radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
އަލާކެނޑުން
މ (1) ބޭނުން ފުދުން (2) "އަލާ" ބަލާ! (3) މަޖާޒު: މީހަކު ކަމެއްކުރަން އުޅެގެން އެކަމުން ދެރައެއް ލިބުނީމާ ބުނާގޮތެއް މިސާލު: މިހާރު ހުންނާނީ އަލާކެނޑިފައެވެ
އަލިވިލުން
މ (1) ފަތިސްވެ އަލިވިލުން މަޖާޒު: (2) ގަނޑުވަރުތެރޭ ބޭފުޅުން އަވަހާރަ ލައްޕަވާފައި ތެދުވެވަޑައިގަތުން (3) ނުފިލައިގެން އުޅޭކަމެއް އޮޅުންފިލުން
އަލިމަސް
ނ ހުދުކުލައިގައި ހުންނަ ޖަވާހިރެއް ޖަވާހިރުގެ ތެރެއިން އެންމެ ހަރު އެންމެ ދަޅަގަދަ ބާވަތަކީމިއެވެ
އަލިފާނާކުޅުން
މ ބޭނުމެއްނެތި އަލިފާން ގެންގުޅެ އެއްޗެތީގައި ރޯކޮށްހެދުން
އަލިފާނޯތް
ނ (1) ތާކު އަލިފާން ޖެހިގެން ނުވަތަ މީހަކަށް މީހަކު ހާނީއްކަކުރާތީ މީސްތަކުންނަށް އެންގުމަށްގޮވާ ގޮވުމެއް (2) ކުއްލިއަކަށް ޖެހޭނުރައްކަލެއްގައި މީހުންނަށް ގޮވާލާގޮވުމެއް
އަލިފާންއާވި
ނ ރޯވުމެއް ހޫނުވުމެއްނެތި ފިހުމާއި އެނދުމުގެ ބާރު ހުންނަ ދިޔާއެއްޗެއް. މިއީ ކައްސަނދުވާނި ބާރޯޒް އަދިވެސް މިބާވަތުގެ މަޢުދަނީ އެއްޗެހީން ނަގާއެއްޗެކެވެ
އަލިދަނޑި
ނ އަލިފާން ދަނޑިފަދައިން ދަނޑީގެ ކޮޅުގައި ބޭސްލައިފައި ހުންނަ ރޯކުރީމާ ސާފުތާހިރު އަލިވާދަނޑި މީގެކިތަންމެ ކުލައެއް ހުރެއެވެ
އަލުން
ކއ (1) އަނެއްކާ (2) އައުކޮށްފައި (3) ކުރީންވެފައި އޮތްކަމެއް ދެވަނަ ފަހަރު ކުރާން ފެށުމަށް ބުނާގޮތް މިސާލު: މިފޮތް އަލުން ލިޔާށެވެ
އަގުޅިނެއްޓުން
މަޖާޒު: (1) ބަންދުކަންފިލުން (2) ހިނގަހިނގައި އޮތްކަމެއް ބަންދުވެ އޮވެފައި އަލުން ހިނގައިގަތުން
އަގުޅިނެތްކަންނެޔޮ
މަޖާޒު: (1) ހަރުދަނާކަންކުޑަ (2) ޙަޤީގަތުގައި ޤަދަރެއްނެތް (3) ކަމެއްނުވެވޭ މީހާ
އަސާހަނޑޫ
ނ ފުރަމާލޭގެ ދެޚަތީބުންނާއި މީރުބަޙުރާއި ރަނަހަމާންތި ބޭކަލަކާއި މިނޫން ދެންތިއްބެވި އަސާދެއްވާ ބޭބޭކަލުންެކުރެ ކޮންމެ ބޭކަލަކަށް ވީއްލަވައިފައިތިބޭ ހަނގުބޭކަލުންގެ ދެމީހުންނަށް އޮންނަހަނޑޫ މިއީ އެބޭކަލުން އަންގަވާ ކަމެއްކުރާން ތިބޭ ދެމީހުނެވެ މި މީހުނަށް ހަނގުކަމުގެ ތަކެތި އޮވެފައި ވަރުތެރޭގެ މަސައްކަތެއް ނޯންނާނެއެވެ
އަސުރުދަން
ނ މެންދުރާ ހަވީރާ ދެމެދު
އަސް
ނ (1) މީހުން ސަވާރުވެގެން ދުއްވާން ގެންގުޅޭ މަޝްހޫރު ޖަނަވާރު (2) ފުޅަފުގައި ކެހައެޅުމާއި ފުރާޅު ބަނުންފަދަ ކަންތަކުގައި ދެދަނޑި އެއްކުރާން ވަކިގޮތަކަށް ލައްވައިގެން ބަންނަ ބަނުމެއް (3) އެއްފަށަށް ބާރުކޮށްގެން ބައްދާގޮށް (4) އ އަސްތާ
އަސްކަރު
ނ އައްސުލްޠާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން ރާއްޖެ އިސްލާމު ކުރެއްވުމަށްފަހު ބައެއް ރަށްރަށު މީހުން ނުކިޔަމަންތެރިވެގެން އެކަން ހަމަޖައްސަވާން ހަވަރުގެ ތެރެއިން އެކިބައިމީހުން އެކިރަށްރަށް ފޮނުއްވިއިރު އުތުރުގެ ރަށްރަށަށް ފޮނުއްވި މީހުންެ. އެމީހުން ދިޔަ ރަށްރަށް އެމީހުންނަށް ދެއްވީއެވެ. އަސްކަރުންގެ އޮންނަނީ ދޮށިމޭނާގެ ހަކުރާގެ މާފަތްގެ ވެލާނާގެ ދަހަރާގެ މިފަސްގެއެވެ ފަސްގެ އެކުގައިނަމަ ކިޔަނީ "ފަހޮޅި" އެވެ ވަކިވަކީންނަމަ "ގެ" އެވެ އެހެނިހެން އޮޅިމެދެކޭ އެއްފަދައިން އަސްކަރުންނަށްވެސް މާލޭގައި ކުރަންޖެހޭ ވަކިވަކި ކަންތައްތައް ހުރެއެވެ
އަސްކަރުންގެ ދަނޑި
ނ އަސްކަރުންގެ ކޮންމެ ގެއަކަށް ދެދަނޑި މަގުން އޮންނަ ދިހަ ދަނޑިއާ އަތްތާރަފަނީންގެ އަށްބައިގެ އަށްދަނޑިއާއެކު އަށާރަދަނޑި މިއީ ކުދި މުސްކުޅީންނަށް ދެއްވާ އަށާރަ ދަނޑިއެވެ
އަސްކެނި
ނ ފުރާޅުގެ އެންމެ ތިރީކައިރި
އަސްކެނިދަނޑި
ނ ފަންފުރާޅުގެ އެންމެ ތިރިއަށް އޮންނަ ކެހަ
އަސްމަސް
ނ ތޮށިބުޑުގައި ނުވަތަ ގައު ގިނަ ތަންތަނުގައި )މޫދުގައި( އުޅޭ މަހެއް މީގެ ބޯ އެންމެ ވައްތަރުވާނީ އަހުގެ ބޮލާއެވެ ފަހަތުކޮޅު އޮންނާނީ ހިމަކޮށެވެ
އަސްދޫނި
ނ ވަރުގަދަ ތުންގަނޑެއް އޮންނަ ކިލާފެނާ ދޯޅުކަން ބޮޑު އޭގެ މަސްކާ ދޫންޏެއް މީގެ ސިފަ އެންމެ ވައްތަރުވާނީ ރޭރާއެވެ މީގެ ވަރަށް ގިނަ ބާވަތް ހުރެއެވެ
އަސްލު
ނ އެއްޗެއް ނުވަތަ ކަމެއް އުފެދުމުގެ މައިގަނޑު