radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ގޯއްޖަށްލުން
މ (1) ކަނޑުގައި ދުއްވާ ތަކެތި މަރާމަތުކުރުމަށް ގޯއްޖަށް ވެއްދުން (2) މަޖާޒު: ވެރިޔަކު ރުހިވަޑައިނުގެން އޮފީހަށް ނުނުކުންނަގޮތަށް ގެއަށް ފޮނުވައިލެއްވުން
ގޯތި
ނ (1) ގެދޮރު އެޅުމަށް ނުވަތަ ޢިމާރާތެއް ކުރުމަށް ޚާއްޞަކުރެވިފައިވާ ސަރަހައްދެއްގެބިން (2) )ހ ( ދިރިއުޅޭގެ
ފާލިކީ
ނ (1) މީހުން އެރީމާ އުފުލައިގެން ގެންދަން ހަދައިފައި ހުންނަ ދޮޅިދާން (2) ފުލޯކު ވާހަކައިގައި ކިޔާގޮތުން ކަމަނާއަކު ނުވަތަ މަނިކުފާނަކު އަރައިވަޑައިގަތީމާ ހަވާގެތެރެއިން ޖިންނިން އުފުލައިގެން އެއްތަނުން އަނެއްތަނަށް ގެންދާ ދާން (3) ކަނޑީގެ މުށްގަނޑު
ފާލީސްކުރުން
މ ލަކުޑިއޮމާން ކުރުމަށް ނުވަތަ އޮފުއެރުވުމަށް ފާލީސް ހޭކުން
ފާލުއެޅުން
މ (1) އެއްޗެއް ނޭނބުރޭގޮތަށް ނުވަތަ ނުހިނގާ ގޮތަށް ތަންޑެއް އެޅޭގޮތްވުން (2) މަޖާޒު: ހިނގަހިނގައި ހުރިކަމަކަށް ދިމާވާ ސަބަބަކުން ހުއްޓުން އެރުން
ފާސް
ނ (1) ތަޢުލީމީ ފެންވަރު ހުރިވަރު އަންގައިދޭ ސަނަދު. (2) ތަނަކަށް ވަނުމުގެ ހުއްދަ ދިނުމުގެ ގޮތުން ދޭލިޔުން ނުވަތަ ނިޝާން. (3) ފޭލުގެ އިދިކޮޅު. (4) ވަކި ކަމަކަށް މީހަކު އެކަށީގެންވާ ކަމަށް ނުވަތަ ވަކި ބައެއްގެ ތެރެއަށް ހުށަހެޅޭ ގޮތްތަކަކަށް ނުވަތަ ގޮތަކާމެދު އެއްބަސްވާ އެއްބަސްވުމާއި ނިންމާ ނިންމުން. (5) ތާސްބައިން "ނީލަން" ކުޅޭއިރު އެމީހެއްގެ ފަހަރު އައުމުން ދޫކޮށްލާ ދޫކޮށްލުން. (6) އަންހެނުން ދެ ބަޔަކަށް ބެހިގެން ކުޅޭ ކުޅިވަރެއް. (7) އެއްޗެއް ނުވަތަ ކަމެއް ނުވަތަ ތަނެއް ހުރީ ޤަވާޢިދާ އެއްގޮތަށްތޯ ނުވަތަ ނޫންތޯ ބަލައި ނިންމާ ނިންމުން
ފާސްކުރުން
މ (1) މީހެއްގެ ހަށިގަނޑުގައި ނުވަތަ ތަނެއްގައި ނުވަތަ ގެންގުޅޭ އެއްޗެއްގައި އެއްޗެއް ފޮރުވައިފައި އޮތްތޯ ބެލުން (2) ފޮތް ފަދަ ތަކެތި ލިޔެފައިވަނީ ރަނގަޅަށްތޯ ނުވަތަ ނޫންތޯ ބަލައި ނިންމުން (3) އެއްޗެއް ނުވަތަ ކަމެއް ހަމަޖެހިފައިވާ ގަވާއިދަކާ އެއްގޮތްތޯ ނުވަތަ ނޫންތޯ ބަލައި ނިންމުން
ފާސްދޯރު
ނ (1) އެއްކޮޅު ހިމަކޮށް ހަދާފައި ހުންނަ ދަގަނޑު ބުރިއެއް. މިއީ ޖަސްތުން ނުވަތަ ޓިނުން އެއްކޮޅުން ހިމަކޮށް އެއްޗެހި ހަދާއިރު އެއަށް ލައްވައިގަން ތަޅައި ސިފަގެންނަން ބޭނުން ކުރާ އެއްޗެކެވެ. (2) ވާ ފަލަސް ކުރުމަށް ގެންގުޅޭ އެއްކޮޅަށް ހިމަކޮށް ލަކުޑިން ނުވަތަ މަޢުދަނުން ހަދައިފައި އޮންނަ އާލާތެއް
ފާޑުޖެހުން
މ ވަކި އެއްޗަކާ ނުވަތަ ވަކިތަނަކާ ވައްތަރުވުން
ފިހިގަނޑު
ނ (1) ބޮނބި ނުވަތަ އެފަދަ އެއްޗެއްގެ ނަރުން ހަދައި ދަނޑިއެއް ލައިފައި އޮންނަ އެއްޗެއް. މިއީ ކުނިކަހަން ބޭނުންކުރާ އެއްޗެކެވެ. (2) ތަރަފާލާއި ތަޅުންގަނޑު މަތިން ހިރަފުސް ފިލުވަން އުއި ފަށްތަކަކުން ހަދައިގެން ގެންގުޅޭ އެއްޗެއް. ހިރަފުސް ފިލުވުން މި ބޭނުން ކުރަނީ ފެނުން ތެންމައިލައިގެންނެވެ (3) ފިހިގަނޑު ބުމަރު ޖަހަން ރޯ ދިއްގާ ދަނޑިން އެއްކޮޅުގާ ވަކަފަށްތައް ހުންނަ ގޮތަށް ހަދާ އެއްޗެއް
ފިހުނުބަނބުކެޔޮ
ނ އުނދުނުގެ ހޫނު އަޅިގަނޑުގައި ވަޅުލައިގެން ނުވަތަ މަތި އަންދައިގެން ފިހެފައި ހުންނަ ބަނބުކެޔޮ
ފިހުން
މ (1) އެއްޗެއް ކެއްކުމަކާ ނުލާ ހޫނުން ރޯފިލުވުން. (2) ހޫނުގެ އަސަރު ފޯރުމުގެ ސަބަބުން އިންސާނުންނާއި ޖަނަވާރުގެ ހަށިގަނޑުން ތަނެއް ނުވަތަ މުޅި ހަށިގަނޑު ރޯފިލުން
ފިނިހޫނުބެލުން
މ އެއްތަނެއްގައި ހޫނުކަން ނުވަތަ ފިނިކަން ހުރިވަރު ހޯދުން
ފިނިހޫނުއެއްވަރުވުން
މ ހޫނުކަން ނުވަތަ ފިނިކަން މާމައްޗަށް ނުވަތަ މާތިރިއަށް ނުގޮސް އިންސާނުން ދިރިއުޅެން ފަސޭހަ މިނެއްގައި ހިފެހެއްޓިފައި ހުރުން
ފިނިހޫނުމިން
ނ އެތަނެއްގައި ހޫނުކަން ނުވަތަ ފިނިކަން ހުރި ވަރު
ފިނީލުން
މ އެއްޗެހި ހުދުކުރުމަށްޓަކައި ނުވަތަ މަޑުކުރުމަށްޓަކައި ރޭގަނޑު ބޭރުގައި ބެހެއްޓުން. މިސާލަކަށް: ކަށިކެޔޮފަތް ހައިފަދަ ތަކެތި ބޭރުގައި ބެހެއްޓުން
ފިންދުނި ކާއްތާލައިފައި ދިއުން
މ މަޖާޒު: )މިސާލުބަހެއް( މުސީބާތެއް ނުވަތަ ނުރައްކަލެއްގެ ތެރެއަށް ކިރިޔަ ކިރިޔާ ނުވެއްޓި ސަލާމަތް ވުން
ފިރިބަލައިގަތުން
ނ ދެހެކިން ފިރިމީހާ ގޮވައިގެންގޮސް އަނބިމީހާއަށް ފިރިދައްކާފައި މިހިރީ ކަލޭގެ ފިރިމީހާއޭ ބުނުމުން އަނބިމީހާ އެކަން ޤަބޫލުކުރުން ނުވަތަ އާއެކޭ ބުނުން
ފިރުކައިލުން
މ (1) ވާންވާގޮތަށް ތަނަކަށް އޮޅައިފައި ނުވަތަ ލައްވައިފައި ހުރި ބަރަންޏެއް ނަނެއް ނުވަތަ ވަލެއް ފަދަ އެއްޗަކަށް ދުލެއް ލިބޭނޭގޮތް ހެދުން. (2) އޮޑިދޯނިފަހަރުގެ ފަށަންދަށުގައި ނުވަތަ މިފަދަ ގޮތަކަށް މިނޫންވެސް ތަނެއްގައި ބާރުވެފައިވާ ލަކުޑިގަނޑެއް ނުވަތަ ކަނދުގަނޑެއް ފަދަ އެއްޗަކަށް ދުލެއް ލިބޭނޭގޮތް ހެދުމަށްޓަކައި އެލަކުޑިގަނޑު ނުވަތަ ކަނދުގަނޑު ހަލުވާލުން. (3) އޮޑިފޯނިފަހަރު ފަދަ ތަކެތި އެހެލައި ބާލައި ހަދާއިރު ދޯނީގެ ކޮޅުފަސްކޮޅު ނުވަތަ ދިރުނބާކޮޅު ފަރާތަކަށް ޖައްސައިލުން
ފިރުކައިގަތުން
މ މީހެއްގެ ނުވަތަ ބައެއްގެ އަތުގައި ހުރި އެއްޗެއް ނުވަތަ މުދާތަކެއް ނުވަތަ އޮތްބާރެއް ރޭވުމަކުން ނުވަތަ މަކަރާއި ޙީލަތަކުން އަތުލައި ގަތުން