radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
މަސްފުޅު
ނ (1) ގަނޑުވަރު ތެރެއަށް ގެންދާ ދަނޑިމަސް (2) ތަބްރޭޒުގެ ފާނާއި އިސްކަންދަރު ރަސްގެފާނާ ދެބޭފުޅުންގެ ފާތިޙާ ފަރީއްކޮޅަށް ގަނޑުވަރުތެރެއަށް ގެންދާމަސް
މަސްދަނޑިގަނޑު
ނ މަސްލުހެން ބޭނުންކުރާ ކޮޅުފަތިކޮށް ވަކިގޮތަކަށް ހަދައިފައި އޮންނަ ދަނޑިގަނޑެއް
މަސްދޯނިބޭލުން
މ މަހަށް ހެޔޮކުރުމުގެ ބޭނުމުގައި ދޯނި ތައްޔާރުކޮށް ޞަލަވާތް ފާތިޙާ ކިޔަވައި ދޯނިބޭލުން
މަސްތަކާ
ނ ދުން އެޅުމާއި ބޭސް ހެދުމުގައި ބޭނުންކުރާ މީރުވަހެއް ދުވާ މަޑު ރީނދޫ ކުލައެއްގެ އެއްޗެއް މިއީ ގަހެއްގެ ހިކިކިރެވެ
މަސްތަކާތެޔޮ
ނ މަސްތަކާ ބޭނުންކޮށްގެން ހަދާ ބޭސްތެލެއް
މަސްތު
ނ (1) އަމަލު (2) މާބޮޑަށް އުފެދޭ އެދުންވެރިކަން (3) ބޭހޯސް (4) ދީވާނާ
މަސްތުރަވުން
މ ކުއްޖާ ދުނިޔެއަށް އަންނައިރު ކުއްޖާގެ ފޫޅުދަނޑިއާ ގުޅިފައިވާބައި މައިމީހާގެ ބަނޑުން ބޭރުވުން
މަސްތުވުން
މ (1) އަމަލުވާގޮތްވުން (2) ޚިޔާލެއްގައި ނުވަތަ ކަމެއްގައި ދެބަން ދިހާރުވުން (3) އެދުންވެރިކަން މާބޮޑުވުން (4) ދީވާނާވުން (5) ބޭހޯސްވުން
މަސްލެއްވުން
މ އިސްބަޣުލާއި ބޭދަނާފަދަ ތަކެތި ފެނަށް އަޅައިގެން ފޯކުރުން
މަޑަގަސްކަރަބިބީ
ނ ލޯހުރަސްކޮށް ކަޅުކުލައިގެ ރޮނގެއް ހުންނަ މަހެއް މިބާވަތުގެ މަހުގެ ދެއަރިމަތީގައި އަޅިކުލައިގެ ވަރަށް ފާޅު ރޮނގުތަކެއް ހުރެއެވެ މިއީ ޖޯޑުޖޯޑަށް ދިރިއުޅޭ މަހެކެވެ މިއީ ކެއުމަށް ބޭނުންކުރާ މަހެއްނޫނެވެ
މަޑިހަން
ނ މޫދުގައި އުޅޭމަޑީގެހަން މިއީ ބެރު ތާރަފަދަ ތަކެތީގައި އަޅަން ބޭނުންކުރާ އެއްޗެކެވެ
މަޑިކަރުއެޅުން
މ ގޮދަޑިއާއި ބާލީސް ފަދަތަކެތި ފަހާއިރު އެބަހައްޓަން ބޭނުން ބޯމިނަކަށް ވަށައިގެން ފޮތިފަށެއް އެޅުން
މަޑިތޮށި
ނ ރުކުމަޑީގެ ބޭރުގައި އޮންނަ ހަރުފިޔަ މިއީ ބޭހަށް ބޭނުންކުރާ އެއްޗެކެވެ
މަޑުކަށި
ނ ހަރުވެފައިވާ ލޮނދިކަހަލަ ހުދު ނުވަތަ އަޅި ކުލައިގައި ހުންނަކަށި މިކަށީގެ ބޭނުމަކީ ޙަރަކާތް ކުރާކަށީގެ ގުނަވަންތަކަށް ލިބޭ ކޮއްޕުމުން ނުވަތަ ފިތުމުން ދެކަށިގަނޑަށް ގެއްލުންނުލިބޭ ގޮތަށް ދެކަށިގަނޑުގެ ދެމެދުގެ ދުރުމިން ހިފަހައްޓައި ދިނުމެވެ މީގެ ތިން ބާވަތެއްވެއެވެ ނޭފަތާއި ކަންފަތުގައި ވަނީވެސް މީގެ ވައްތަރެކެވެ
މަޑުމިޔަރު
ނ (1) ވަރަށް ފުނުން ބާނާ ޗަކަސްގަނޑެއްހެން އޮންނަ މިޔަރެއް (2) މަޖާޒު: ޙަރަކާތެއްނެތި މަޑުންތިބޭ ކަންނެތް ފާޑުގެ މީހުންނަށްވެސް "މީނާއަކީ މަޑުމިޔަރެކޭ އެއްގޮތޭ" މިހެން ބުނެއުޅެއެވެ
މަޑުގަނޑު
ނ ގަލާ އެއްސިފައަކަށް މޫދުގައި ހުންނަ އޮބޭ އެއްޗެއް މީގައި ކުދިކުދި ލޯވަޅުތަކެއްވެސް ހުންނާނެއެވެ
މަޖިލީހަށް އެރުން
މ އިހުގައި ދައުލަތުން ދެއްވާ ވަކި ދަރަޖައެއް ލިބުން މިދަރަޖަ ލިބިފައި ތިބޭ މީހުންނަށް ޢާއްމުގޮތެއްގައި ކިޔައި އުޅެނީ ކަލޭފާނެވެ ނަމަވެސް ދީދި ނުވަތަ މަނިކު ނުވަތަ ތުއްތު ކިޔާމީހަކު މަޖިލީހަށް އަރުވައިފިނަމަ އޭނާގެ ނަމަކަށް ބަދަލެއް ނާންނާނެއެވެ
މަޖިލީހަށްއަރާ ބޭކަލުން
ނ އިހުގައި ރަސްމީގޮތުން ޚާއްޞަ ދަރަޖައެއް ދެއްވައިފައިތިބޭ މީހުން
މަޖިލީހުގައި އެޅުން
މ އިހުގައި މަތީ ދަރަޖައިގެ ބޭފުޅުން އަވަހާރަވީމާ ރަސްމީ ޢިއްޒަތުގައި ފަސްދާނުލުން
މަޙައްލު
ނ (1) ތަން. (2) ވަގުތު. (3) ދަނޑިވަޅު. )މިބަސްބޭނުންކޮށްއުޅެނީ ކަމެއް ކުރުމަށް އެކަށީގެންވާތަން ނުވަތަ އެފަދަ ވަގުތުގެ މާނައިގައެވެ މިސާލު: މިއީ ތިޔަކަހަލަ ވާހަކަ ދެއްކުމުގެ މަޙައްލެއްނޫނެވެ