radheef.info
ރަދީފު


ވ
ތާނައިގެ ނުވަވަނަ އަކުރު
ގޮނި
ނ (1) ބައްޓަމާއެކު އެތެރެއަށް ވެފައިވާއަޑި (2) މޫދުން ރަށުގެ ތެރެއަށް ވަދެފައިވާތަން
ގޮނިކަށި
ނ )ސ ( (1) އެކިއެކި އެއްޗެހީގެ އެތެރެ ގޮނިކޮށްކޮށުމަށް ޓަކައި ތިލަ ގޮނިކޮށް ހަދައިފައި ހުންނަވަޅި (2) ހޮޅި ވަޑާން ކަށި
ގޮނިވުން
މ (1) އެތެރެއަށް ލެނބުން (2) އެތެރެއަށްޖެހުން (3) އިތި ވުމުގެ އިދިކޮޅު
ގޮނިތަށި
ނ ތިލަ ތަށްޓަށް ވުރެން އެތެރެ ފުންކޮށް ހުންނަތަށި
ގޮނިލުން
މ ގޮނިލެއްވުން
ގޮނިލެއްވުން
މ (1) ގޮންޏަކަށް ހެދުން (2) ގޮނިހެދުން (3) ގުދުލެއްވުން
ގޮނިޖެއްސުން
މ ގޮނިލެއްވުން
ގޮނީފުލަށްފޭބުން
މ (1) މަސްބައްދާއިރު މަސްބައްދާ ގޮނީގެ ފުލަށް އެރުން (2) މަޖާޒު: މަސައްކަތް ކުރާހާ ވަރުނެތް މީހުންނާމެދު ބުނެއުޅޭބަހެއް މިސާލު: މޫސަބޭދެން މިހާރު އެހެރީ ގޮނީ ފުލަށް ފައިބައިފައެވެ
ގޮނު
ނ (1) އެއްޗެހި އެޅުމަށް ފަނުން ވިޔެފައި ހުންނަމުޅި (2) މުށިމަސް ފަދަ އެއްޗެހި ބާނައިފައި އަޅަން ހަދައިފައި ހުންނަ ކޮތަޅު (3) ގޮން
ގޮނުއެޅުން
މ އިހުޒަމާނުގައި މަސްވެރިން މަހަށްދާއިރު ކާތަކެތި ގެންދިއުމަށް ފަނުން ވިޔެފައި ހުންނަ ވަޑިގޮނަށް މަހަށްދާއިރު ގެންދާ ކާތަކެތި އެޅުން
ގޮނުފަންތޮޅުން
މ )ހ ( ރުކުގެ ކުރުއްޕަތް ނިކުތުން ހުއްޓި ބޮންތީގެ ފަންވަތްތައްވަކި ވާވަރުވުން
ގޮނެހި
ނ ގޮނާގަސް މިއީ ލަކުޑިއަށް ބޭނުންކުރާ ގަހެކެވެ
ގޮނެއްދިނިއްޔާވައްޓެއް
ގބ )މުސްކުޅިބަހެއް( (1) މީހަކު ހަދިޔާއެއް ދީފިނަމަ އޭގެ ބަދަލުގައި ދޭންވާނީ އެއަށްވުރެ ރަނގަޅު އެއްޗެއްކަން އަންގައި ދިނުމުގެ ގޮތުން ބުނެއުޅޭބަހެއް. (2) މީހަކު ހެޔޮކަމެއް ކޮށްދީފިނަމަ އެއަށްވުރެ ބޮޑު ހެޔޮކަމެއް ކޮށްދޭންވާނެކަން އަންގައިދިނުމުގެ ގޮތުން ބުނެއުޅޭބަހެއް
ގޮން
ނ. (ގ) (1) ހަތަރު އަރިގޮތަކަށް ބޭރުގެ ބުރުހުންނަ ފަރުމަހެއް. (2) ނަނު އަޅާއިރު އުޅި ހިފެހެއްޓުމަށް ލަކުޑިން ނުވަތަ މަޢުދަނުން ހަދައިފައިވާ އެއްޗެއް. މިހުންނަނީ ފިތް ކަނޑައިފައެވެ. (3) ޖަހާގޮން (ގޮންޖެހުން ބަލާ!)
ގޮންދައިލުން
މ (1) ހުތުރުބަހުން ކެއުން މިބަހަށް ކިޔާ ގޮތް (2) )ހ ( ގޮށުވައިލުން
ގޮންދުއްވުން
މ ވާއަޅާއިރު އުޅިތައް އެއްކުރަން ގޮން ހިންގުން
ގޮންތޮށިރުމާ
ނ ފަށުތްވާއި ކަސަބުން ވަކިގޮތަކަށް ކައިރި ހަދައިފައި ހުންނަ ކަޅު ރުމާލެއް މިއީ އިހުގައި ކުޑަކުދީން ގައިގައި ލައްވަން ބޭނުންކުރި އެއްޗެކެވެ
ގޮންޑަންތޯޅި
ނ )ގ ( މޫދުގައި އުޅޭ ތޮޅީގެ ވައްތަރެއް މިބާވަތުގެ ތޮޅީގެ އަނގަ ހުންނާނީ ބުރަކަށި ފަރާތުގައެވެ
ގޮންޑޯލާ
ނ އޮރުވާގެ ވައްތަރެއް
ގޮންޖެހުން
ނ (1) އަންހެނުން އިހުގައި އީދުތެރޭގައި ކުރާކަމެއް. މިކަންކުރާގޮތަކީ ފަހަތުން ދުވެފައިގޮސް "ޢީދުބޮލަށްގޮން" މިހެން ކިޔައިފައި އެ ފިރިހެން މީހާގެ ބޮލުގައި ނުވަތަ ކޮނޑުގައި އަތުން ޖަހައިފައި ދިއުމެވެ. މިއީ އަންހެނުންގެ ކެރޭކަން ދައްކަންކުރާ ކަމެކެވެ. (2) ވާދަކުރުން. (3) މަޖާޒު: މީހަކު ނުވަތަ ބަޔަކު ކަމެއް ކުރުމުން އެހެން މީހަކު ނުވަތަ އެހެން ބަޔަކު އެކަމެއް އެއަށްވުރެ މޮޅަށް ކުރާނެކަމަށް ބުނުން