radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
ދަނގަތެރެ
ނ (1) ހަރުވާޅު ފަދަ އެއްޗެހީގެ ކަށްގަނޑު (2) އުކުޅުވަޅާ ހަމައިން ދެފައިދޭތެރެ
ދަނޑިބޮނޑި
ނ ބޮނޑިއަކަށް ބަނދެފައި ހުންނަ ދަނޑިތައް
ދަނޑިމަސް
ނ (1) މަސްދޯނިފަހަރު ވަކިވަރަކަށް މަސްބާނައިގެން އައިމާ އެބޭނިމަހުން ގަނޑުވަރުތެރެއަށް ގެންދާމަސް މިމަސްގެންދާ ގޮތަކީ ތިންމީހުން ތިންދޮށީގެ ބުޅީގައި މަސް އަޅުވައިގެން ތިންދޮށި ކޮނޑުމަތީގައި ބާއްވައިގެން ކޮންމެ މީހަކު އެމީހަކު ދޮށީގެ ބުޅީގައި އަޅުވައިފައި އޮންނަމަހުގެ ނިގޫފަތުގައި ހިފައިގެންނެވެ (2) ޚާއްޞަގޮތްގޮތުން ދޯނިފަހަރުންދޭ މަސް
ދަނޑިޖެހުން
މ ވަކިވަރަކަށް ބުރިކޮށްފައިހުންނަ ދަނޑިކޮޅުތައް ބޭނުންކޮށްގެން ކުޅޭ ކުޅިވަރެއްކުޅުން މީގެތެރޭގައި މަންގަލަން ދަނޑިއާއި މަލިކު ދަނޑިފަދަ ކުޅިވަރުތައް ހިމެނެއެވެ
ދަނާވަތި
ނ )ބދ ( ކަށްބިން
ދަން
ނ (1) ތިންގަޑިއިރުގެ ވަގުތު. (2) ދުވަހެއްގެ އަށްބައިކުޅަ އެއްބައި. މިސާލު: ދަމަކަށް އިރުއަރައިފިއެވެ. (3) ދިއުން މިބަހުގެ ވާކަން )ވާހަކަ ދައްކާ ފުރަތަމަ މީހާ ބުނާގޮތް( މިސާލު: އަހަރެން އެގެއަށްދަން (4) ރޭގަނޑާ ނިސްބަތްކޮށް މާލަސްވެއްޖެއޭ ބުނާގޮތް
ދަންބެރަށްވުރެ ތަގުޑި ދިގުވުން
މ )މިސާލުބަހެއް( (1) އެއްޗެއް ބުނަންވެގެން އުޅޭއިރު އެއެއްޗެއް ބުނުމަށްޓަކައިދައްކާ އެހެން ވާހަކަތައް ގިނަވުން (2) ކަމެއް ކުރުމުގައި މައިގަނޑު މަސައްކަތަށްވުރެ އެކަމާގުޅޭ އެހެނިހެން ކުދިކުދި ކަންތައްތަކަށް މާގިނަވަގުތު ނަގައިލުން
ދަންކުރުކުރުން
މ ވަކިކަމަކަށްޓަކައި ރޭގަނޑު ހޭލާތިބޭއިރު ވަގުތު ހޭދަކޮށްލުމުގެ ގޮތުން އެކިއެކި ވާހަކަ ދެއްކުމާއި ވާހަކަ ކިއުމާއި އެކިއެކި ކުޅިވަރު ކުޅުން
ދަންތުރަ
ނ (1) އެއްގަމުގައިއުޅޭ ބައެއްކަހަލަ ދިރޭއެއްޗެހި ހިފުމަށްޓަކައި ޖަހާމަޅިއެއް މިމަޅިވަރަށް ގިނަގޮތްގޮތަށް ޖަހައެވެ (2) މަޖާޒު: މީހަކަށް ކެއްސެއް ދިނުމަށްޓަކައި ރާވާ ރޭވުން
ދަރަނަ
ނ (1) ތަނަކަށް ނިސްބަތްވާ ހުރިހާ ތަކެތި (2) ޢިމާރާތާގުޅޭ ހުރިހާ ތަނެއް
ދަރަންޏަށްދިނުން
މ ފަހުންދޭގޮތަށް މީހަކަށް ފައިސާއެއް ނުވަތަ އެއްޗެއް ދިނުން
ދަރަކަ
ނ )ސ ( ކަމެއްގެ އަޑި މިސާލު: ތިޔަވާހަކައިގެ ދަރަކަށްދާކަށް ބޭނުމެއް ނޫނެވެ
ދަރި
ނ (1) ބަނޑުއަޅައި ވިހާ ނުވަތަ ބަނޑުގައި އުފެދޭ ކުއްޖާ (2) ބިހުންއުފެދޭ ޅައެތި (3) ބައެއްޖަނަވާރާއި ބައެއް މަސްމަހާމެހި ބަނޑުއަޅައި ވިހާ ނުވަތަ ބަނޑުގައި އުފެދޭ އެތި (4) ނަސްލަކުން އުފެދޭ ކޮންމެ އެއްޗެއް (5) މަޖާޒު: ޤައުމަކަށް ނުވަތަ ރަށަކަށް ނިސްބަތްވާ މީހެއް މިސާލު: ދިވެހިދަރިއެއް
ދަރިކަނދޮ
ނ )ޏ ( ގަހެއްގެ ޅަދެގޮފިފަލަވެގެން ދާއިރު އެއްވެފައި ހުރުމުގެ ސަބަބުން ލަކުޑިގަނޑުގެ ތެރޭގައި ތޮށީގެ އަސަރާއެކު ދެބައިވަކިވާ ކަހަލަ ގޮތަކަށް ހުންނަ ތަން
ދަރިވަރުވުން
މ (1) މީހެއްގެ ގާތުން ފުދޭވަރަކަށް ޢިލްމު އުނގެނުން (2) މަޖާޒު: މީހެއްގެ ފުށުން ނުބައިކަންތައްތަކެއް ދަސްވުން
ދަރިވަޅު
ނ (1) ވިހަމުންދާ ވެލާ ބިސްވަޅު (2) )ހ ( ސަންދޯކުނާޅައި މައްޔިތާ ވަޅުލާއިރު ކަށްވަޅުގެ ތެރޭގައި މައްޔިތާ ބޭއްވުމަށް ވަޅުގެ މެދުތެރެއިން ވަކިން އަޑިކޮށްފައި ހުންނަތަން މިހެން ހަދަނީ އެއްފިލާ ބޭނުންކޮށްގެން ވަޅުލުމަށްޓަކައެވެ
ދަރު
ނ (1) އަންދަން ބޭނުންކުރާ ލަކުޑިފަދަ ތަކެތި (2) ހަމަރިޔަލާއި ފޭލި ކޮށިކޮށްލުމުގެ ގޮތުން އޮޅައިލާބައި (3) އަރިޔަންލިޔުމާއި ދިގުހަރު ލިޔުމުގައި ބޭނުންކުރާ ކަށިފަދަތަކެތީގެ ކޮޅުފަތިކޮށްލައި އެއްފަރާތަކަށް ލަނބައި މިޔައަޅައިފައި ހުންނަބައި (4) ފޮނުމަތުގެ ކަށީގެ ކޮޅުގައި ދެފަރާތަށް އަޅައިފައި ހުންނަ މިޔަ (5) ބދ ކުދި ދަގަނޑުކޮޅު
ދަރުމަވަންތަ
ނއ އަމިއްލައެދުމެއްނެތި ވަކިމީހަކަށް ތަފާތު ކުރުމެއްނެތި އެއްމެންނަށް އެއްގޮތަށް ހެޔޮކޮށް ހިތާ
ދަރުޖެހުން
މ (1) ފޮނުވަތުގެ ކައްޓާއި އަރިޔަންހަރާއި ދިގުހަރު ލިޔާކަށިފަދަ ތަކެތީގެ ދަރުހެދުން (2) ފަރުތޮޅިއާއި މާތޮޅިފަދަ އެއްޗެހި ފެނުން ކެނޑިގެން ފުމެމުން ފުމެމުން ދިއުން (3) އުވަވަޅުގައި ވަކިގޮތަކަށް ދަރުއެތުރުން
ދައިމަތިއެޅުން
މ ބައެއްފާޑުގެ ތަކެތި ދަވައި ބަހައްޓައިފައި ހިސާބަކަށް ހިމުންކޮށް ލުމަށްޓަކައި ފޮއިހިންގައިލުން