަޖާޒު: މީހަކު ތާކަށް ވަންނާނޭ ވަގުތެއް ހޯދާން އެތާގެ ކައިރީގައި ދެކޮޅަށް ހިނގުން
ހޭރިޔާޖެހުން
މ (1) ހޭރިޔާކުރުން (2) ދަނޑިބެރުގައި ޖަހާ ވަކި ލަވައެއް ޖެހުން