radheef.info
ރަދީފު


ޔާ
އ ނަމަވުމުގެ އަކުރު މިސާލު: )ހ( ދިނިއްޔާ )ށ( އައިއްޔާ
ފަނީބޭސް
ނ ފަނިވުމުން ފަނިން ސަލާތަތްވުމަށް ބޭނުންކުރާ ބޭސް. މިބޭސް ގުޅަބޭހުގެ ގޮތުގައްޔާއި ދިޔާ ބޭހުގެ ގޮތުގައި ހުރެއެވެ
ފަނީސަރުބަތު
ނ ފަނިވީމާދޭ ފޮނިރަހަލާ ދިޔާ ބޭހެއް
ފަނެހުޅާ
ނ )ގ ( (1) ތޮށަލި ވިޔަން ތައްޔާރުކުރާ ފަން (2) ފަންހުޅު
ފަނޯއްލަ
ނ )ބދ ( ވެރިކަމުގެ ސިޔާސަތު
ފަން
ނ (1) ރުކޭ ކިޔާ ގަސްގަހުގެ ފަތް. (2) ކުޅޭ ކުޅިވަރެއް. )ފަންކުޅުން ބަލާ!( (3) ނއ. އިސްތަށިގަނޑަށް ދެވޭ ސިފައެއް. މިސިފަދެވެނީ ބުޅިކަމެއް ރާޅުބާންޏެއް ނެތް އިސްތަށިގަނޑަށެވެ މިސާލު: ފަންބޮލެއް ފަން އިސްތަށިގަނޑެއް
ފަންހިބަރު
ނ ކަނޑުގައި އުޅޭ ހިބަރުގެ ބާވަތެއް މީގެ ބުރަކަށިމަތީގައްޔާއި ބަނޑުދަށް ފަރާތުގައި ދެކޮތަރިބައި ހުރެއެވެ ބުރަކަށިމަތީގެ ކުލައަކީ ކަޅު ނޫ ކުލައެވެ ބަނޑުދޮށް ފަރާތް ހުންނަނީ ހުދުކުލައެއްގައެވެ ދެއަރިމަތީގައި ފަނޑުނޫ ކުލައިގެ ލައްތަކެއް ރޮނގަކަށް ވާގޮތަށް މަހުގެ ހުރަހަށް ހުރެއެވެ
ފަންރިޔާ
ނ ފަނުން ވިޔެފައި އޮންނަ ހަތަރެސްކަން ރިޔާ
ފަންކާކިނާރި
ނ ކަސަބުން ވިޔެފައި ހުންނަ ކިނާރިއެއް. މިހުންނާނީ ވަށްބުރެއްގެ ދެފަޅިކޮށް އެއްފަޅިހެން ހުންނަ ފުއްޕުންތަކަކުން އެކުލެވިގެންވާ ފަންކާތަކެއް ހެންނެވެ. ކަސަބު ބޯވަޅު އެޅިދުވަސްވަރު ވައް ބަގިޔާގެ ބަދަލުގައި މީގެ ފަށެއް ތިރީ ކައިރީގައި ޖައްސައިގެން އަޅާ އުޅުނެވެ
ފަންކާތުނޑަށްގެތުން
މ )ސ ( ދިވެހި ލިބާހުގެ ބޯވަޅުގައި އަޅާ ރޮދިގަނޑުގަތާ ގޮތަކަށް ކިޔާނަމެއް
ފަންވަތުޖެހުން
މ ސަރުކާރުން ނުވަތަ ރަށްރަށުގެ ވެރިންގެ ފަރާތުން އެކި ކަންކަމަށް ރައްޔިތުންގެ ތެރެއިން މީހުން ހޮވުން. މިއީ އިހުގައި އެކި ކަންކަމަށް ނުވަތަ އެކި ތަންތަނަށް ދާންޖެހޭ މީހުންގެ ލިސްޓުތައް ލިޔާއިރު އެއިން ލިސްޓެއްގައި މީހާގެ ނަން ލިއުމަށް ބުނެއުޅުނު ބަހެކެވެ
ފަންފުރާޅު
ނ ފަން ނުވަތަ ތޮށަލީން ހިޔާކޮށްފައި ހުންނަ ފުރާޅު
ފަންތޮށިދަޅު
ނ ތާރުކު ފަންތޮށިން ހަދައިފައި ހުންނަދަޅު. މީގައި ހުންނަނީ ލާޖަހައިފައެވެ. މިއީ އިހުގައި އިންޑިޔާއިން ގެންނަ ދަޅެކެވެ. ގިނައިން ހުންނަނީ ދެފަށް ލާޖަހައި ކުރަހައިފައެވެ
ފަންލުން
މ ފަނުން ހިޔާކުރުން
ފަންގަނޑުފުރޭތަ
ނ ފަންބޮނޑިއެއްގެ ސިފައިގައި ފެންނަކަމަށް ބުނާ ޚިޔާލީ ފުރޭތައެއް
ފަންގަސް
ނ (1) ބެކްޓީރިއާއެއްގެ ސަބަބުން އެއްޗެއްސަށާއި ތަންތަނަށް އަންނަ ބަދަލެއްގައި ލޮލަށް ފެންނަގޮތް. މިސާލު: އެއްޗެހީގައި ޖަހާ ފޫ ފާރުގައި ޖަހާފެހި އެއްޗެހީގައި ޖަހާފީ. )ހަންޑިކުޑައިގެ ބާވަތްތަކާއި ބުޅާކަންފަތްވެސް ހިމެނެނީ މީގެ ތެރޭގައެވެ ( (2) ހަމުގެ ބައްޔަކަށް ކިޔާ ނަމެއް
ފަންގިއެޅުން
މ އަނގަމަތި ދޯނީގައި ވަގުތީ ހިޔާއެޅުން
ފަންގިފިލާ
ނ (1) ގޭގޭގެ ހުރަސް ވަކަރުމަތީ ފިލާއަޅައި އެއްޗެހި ބެހެއްޓޭގޮތަށް ހަދައިފައިވާ ތަން. (2) މަތީބުރީގައި އުޅެވޭގޮތަށް އުސްކޮށް ރާނައިފައި ހުންނަ ގޭގޭގެ މަތީބުރީގައި އުޅޭ މީހުން ހިނގާ ބިނގާވާތަން. (3) ދެވަނަ ނަމްބަރުގައި ބުނެފައިވާ ތަންތަނުގެ ދަށުގައްޔާއި ފުރާޅު ނިވާކުރުމަށް ފުރާޅުދަށުގައި ލަކުޑިން ނުވަތަ ސިމެންތި ފިލައިން ނުވަތަ އެނޫންވެސް އެއްޗަކުން ޖަހާނިވައި
ފަންގިލީބަތް
ނ އިހުޒަމާނުގައި ގެއެއް ހިޔާކޮށް ނިމުނީމައި އެމަސައްކަތުގައި އުޅުނު މީހުނަށްދޭ ކެއުން
ފަންގިލުން
މ ވިދެފައި ހުންނަ ފަން ބޭނުންކޮށްގެން ފުރާޅެއް ހިޔާކުރުން
ފަންގޮވި
ނ ދިރޭ އެއްޗެއް. މިއީ މަޑުފިޔާތޮށި ކުލައިގައި އޮއްޓުދެފައި ހުންނަ ފުމޭ އެއްޗެކެވެ. މިގިނައިން އުޅޭނީ ދަރު ފަން ފަދަ އެއްޗެހި ހުންނަ ތަންތާނގައެވެ