radheef.info
ރަދީފު


ދި
ނ އަންހެންދަރި
ކަވިކަން
ނއނ (1) ކުދިކަން. (2) މަސައްކަތުގެ ކުދިކަމާއި ހިމުންކަމުން ކުރާން އުނދަގޫކަން
ކަވިކަންތައް
ނ މަސައްކަތުގެ ކުދިކަމާއި ހިމުންކަމުން ކުރާން އުނދަގޫ މަސައްކަތް
ކަމަނަ
ނ (1) ދިވެހި އަންހެނުންނަށް ކިޔާ އުޅޭ ނަމެއް (2) މަލުގެ ކަރުގަނޑު
ކަމަރީވުން
މ (1) އަންހެނުންގެ ޒުވާންކަން ދިއުން (2) ބައެއްތަކެތި ބާވުން (3) މަޖާޒު: މީހަކުހުރި މަޤާމުން ދަށަށް ދިއުން
ކަމަކަށްވުން
މ މަޖާޒު: (1) ކަމެއް އެކަމެއްގެ ޒާތުގައި ވާނެއޭ ހީވާ ވަރަށް ވުރެ ބޮޑުވުން (2) މާކުޑަކަމެއް މާބޮޑުކަމެއްގެ ގޮތުގައި ނިމިގެން ދިއުން
ކަމިޝަން
ނ މަސައްކަތެއް ނުވަތަ ވިޔަފާރިއެއް ހޯދައިދިން ކަމަށްޓަކައި އެކަމަކުން ލިބޭ އާމްދަނީގެ ތެރެއިން އެކަން ހޯދައިދިން ފަރާތަށް ދޭ ފައިސާ
ކަމީރު
ނ (1) ކުދި ތައްޓަށް އަޅައިގެން ފެނުގެއާވިން ކައްކާ ފޮނިކާއެއްޗެއް. މިހުންނަނީ ހަލުވިދާހެން ބެދިފައެވެ. މިހަދަނީ ހަނޑުލު ފުށާއި ބޯކިރާއި ހަކުރުންނެވެ (2) ބައެއް އެއްޗެހި ހަދާން ތައްޔާރުކުރާ ފުށްގަނޑަށް ރުކުރާ ނުވަތަ ކާށިފެން ފަދަ އެއްޗެހި އަޅައިގެން ކުރާ ރާމާ
ކަމުންރެކުން
މ (1) ކުރާން ދިމާވާކަމަކުން މަކަރު ހަދައިގެން ނެއްޓިގަތުން (2) ޒިންމާ ބޮލުގައި ނޭޅުން (3) ޙަވާލުކުރާ ކަމެއް ބޮލުން ނައްޓައިލުން (4) ކަމަކާ ޙަވާލުނުވާން ވެގެން އުޅުން
ކަމުންދުރުވުން
މ (1) ޙަވާލުވެފައިވާ ކަމަކުން ވަކިވެގަތުން (2) އިސްތިއުފާދިނުން
ކަމުދިޔައުން
މ ކަމުދިޔުން
ކަމެކޭހީނުވުން
މ (1) ފަރުވާ ބަހައްޓަންޖެހޭ ކަމަކަށް ފަރުވާ ކުޑަކުރުން (2) އަޅާލަންޖެހޭ ކަމަކަށް އަޅާނުލުން (3) ސަމާލުކަންދޭންޖެހޭ ކަމަކަށް ސަމާލުކަން ނުދިނުން
ކަމެއްދަމެއްބޮޑުވުން
މ ހާސްވެ ކަންބޮޑުވާ ކަހަލަ ކަމަކާ ދިމާވުން
ކަފަ
ނ (1) ގަހެއްގައިއަޅާ ވަކެއްގެތެރޭގައި ހުންނަ ކެހެރިވައްތަރުގެ ހުދުކުލައިގެ ހާވިޔާއެއްޗެއް. މީގެ ދެވައްތަރެއްހުރެއެވެ. އެއްވައްތަރު ބޭނުންކުރަނީ ފޭރާން ވިޔުމަށާއި ރޮދިއުފެއްދުމަށެވެ. އަނެއްވައްތަރެއް ބޭނުންކުރަނީ ބާލީހަށާއި ގޮދަޑިފަދަތަކެއްޗަށް ލެއްވުމަށެވެ. (2) ބައެއްމޭވާ ފީވެގެންޖަހާ ކަފަހެން ހުންނަފޫ (3) ދަންޑެހެލު ބޭކަލުންނަށް ވީއްލިފައި ހުންނަ ކަލާސީމީހާ (4) ހަވަރުގެ އެކިއެކި މަސައްކަތް ކުރަންވީމާ ދޮށިމޭނާބޭކަލަކު ބޮޑުބޭކަލުންނަށް އަންގާ ފޮނުއްވުމަށް ހުންނަމީހާ (5) މަޖާޒު: ޖަމާޢަތެއްގެ ނުވަތަ ގެއެއްގެ މީހުންކުރެ އެންމެ ބަސްނުވިކޭމީހާ
ކަފަދިއްގާ
ނ ލަކުޑިދެރަ އާރުނުލައި ހުންނަދިއްގާ މިބާވަތުގެ ދިއްގަލުގެ ލަކުޑި ވަރަށް މަޑުވާނެއެވެ
ކަފާޅަ
ނ ބޮލުމެދު މިއީ ޅައިރު ނާށިގަނޑު ނުބެދިހުންނަ މަޑު ހިސާބެވެ
ކަފާޅަކެކުން
މ އުމުރުން ގާތްގަނޑަކަށް 81 މަސްނުފުރޭ ކުޑަކުދިންގެ ބޮލުގެމެދުގައި މަޑުކޮށް ހުންނަ ތަންކޮޅު އުފުލި އުފުލިފައި އަޑިވުން މިއީ ގިނަކުދިންނަށް ޠަބީޢީގޮތުން ވާކަމެކެވެ
ކަފާސް
ނ (1) ލިޔާ ދަވާދު އަޅާއިރު އޭގެ ތެރެއަށްލާފައި އޮންނަ ރޮދި ބޮނޑި ނުވަތަ ފޮތިކޮޅު. (2) ކަރުދާހާއި އަނބުރާފައި ހުންނަ ރޮދިފަދަ ތަކެތި ގެންގުޅެ ގެންގުޅެ ނުވަތަ ބޭނުންކުރެވޭ ގޮތުން ރޫޅޭގޮތް ވެގެންވާ ދެރަ (3) ރަބަރުތައްގަނޑު ޖަހަން ބޭނުންކުރާ ދެލިން ފޯކޮށްފައި އޮންނައެތި (4) މަޖާޒު: މަސައްކަތް ކޮށްކޮށް އެކަމެއް ނުވެވިގެން ހިތްވަރު ދެރަވެގެންވާ ވަރުބައްޔެއް
ކަފާސްތޮޅި
ނ މޫދުގައި އުޅޭ ތޮޅީގެ ބާވަތެއް މިތޮޅި ހުންނަނީ ބޮނޑިބަތް ތޮޅިފާޑަށް ތުންގަނޑުގެ ދެފަޅި އެއްވަރަށެވެ މިއީ ތުންދިގު ތޮޅީގެ ކުދި އެއްޗެހި ކަމަށްވެސް ބުނެއެވެ
ކަފާސްގަނޑު
ނ (1) ލިޔާ ދަވާދުގައި އޮންނަ ރޮދި ބޮނޑި ނުވަތަ ފޮތިކޮޅު (2) )މ ( ކިސްމޭ
ކަފިހިމަސް
ނ ފަރުމަހުގެބާވަތެއް މިއީ ކަނޑުގައި އުޅޭ ބޮޑެތިމަސްމަހުގެ ނިވަލުގައްޔާއި ކަނޑުގައި އޮޔާދާ އޮއިވާލި އެތިގަނޑުގަނޑުގެ ނިވަލުގައި އުޅޭމަހެކެވެ މަހުގެ ހުރަހަށް ކަޅުކުލައިގެ ފުޅާ ގަޅިތަކެއްހުރެއެވެ އަރިމަތީގައި ހުންނަނީ ރިހިވިދުން ކުލައެވެ މަހުގެ މަތީބައިގައި ނޫކުލައިގެ ކުދިލައްތަކެއް ހުރެއެވެ