radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
މަގު
ނ (1) ހިނގުމަށާއި އެއްޗެހި ދުއްވުމަށް ޚާއްޞަ ކުރެވިފައިވާތަން (2) ޓިނާއި އީޓްފަދަ ތަކެތީގައި ފެންދަތުރުކުރުމަށް ޓަކައި އަޑިކޮށްފައި ހުންނަތަން (3) ގޮތް (4) ހަމަ (5) ދިޔާ އެއްޗެހި ބޯން ބޭނުންކުރާ ޖޯޑުވައްތަރުގެ އުޅައްލީ ތަށްޓެއް
މަގުހެދުން
މ (1) ހިނގުމަށާއި އެއްޗެހި ދުއްވުމަށް ޚާއްޞަ ތަންތަން ތައްޔާރުކުރުން (2) މަގުގެ ގޮތުގައި ބޭނުންކުރާ ތަންތަން ހަލާކުވީމާހަދައި ރަނގަޅުކުރުން
މަގުބޭސްއެޅުން
މ ވަރުބަލާ ބަޑިޖަހާއިރު ބަޑިފަޅައިގެން ހިގައްޖެނަމަ މީހުންނަށް ރައްކާތެރިވެވޭ ހިސާބުގެ ދުރުމިނެއްގައި ކަށިކެޔޮފަތް ބަހައްޓައި ބަޑިބޭސްއެއަށް އެޅުން
މަގުފޭލިދެމުން
މ މަގުގެ ދެފަރާތުގައި ހުދުފޮތި ދެމުން މިއީމަތީ ދަރަޖައިގެ ބޭފުޅުންނަށް ޢިއްޒަތްތެރިކޮށް ހިތުމުގެ ގޮތުން އިހުގައި ކުރާ ކަމެކެވެ
މަގޫ
ނ ދަރާއި ދަނޑިއަށް ބޭނުންކުރެވޭ ބިޔަނޫންގަހެއް. މިއީ ފަތްތައް ވަރަށް ބޯކޮށް ހުންނަ ގަދައަށްހެދޭ ގަހެކެވެ މަގޫގަސް އެންމެ ގިނައިން ހުންނަނީ ހޭޅީގައެވެ
މަގޫލޮނުމޫ
ނ ބޭހަށް ބޭނުންކުރާ އެއްޗެއް މިއީ ގޮނޑު ދޮށުގައި ހެދޭ މަގޫ ގަހުގެ މުލެވެ މިމުލުގައި ލާނީ ލޮނު ރަހައެވެ
މަސައްކަތުމުސްކުޅިން
ނ ހަނގުބޭކަލުންގެ ތެރޭގައި ތިބޭބައެއް މިމީހުންގެ ވަޒީފާއަކީ ބުރުޒުގެ ތެރޭގެ އެތަންމިތަނަށް އެޅިފައި ހުންނަ އުންޑަ ހޮވުމެވެ
މަސައްކަތް
ނ (1) ކުރާކަންތައް (2) ޢަމަލު (3) ނަތީޖާއެއް ނެރުމަށްޓަކައި އުފުލާ ބުރަ (4) ކަމެއް ކުރުމަށް ކުރާ ޙަރަކާތް (5) އާމްދަނީއެއް ލިބޭނޭކަމެއް
މަސައްކަތްހޯދުން
މ (1) ވަޒީފާއެއްލިބޭތޯ ބެލުން (2) އާމްދަނީ ލިބޭކަހަލަ ކަންތައް ހޯދުން
މަސައްކަތްކުރުން
މ (1) ނަތީޖާއެއް ނެރުމަށް ނުވަތަ ހޯދުމަށް ބުރަ އުފުލުން (2) ޢަމަލުކުރުން (3) އާމްދަނީއެއް ލިބޭނެކަމެއް ކުރުން
މަސާހިބު
ނ (1) އަޅުގަނޑުގެ މާތްވެރިޔާ (2) ރަސްކަލެއްގެ އަރިހުގައި އާދޭހާ ދެންނެވުމުގެ ގޮތުން ބޭނުންކުރާ އާދެ ސާހިބު މިބަސްކުރުކޮށްލައިފައި ކިޔާގޮތެއް
މަސް
ނ (1) ފެނުގައި ދިރިއުޅޭ ކޮތަރިއާއި ނަގޫފަތް ހުންނަ ދިރޭ އެއްޗެއް. )މީގެގިނަ ބާވަތްތަކަކީ ކާންބޭނުންކުރާ އެއްޗެއްސެވެ.( (2) އިންސާނުންނާއި ޖަނަވާރާއި މަސްމަހާމެއްސާއި. ދޫނިސޫފާސޫފީގެ ހަށިގަނޑުގައި ހަމާ ކައްޓާ ދެމެދުގައި ހުންނަބައި. (3) އިހި ބޮލި ރާކަނި ފަދަތަކެތީގެ އެތެރޭގައި އޮންނަބައި (4) އަހަރެއްގެ ބާރަބައި ކުޅަ އެއްބައި (5) ދޫމިޖަހާހެން ބިލެތުގައި ޖަހާ އެއްޗެއް (6) އިންސާނުންނާއި އެނޫންވެސް ބަނޑުއަޅާ ވިހާ އެއްޗެހީގެ ދަރިންގެ ފޫޅު ދަނޑިއާ ގުޅިފައި އޮންނަ އެއްޗެއް
މަސްބޯޓު
ނ މަސްވެރިކަމުގެ މަސައްކަތުގައި ބޭނުންކުރާ ބޯޓު
މަސްކަނޑު
ނ (1) ކަނޑުގައި ކަޅުބިލަމަސް އުޅޭ ހިސާބު (2) ބޭރުކަނޑު
މަސްކަޅިކުރުން
މ ފަންޑިތަވެރިކަމުގެ ގޮތުން ފިލިމަހަށް ކުރާކަމެއް )މިކަންކުރުމުގައި އަތަރާއި ވެސްނޫފަދަ ތަކެތި ބޭނުންކުރެއެވެ
މަސްކައްކާލޯ
ނ މަސް ކެއްކުމަށްޓަކައި ބޭނުންކުރާ ލޮއިން ހަދައިފައި ހުންނަ ކަންވާރެއް މީގައި ދެއުޅައް ނުވަތަ ހަތަރު އުޅައްލައިފައި ހުރެއެވެ
މަސްކާށި
ނ (1) މަހާކާއްޓާ މިއީ ދިވެހީންގެ ޚާއްޞަކެއުމެއްގެ ގޮތުގައި ބޭނުންކުރާ އެއްޗެކެވެ (2) މަސްކާށި ދޫނި
މަސްކޮތަން
ނ މިރިހިފަތާ އެއްވައްތަރަށް ފަތް ހުންނަ ނަމަވެސް ހުވަނދު ކޮތަނަށްވުރެ ފަތްތުނި ގަހެއް މިއީ ބޭހަށް ބޭނުންކުރާ ފަތްޕިލާވެއްޔެކެވެ
މަސްވަޅިލުން
މ މަޖާޒު: ފިރިހެނަކު އޭނާ ހިތާވެގެން އުޅޭ އަންހެނެއްގެ ގެޔަށް ގޮސްފައި އެބުރި އަންނަމުން ހަނދާން ނެތުނީކަމަށް ހަދައިފައި އެގޭގައި އެއްޗެއް ބޭއްވުން
މަސްމުޑުކާ
ނ ލޮނުމަސް އަޅަން ބޭނުންކުރާ ޖާޑިކަހަލަ އެއްޗެހި