radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
ތުން
ނ (1) އިންސާނުންގެ ތުންފަތް. (2) ނާޅި ލާހި ފުޅިފަދަ ތަކެތީގެ އަނގަމަތީގެ ކައިރިފަށް (3) ދޫނިސޫފާސުއިތްޕާއި މަސްމަހާމެހީގެ ތުންގަނޑު (4) ކިރުބޯފުޅިން ކިރުދެމުމަށް ރަބަރުން ހަދައިފައިހުންނަ އެތި (5) ކުދިން މަސަލަސްކުރަން ބޯންދޭން ރަބަރުން ހަދައިފައި ހުންނަ އެއްޗެއް (6) ދުންބޯނޮޅިފަދަ ތަކެތީގެ ކޮޅުގައި ޖަހައިފައި ހުންނަތަންކޮޅު (7) ނަރުކެނޑިއާއި ހަނޑަސްފަދަ ތަކެތީގެ ކުރީކޮޅު (8) ފުޅިބައްތީގެ ފީތާލާން ހަދައިފައިހުންނައެތި (9) ކޮތަޅާއި ގޯނިފަދަ ތަކެތީގެ އަނގަމަތި )01( ވައިޖަހައިގެން ފުއްޕާ ތަކެތީގެ ވައިޖަހާތަން
ތުންބުރިކާޅަށްވެސް ކާންލިބޭދުވަސް
މަޖާޒު: ރަބީޢުލް އައްވަލްމަހުގެ ބާރަ ދުވަހާއި ދެއީދު ދެދުވަހާއި ބޮޑު މާލޫދު ދުވަސް ފަދަ ރަށުގައި ޢާއްމުކޮށް ގިނައިން ކައްކައި އުޅޭ ދުވަސްދުވަހު އެންމެ ނިކަމެތި މީހާއަށްވެސް ކާން ލިބޭނެކަން އެންގުމުގެ ގޮތުން ބުނެއުޅޭ ބަހެއް
ތުންތުންމަތިން
ކއ (1) ދޫދޫމަތިން (2) އެކަކު އަނގައިން އަނެކަކު އަނގައިން
ތުންގަނޑު
ނ (1) ދޫނިސޫފާސޫފީގެ ތުން (2) މަސްމަހާމެހީގެ ދިގުކޮށް ނިކުމެފައި ހުންނަތުން (3) ވައިޖަހާގުންބާއާއި ވައިޖަހާނޮޅީގެ ކުރީގައި ގުޅައިފައި އޮންނަބައި (4) ބައްތެލި ދޯނީގެ ދިރުނބާކޮޅު މައްޔަލުގައި ބޭރަށް ނެރެފައި ހުންނައެތި މިހަދައިފައި ހުންނަނީ ލޮއިން ނުވަތަ ކުރެދިންނެވެ (5) ދޯނިފަހަރުގެ ދިރުނބާކޮޅު މައްޔަލާ ގުޅައިގެން ހަނިކޮށް ދިގުކޮށް ކުރިއަށް ނެރެފައިވާބައި
ތުރުކީކޮށި
ނ އިހުގައި ރާއްޖޭގައި ބަޑިޖަހަން ދަސްކޮށްދީ އުޅުނު ކޮށިކޮށީގެ ތެރެއިން ކޮއްޓެއްގެ ނަން
ތުޅުދަނޑި
ނ އެއްޗެހި ކިރުމަށް ހަދައިފައިއޮންނަ އެއްޗެއް މިއިން ކިރޭއެންމެ ބަރުމިނަކީ ތުޅެކެވެ )82 ރާތަލެވެ ( މިއޮންނަނީ ވަކިގޮތަކަށް ހަދައިފައިވާ ދަނޑިއެއްގެ އެއްކޮޅުގައި އެލުވާތަނަކާއި ކިރާއެއްޗެހި އެލުވާ ބުޅިގަނޑެއްލައިފައެވެ
ތުތިޔާފޯލި
ނ )ލ ( ގިރިޓީކުރަން ގެންގުޅޭ ތުތިޔާއިން ހަދައިފައި އޮންނަފޯލި
ތޫނު
ނއ (1) ކޮށި މިބަހުގެ އިދިކޮޅު (2) އެއްޗެއްގައި ހުންނަ ކެނޑޭގޮތް ނުވަތަ ވިރުވާލާގޮތް (3) މިޔަލީ ތަކެތީގެ މިޔައިގައި ހުންނަ ފަސޭހައިން ބުރިކުރެވޭ ނުވަތަ ކެފޭގޮތް (4) ވިސްނުންތެރި (5) ހިތްއަލި (6) ތޫރިކޮށްހުންނަ (7) އިވުމާއި ފެނުމުގެ ބާރުގަދަ
ތޫނުކަން
ނއނ (1) " ކޮށިކަން" މިބަހުގެ އިދިކޮޅު (2) މިޔަހުންނަ ތަކެތީގެ މިޔައިގައި ފަސޭހައިން ކެނޑޭގޮތް ހުންނަކަން (3) ވިސްނުންތެރިކަން (4) ހިތްއަލިކަން (5) އޫކޮށްހުންނަކަން
ތޫތުގަސް
ނ ތުނޑުލީ ފަތްތަކެއް ހުންނަ ވާކޮށް ހެދޭގަހެއް މިގަހުގައި އަޅާނީ ހިމަދިގުކޮށް ހުންނަ އިންޗިއެއް ނުވަތަ ދޮޅުއިންޗީގެ ބޮޑުމިނުގެ ހުތްފޮނިރަހަލާ މޭވާއެކެވެ މިދޮންވީމާ ހުންނާނީ ކަޅުރަތް ކުލައިގައެވެ
ތެޅާ
ނ )ޏ ސ ( (1) ރުކުގައި ބަންނަހަރު (2) އެލިބައިން
ތެޅިލާ
ނ (1) ވިރުވައި ކުލައާއެއްކޮށް ތަޅައި ފަތިކޮށްފައި ހުންނަލާ. ލިޔެލާޖަހާއިރު އެއްޗެހީގައި ލާ ޖަހަނީ މިއިންނެވެ (2) ތެޅިލުން މިބަހުގެ ވާކަމާއި އަމުރު
ތެޅުވުން
މ (1) މީހަކު ގައިގައި މީހަކު ލައްވައި އެއްޗަކުން އެއްފަހަރަށްވުރެ ގިނަފަހަރު ޖެއްސުން (2) ހެލުވުން (3) މަޖާޒު: ގިނައިން ވާހަކަ ދެއްކުވުން
ތެދުވުން
މ (1) އެއްޗެއް ސީދާވުން (2) ޙަޤީޤަތަކަށްވުން (3) އިންތަނުން ނުވަތަ އޮތްތަނުން އުފުލި ހަށިގަނޑު ސީދާކޮށްލުން
ތެތަށްކެނޑުން
މ (1) ހިއްކައިގެން ކިރުވާ އެއްޗެހި ހުންނަންވާ ވަރަށް ހިކިފައި ނެތުމުގެ ސަބަބުން ހިކޭނެކަމަށް ލަފާކުރެވޭ ވަރު ބަރުދަނުން އުނިކުރުން (2) މަޖާޒު: ވާހަކަދެއްކީމާ އެއިން ދޮގަށްވާބައި ދޫކޮށްލުން
ތެލަނގަ
ނ އިލޮށިން ނުވަތަ އޮނުފަތިން ދުނިގަނޑު ހަދައި އޭގައި ކަރުދާސް ހިއްޕައި ނަގޫލައިގެން )މަޑިއާއިގުޑިފަދައިން( އެއްލާ އެއްޗެއް
ތެލިފޯނު
ނ ދުރުގައި ހުންނަމީހަކާ ނަރެއްގެ ޛަރިޣާއިން ވާހަކަދެއްކުމަށް ބޭނުންކުރާ އާލަތެއް
ތެލިފޯނުކުރުން
މ ފޯނުގެ ޒަރީޢާއިން މީހަކާގުޅުން
ތެލިފޯނުކޯލު
ނ (1) ތެލިފޯނުން ދައްކާވާހަކަ (2) މީހަކާ ވާހަކަދެއްކުމަށް ތެލިފޯނުގެ ޒަރީޢާއިން އެމީހަކާގުޅާގުޅުން
ތެލްގިރާމު
ނ ތެލިގްރާފުގެ ޒަރީޢާއިން ލިބޭމެސެޖް