radheef.info
ރަދީފު


ވ
ތާނައިގެ ނުވަވަނަ އަކުރު
ގޮށިމޫނުންބާންޏާދިއުން
މ ޚާއްޞަ މުނާސަބަތު ތަކުގައި ރަސްކަލަކަށް ނުވަތަ ރަސްކަލެއްގެ އަނބިކަނބަލަކަށް ނުވަތަ ދަރިކަނބަލަކަށް އަންހެނުންކުރާ ޚާއްޞަ ވެދުމެއް ކުރުން. މިވެދުން ކުރާނީ އެކިބައި ބަޔަށް ވަކިވަކީންނެވެ. މިވެދުންގެންދާނީ ރަންވަރަނގުހިއްޕައިފައިވާ ބޯކަރުދާހު ގޮށްޓެއްގައެވެ ރާއްޖެ ތެރޭގައިނަމަ ވިޔެފައިވާ ގޮށްޓެއްގައެވެ މިދިއުން ދާއިރު ކޮންމެ މީހެއްގެ އަތުގައި ގޮށްޓެއް އޮންނާނެއެވެ
ގޮށިދީދި
ނ ދުނބުރި ފަތުގެ ކުރީކޮޅު ބައެއް ނާރުތައް ހުންނަފުށަށް ލަނބައިލައި ކޮޅުގައި ލޯވަޅެއް ހުންނަގޮތަށް ދެފަރާތް ފައްތަރުކޮށް އިލޮށި ކޮޅެއް ޖަހައިފައި އެ ލޯވަޅުން ތަނޑިނެރެގެން ހަދާއެއްޗެއް މިހަދަނީ ކުޑަ ކުދިންގެ ކުޅޭކުޅޭ ދަރިފުޅަކަށެވެ
ގޮށިދީދިހެއްދުން
މ އަންހެން ކުދިން ބޮޑެތި މީހުން ލާކަހަލަހެދުން އަޅުވައި ނަލަހެއްދުން
ގޮށުން
މ (1) ބަތްފަދަ ތަކެތި މަޑުވެ ޗަސްވުން (2) ގެށިފައިވުން
ގޮށް
ނ (1) ގަމީސް ލިބާސް ފަދަ އެއްޗެހީގައި ލުމަށް ތަފާތު އެއްޗެހިން ތަފާތު ގޮތްގޮތަށް ހަދައިފައި ހުންނަ އެއްޗެއް. (2) ގައިގެ އެކި ތަންތަނުން ފުއްޕާ ހަރު ތަންތަންކޮޅު. (3) ބައެއްކަހަލަ އެއްޗެހީގައި އުފުލިފައި ހުންނަ ހަރުތަންތަންކޮޅު. މިސާލު: ގަސްގަހުގައި ހުންނަގޮށް. (4) ލަކުޑި ކީހައިފައި ހުންނައިރު އާރުގެ މެދުގައި ހުންނަ ހަރުތަންތަންކޮޅު. (5) ހަށިގަނޑުގެ ބައެއް ނިޒާމު ހަމަޖެއްސުމަށްޓަކައި އިންސާނުންނާއި ބައެއްޙައިވާނުގެ ހަށިގަނޑުގެ ބައެއް ތަންތަނުގައި ގޮށްގޮށް ހެންހުންނަ ގުނަވަނެއް މިއީ ހަށިގަނޑަށް ބޭނުންވާ ބައެއް އެއްޗެހި އުފައްދައި ބޭނުންނުވާ ބައެއްޗެހި ނައްތައިލާ ގުނަވަނެއް މިސާލު: ކުޅުއުފައްދާގޮށް (6) ފަށެއްގެ ދެކޮޅު ހުޅުވުމަށް ބާރުކޮށް ޖަހާމަޅި މިސާލު: )ހ( ވަގޮށް )ށ( ދަމާގޮށް
ގޮށްހަރުކުރުން
މ ފޭރާމާއި މިނޫންވެސް ތަކެތީގައި ގޮށްލުން
ގޮށްނެގުން
މ ގައިގެ ތަންތަނުން ވައިގޮށް ފުއްޕުން
ގޮށްރާޅު
ނ (1) އޮޔާ ވަޔާ އިދިކޮޅުވުމުގެ ސަބަބުން އެގޮތް މިގޮތަށް އުފެދިފައި ހުންނަ ރާޅު (2) ގޮށްގޮށަށް ހުންނަރާޅު (3) މަޖާޒު: މަސައްކަތެއްގެ ތެރޭގައި މީހަކު އުފައްދާ ހަމަނުޖެހުން
ގޮށްބައި
ނ ފިރިހެނުންގެ ލިބާހުގެ ގޮށްފޮތީގައިލުމަށް ހަދައިފައިހުންނަ އެއްވައްތަރުގެ 6 ގޮށް މިގޮށްތައް ހުންނާނީ އެއްގޮށް އަނެއްގޮށާ ގުޅައިފައެވެ
ގޮށްބުރި
ނ (1) ގަހަކުން ކަނޑައިލައިފައިއޮތް ގޮށްހުރި ބައެއް (2) މަޖާޒު: ވަށްއަގުޅި އަޅައިފައި އޮންނަ ކަންނެޔޮބުރި (3) ކުރުކޮށް ފަލަކޮށް ތިބޭމީހުން
ގޮށްކުޅަނދުރު
ނ ފަތްވަރަށް ހިމަކޮށް ހުންނަ ބިންމަތީގައި ފެތުރޭގޮތަށް ހެދޭގަހެއް. މިގަހުގެ އަޑިޔަށް ފައިބާ އެއްޗިއްސަށްވެސް ކިޔަނީ މިނަމެވެ. މިއީ މީރު ވަސްދުއްވުމަށާއި ބޭހަށް ބޭނުންކުރާ ވަރަށް މީރުވަސް ދުވާއެއްޗެކެވެ
ގޮށްކެޔޮ
ނ ސަންޕާކޭލުގެ ބާވަތެއް މިވައްތަރުގެކެޔޮ ފައްކާވެފައި ހުންނަ އިރުވެސް ކެޔޮވަކުގެ ތެރޭގައި ގޮށްގޮށަށް ހަރުކޮށް ހުންނާނެއެވެ
ގޮށްވަޅަ
ނ )ސ ( ގޮށްވަޅު
ގޮށްވަޅު
ނ ފޭރާމުގައި ހަރުކޮށްފައި ހުންނަގޮށް އެޅުވުމަށް ފޭރާމުގައި ހަދައިފައި ހުންނަ ލޯވަޅު
ގޮށްވަޅުހެދުން
މ ފޭރާމުގައި ހަރުކޮށްފައި ހުންނަގޮށް އެޅުވުމަށް ފޭރާމުގައި ކަނޑާ ލޯވަޅުގެ ކައިރިހެދުން
ގޮށްވަޅުޖެހުން
މ )ސ ( ގޮށްވަޅު ހެދުން
ގޮށްވަޅެ
ނ )ގ ( ގޮށްވަޅު
ގޮށްވިރުވުން
މ (1) ހަށިގަނޑުގެ ނާރެއްގައި ނުވަތަ މަސްގަނޑުގެ ތެރޭގައި އުފެދޭ ކުދި ހަރުތަންތަންކޮޅު ފަރުވާދީގެން ރަނގަޅުކުރުން (2) ފުށް އުއްސައިގެން ފޮނިއެއްޗެހި ހަދާއިރު އޭގައި ހުންނަ ފުށްގުޅަގުޅަ އަތުން ފިއްތައިގެން ގުޅަގުޅަޔަށް ނުހުންނާނޭގޮތް ހެދުން
ގޮށްމަޅި
ނ ހަތަރު ފަރާތަށް ހަތަރު ކަންގަނޑު ހުންނާނެހެން ޖަހާގޮށެއް. މި ގޮށްޖަހައި އުޅެނީ މަލާފަތްކޮޅު ތަށިކޮޅުފަދަ އެއްޗެހި ބަންނައިރުއެވެ
ގޮށްމަސް
ނ ބުރަ މަސައްކަތް ކުރާ މީހުންނާއި ހަށިގަނޑު ވަރުގަދަ ކުރުމަށް ކަސްރަތު ކުރާމީހުންގެގުނަވަންތަކަށް އަރައިފައިހުންނަ ހަރު ވަރުގަދަމަސް