radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
ތާރުކުހަކުރު
ނ ތާރުކު ރާއިން ކައްކާ ހަކުރު
ތާޅަފިލި
ނ (1) މިއުޒިކު ކުޅޭއިރު އަނގައިން ފުމޭ ގޮތަށް ހަދައިފައި ހުންނަ އާލަތެއް (2) ކަރަންޓްގެ ބާރުން )ސައުންޑް ވޭވްސްގެ ބާރުން( އަންނައަޑު ގަދަކުރުމަށް ޓަކައި ހަދައިފައި ހުންނަ އެއްޗެއް މިހުންނާނީ އެއްކޮޅަށް ހިމަކޮށް އަނެއްކޮޅަށް ފުޅާކޮށެވެ (3) ގިޔާމަތްވާންވުމުން އިސްރާފީލުގެފާނު ފުމެލައްވާ އަޑުގަދަ އެއްޗެއް
ތާޅަފިލީގެއަޑު
ނ (1) ޤިޔާމަތްވާންވީމާ ފުންމަވާ ތާޅަފިލީގެއަޑު (2) ތާލަފިއްޔެއް ފުމުނީމާ އެއިންއިވޭއަޑު
ތާއްޔާޖެހުން
މ ކޮޅަށްއިންދައި ނުވަތަ ކޮޅަށްހުއްޓައި ނިދިޖެހިގެން ކޮންމެވެސް ފަރާތަކަށް ބޯވެއްޓުން
ތާފަތް
ނ (1) މަސްމަހާމެހީގެ ބޮލުގެ ދެފަރާތުގައި ހުންނަފަތްގަނޑު މިއީފެނުގެތެރެއިން ބޭނުންވާ އޮކްސިޖަން ލިބިގަތުމަށް ޙަރަކާތްކުރާއެއްޗެވެ (2) ރުއްރުކުގައި ގަންނައެއްޗެހީގެ ތަނޑު އެއެއްޗަކާގުޅިފައިވާބައި
ތާސް
ނ (1) އެއްޗެހި ތެލުލުމަށާއި ކެއްކުމަށް މައުދަނުން ހަދައިފައިހުންނަ އެއްޗެއް. މިހުންނަނީ އަނގަމަތި ފުޅާކޮށް އެތެރެ ތިލަކޮށް ދެއުޅައްލައިފައެވެ (2) ތާސްބައިން ކުޅޭ ކުޅިވަރެއް
ތާސްބައި
ނ ހަތަރު ރަނގައިން ހަތަރުބައި އެކުލެވޭ ގޮތަށް ހަދައިފައި ހުންނަކާޑުތަކެއް މިއިން ތަފާތު ކުޅިވަރުތައް ކުޅެއެވެ މިސާލު: )ހ( ތާސްކުޅުން )ށ( ޑިގުކުޅުން )ނ( ދަށުންދަމާކުޅުން
ތާސްކުޅުން
މ ތާސްބައިންކުޅޭ ކުޅިވަރެއްކުޅުން
ތާޑީ
ނ ތާރުކުގެ ރާއިންހަދާ މަސްތުވާ ދިޔާއެއްޗެއް
ތިނެއް
ނ (1) ގުނުމުގެ ތިންވަނަ ޢަދަދު (2) ހިސާބުގެ އަކުރުގެ ތެރެއިން ތިންވަނަ އަކުރު (3) ދޭކާ ހަތަރަކާ ދެމެދުގެ އަދަދު
ތިނޯސްހުއި
ނ )ގ.( (1) ދަނޑުމަތީގައި ހުންނަ ވަރަށް ފަތްކުދި ވިނައެއް. މީގެ ފަތްތައް ހުންނާނީ ހަރުކޮށް ތޫނުކޮށެވެ. ފައިން އެރުނީމާ ތަދުވާގޮތް ހުންނާނެއެވެ. (2) މޫދުގައިއުޅޭ ވަށްކޮށް ތިނޯސް ތަކެއްނުކުމެފައި ހުންނަގޮތަށް ހުންނަ އެއްޗެއް މިއަށް ފައިންއެރުނީމާ ފަޔަށް ހެރޭނެއެވެ ބިންދަ ބިންދައިގެންވެސް ދާނެއެވެ ހެރިފައި އެތިކޮޅެއް ހުރެއްޖެނަމަ ވަރަށް ރިއްސާނެއެވެ އެނެގުމަށްފަހު ކަމަކަށްނުވެ ރަނގަޅުވެއެވެ މިއަށް ތިނޯސް ބެރުވެސް ކިޔައެވެ
ތިންމަހުރޯދަހިފުން
މ ރަޖަބުމަހާއި ޝަޢުބާންމަހު ގިނައިން ރޯދަހިފުން
ތިންމުގޯލި
ނ ވަކިދުރުމިނެއްގައި ތިންމުގޯލި އަޅައިގެން ފިލާގަނޑަކާއި ޓެނިސް ބޯޅައަކުން ކުޅޭ ކުޅިވަރެއް. މިކުޅިވަރު ކުޅޭއިރު ބައެއްގައިތިބޭ މީހުންގެ ވަކިޢަދަދެއް ކަނޑައެޅިފައެއްނޯވެއެވެ. ކުޅޭގޮތަކީ ބޯޅައެއްލީމާ ފިލާގަނޑުންޖަހައި ބޯޅަދުއްވައިލުމާއެކު އަރާ މުގޯއްޔަށް ނުވަތަ ކޮޅުމުގޯއްޔަށް ދުވެއަންނަނީއެވެ. މިގޮތަށް ދުވަނިކޮށް މުގޯއްޔަށް ނޭރެނީސް ކުޅުންތެރިޔާގައިގައި ނުވަތަ އަރަންދާ މުގޯލިތެރޭގައި ބޯޅައިން ޖަހައިފިނަމަ ކުޅުންތެރިޔާ ނުބައިވީއެވެ. ކުޅުންތެރިޔާ ޖަހާބޯޅަ ހިފައިފިނަމަ މުޅިބައި ނުބައިވީއެވެ
ތިންފުޅިދުމާދިއުން
މ އިހުގައި ކޮންމެރެޔަކު ނުވައެއްޖެހީމާ ގަނޑުވަރުތެރެއިން މުޖުމަރާއަކަށް އަލިފާނާއިދުމާ އަޅައިގެން ކުދިބޭކަލަކު އެމުޖުމަރާ ހިފައިގެން މެދުޒިޔާރަތްދޮށަށް ދުޢާވެރިކަން ކިޔެވުމަށް ގެންދިއުން
ތިންދަނޑިއާއެއްލުން
މ ސަމާގައި ކުޅިޖަހާއިރު ކުރާކަމެއް މިކަންކުރާގޮތަކީ ހަތަރުމީހުން ހަތަރު އޮނު ހިފައިގެން ތިބެ އޭގެތެރެއިން އެކަކު އަނެއްތިން މީހުނާ ހަމަލާދިނުމެވެ
ތިންތިކިބައިނާ
ނ )ސ ( ފޭލިވިޔާއިރު ކޮޅުމަތީގައި ކަސަބާއި ފަށުއިން ޖަހާބައިނުގެ ވައްތަރެއް
ތިރީބުރި
ނ (1) އެތައް ބުރިއަކަށް މައްޗަށް އިމާރާތް ކޮށްފައިވާ ތަންތަނުގެ ހަމަބިމާ ހިސާބުގައި ހުންނަބައި (2) ހެދުމާއި އިންސާނުންގެ ހަށިގަނޑުގެ އުނަގަނޑުން ތިރީބައި (3) ތިރީބައި
ތިއަރީ
ނ (1) އެއްޗެއް އަނެކައްޗަކާ ގުޅޭގޮތް މަޢުލޫމާތުން ދައްކާދެއްކުން (2) ޤަބޫލުކުރާގޮތް (3) ސިޔާސަތު (4) ކަމަކަށް އަމަލު ކުރަންޖެހިފައިވާ ގޮތް (5) ކަމެއް ހިނގާގޮތުގެ އަސްލު ސައިންސް ވެރިން ކިޔައިދީފައިވާގޮތް (6) ބަޙުޘެއް ކުރުމަށްޓަކައި ހިފަހައްޓާ އުޞޫލު (7) ޚިޔާލަށް ކަމެއް ވިސްނިފައި އޮންނަގޮތް
ތިލަފިހިގެ
ނ (1) ތިލަފިހީގެ މަސައްކަތްކުރާގެ (2) ތިލޭރު އަތްކަންކުރަން އިންނަގެ
ތުނޑުމަތިހިފުން
މ އަރުމާޒުގައި ވަޑައިގަންނަވާއިރު ރަދުން އިންނަވާ އޮޑިކޮޅުގައި ކަނޑިއައްޑަނަ ހިފައިގެން ނުވަތަ ބޮންތިއާއި އައްޑަނަ ހިފައިގެން އެކަކުއެކަނި ޖަހާކުޅިއެއް