radheef.info
ރަދީފު


ޓ
ނ ތާނައިގެ ވިހިވަނަ އަކުރު
ފަޅުރަށްކެއުން
މ ސަރުކާރުން ނުވަތަ ރަށްވެރިޔާގެ އަތުން ވަރުވާ އަކަށް ފަޅުރަށެއް ލިއުއްވައިގެން އެރަށް ބަލަހައްޓައި ލިބޭ އެއްޗެއް ބޭނުންކޮށް އުޅުން
ފަޅުރަށްލިއުއްވުން
މ ފަޅުރަށެއް ބެލެހެއްޓުމުގެ ވެރިކަމާ ކަނޑައެޅިފައިވާ ގަވާއިދެއްގެ މަތިން ޙަވާލުވުން
ފަޅުބޭރު
ނ ފަޅުންނެއްޓި ބޭރަށްވީ ހިސާބު
ފަޅުވެރިން
ނ އުޅަނދުފަހަރު ބެލެހެއްޓުމުގެ މަސައްކަތް ކުރާ މީހުން
ފަޅުވެރިޔާ
ނ އުޅަނދުފަހަރު ބެލެހެއްޓުމުގެ މަސައްކަތްކުރާ މީހާ
ފަޅޯބަޑި
ނ ކުދިންކުޅެން އޮނުން ހަދާއެއްޗެއް. މިހަދައިފައި އޮންނަނީ ގާތްގަނޑަކަށް ފޫޓެއްވަރުގެ އޮނުބަދައެއްގެ ލޯވަޅުން ހިނގާވަރުގެ މުށްލީ ދަނޑިކޮޅެއްލައިފައެވެ. މިބަޑީގެ އުންޑައަކީ އޮނުކޮޅުގެ ދެކޮޅަށް ލައްވާ ގިތި ދެ ފަޅޯކޮޅެވެ މިބަޑި މަގޫ ދަނޑިންވެސް ހަދައެވެ
ފަކީރާ
ނ (1) އުނދުނުން އަލިފާން ނެގުމަށްޓަކައި ޓިނު ފަދަ އެއްޗަކުން ހަދައި ދަނގަޑުން ދަނޑިއެއްލައިފައި ލަކުޑިން މުށްގަނޑެއް ހަރުކޮށްފައި ހުންނަ އެއްޗެއް (2) ކޮނުމަށާއި ވެލިނެގުމަށް ގެންގުޅޭ އާލަތެއް
ފައި
ނ (1) އިންސާނުންގެ އުކުޅުވަޅުން ފެށިގެން ތިރިޔަށް ހުންނަބައި. (2) ހަތަރު މޮށްގަނޑު ހުންނަ ޖަނަވާރުގެ ފަހަތު ދެމޮށްގަނޑު. (3) ގޮނޑި މޭޒު ފަދަ އެއްޗެހި ކޮޅަށް ބެހެއްޓުމަށްޓަކައި ހުންނަބައި. (4) ދިޔަހިއްކަން ލަކުޑިން ހަދައިފައި ހުންނަ އެއްޗެއް. (5) )ޏ.ސ( އެހެން އެހެންޏާ. (6) ކަންކުރި ފަރާތް އެއްގޮތްވުމާއެކު އެއްކަމެއް އަނެއްކަމަކާ ގުޅަމުން ގެންދިއުމުގައި ބޭނުންކުރާ އަކުރެއް މިސާލު: ޞާދިޤު އައިސް ވަދެފައި އެހެން ބުނެލައިފައި ހިނގައްޖެއެވެ
ފައިހީލިކެރުވުން
މ ހީލިކޮއްޓީމާ ވާގޮތް ފަޔަށްވުން
ފައިބަރުގުލާސް
ނ (1) ލޯންޗް ފަހަރާއި ބޮޑެތި ތާނގީ ފަދަ އެއްޗެހި ހެދުމަށް ބޭނުންކުރާ ޕްލާސްޓިކް ފަދަ އެއްޗެއް (2) ފައިބަރު ގުލާސް ތެރަސް މިއީ ފައިބަރުން ހަދައިފައި ހުންނަ ތަކެތި މަޑުކުރުމަށް ބޭނުން ކުރާ އެއްޗެކެވެ
ފައިބޯޅަ
ނ ފުޓުބޯޅަ
ފައިކަށި
ނ (1) ފަޅުފަޅުން ނިކުތުމަށާއި ވަނުމަށް ހަދައިފައި ހުންނަ ނެރުގެ އެއްފަރާތުގެ ތޮށިގަނޑު. މިސާލު: ކަނޑިންމާ ފައިކަށި. (2) ކަތުރާއި ހަނޑަސް ފަދަ ދެފައިކަށި ހުންނަ ތަކެތީގެ އެއްފަޅި (3) އައިނު ފަދަ ތަކެތީގެ ދުނިގަނޑުގެ ދެފަރާތުން ކަންފަތުގައި އެލުވޭގޮތަށް ހުންނަ ދެބައިން އެއްބައި (4) ބައިސްކަލް ފަދަ ތަކެތީގެ ފުރޮޅު ހިފެހެއްޓުމަށް ދެބަޔަށް ހުންނަބައި
ފައިކުރި
ނ (1) ފައިގެ ތަންބާ ހަމަތަން (2) ފަޓުލޫނާއި ސޯޓު ފަދަ އެއްޗެހީގެ ތިރީކޮޅު
ފައިކުރިއެރުވުން
މ ހަރުވާޅު ފަޓްޅޫނު ފަދަ އެއްޗެހީގެ ފައިކުރި މައްޗަށް ޖައްސައިލުން
ފައިކޭޓު
ނ ފަޓްލޫނާއި ހަރުވާޅު ފަދަ ތަކެތީގެ ދެއަރިމަތީގައި ހުންނަ ޖީބު
ފައިވައް
އޮޑިދޯނި ފަހަރުގެ ވަތް ވަތުގައި މަޑޫތައް ހިފެހެއްޓުމަށް އެތެރެ ފަރާތުން ބަނޑުފިލައިގައި ލަކުޑިން އަޅާ އެއްޗެހި މިހުންނާނީ ބުޑުވަކަށް ވުރެކުރުކޮށެވެ
ފައިވާން
ނ ހިނގައި އުޅުމަށްޓަކައި ފަޔަށް ލެއްވުމަށް ހަން ރަބަރު ފޮތި ޕްލާސްޓިކް ފަދަ ތަކެތިން ހަދައިފައި ހުންނަ އެއްޗެއް
ފައިދޮށަށްވެއްޓުން
މ މަޖާޒު: ފައިމައްޗަށް ވެއްޓިގަތުން
ފައިދޮށް
ނ (1) ގެއެއް ފަދަ ތަނެއްގެ ފުރާޅު ހިފެހެއްޓުމަށް ފުރާޅުގެ ދަށުން އެއްކޮޅު ވަހުގައި ހަރުކޮށް އަނެއް ކޮޅު ފަތްފޮށި ވަކަރާއި ގުޅައިފައި ހުންނަ ވަކަރު (2) މީހާގެ ފައިގެ ކައިރި
ފައިލު
ނ ސިޓީއާއި މެސެޖް ފަދަ ލިޔުން ފަހުން ބަލަން ބޭނުން ވުމުން ފަސޭހައިން ފެންނާނެހެން އަމުނާފައި ރައްކާ ކުރެވޭގޮތަށް ހަދައިފައި އޮންނައެތި