radheef.info
ރަދީފު


ދަށުންދަމާ
ނ ތާސްބައިންކުޅޭ ކުޅިވަރެއް
ދަށްބޫރަ
ނ ތޫނުކޮށްގެން ގެންގުޅޭ ތަކެތި ކޮށިވުމުން އެތަކެއްޗާމެދު ބުނާގޮތެއް މިސާލު: މިހީވަނީ ކޮށިދަށް ބޫރައެއް ހެންނެވެ
ދަށްކިބާކެޔޮޅު މޮޅުވާނެ
)މުސްކުޅިބަހެއް( ފަސޭހައިން ކަންތައްކުރެވޭ ގޮތަށް ހުންނަ މީހާއަށް އެހެން މީހުންނަށްވުރެ ރަނގަޅަށް ކަންތައް ކުރެވޭނެކަން ދެއްކުމުގެ ގޮތުން ބުނެއުޅޭ ބަހެއް
ދަނބާ
ނ މަހެއްގެނަން މިއީ ފަޅުފަޅާއި ތިލަހިސާބުގައި ގިނަޢަދަދަކަށް އުޅޭމަހެކެވެ މިމަހުގެ ޅަދުވަސްވަރު މަސްހުންނަ ގޮތް ބޮޑެތިވީވީހެން ބަދަލުވެއެވެ މިމަހުގެ ކުލަޔަކީ މުށިކުލައެވެ މަހުގެ ބަނޑުދަށް ފަރާތުގައި ފަނޑުމުށި ކުލައެއްހުރެއެވެ ތުނބުންފެށިގެން ލޮލުގެ މަތީބަޔަށް ދެމިފައި ހުންނަ ނޫކުލައިގެ ރޮނގެއްހުރެއެވެ
ދަނބި
ނއ އަންހެންދަރިފުޅާއިން ނުވަތަ އިނދެގެންއުޅޭ
ދަނބިދަރިފުޅު
ނ އަންހެން ދަރިފުޅާ އިން ނުވަތަ އިނދެގެންއުޅޭ މީހާ
ދަނގެތީމީހުންރޯދަވީއްލުން
)މިސާލުބަހެއް( ކައިނިމިގެން ފައިބާއިރު މުޅިސުފުރާ މައްޗަށް ކާއެއްޗެހި އެޅިފައިހުރުމުން ބުނެއުޅޭ ބަހެއް މިސާލު: މިތަންހީވަނީ ދަނގެތީ މީހުން ރޯދަވީއްލައިފައި އޮތްހެނެވެ
ދަނޑިޔަށްދިޔުން
މ ލެއްކުޅޭއިރު މައިދަނޑިއަށް އެރުން
ދަނޑިޖެހުން
މ ވަކިވަރަކަށް ބުރިކޮށްފައިހުންނަ ދަނޑިކޮޅުތައް ބޭނުންކޮށްގެން ކުޅޭ ކުޅިވަރެއްކުޅުން މީގެތެރޭގައި މަންގަލަން ދަނޑިއާއި މަލިކު ދަނޑިފަދަ ކުޅިވަރުތައް ހިމެނެއެވެ
ދަނޑުބިން
ނ ދަނޑުގޮވާންކޮށް އުޅޭ ބިން
ދަނޑުބުޅި
ނ (1) )ޅ ( ދަނޑު އަލިކޮށްފައި ފަސްގަނޑު ޖަހަން އަޅާ މަށަންދައްޗެއް (2) މ ދަނޑު ކޮށައިގެން ދަނޑަށް ގޮވާންލުމަށްފަހު ދަނޑުގައި އަޅަން ގެންގުޅޭ ވައްތަރެއްގެ މަށަންދައްޗެއް
ދަނޑުބުޅިއެޅުން
މ (1) ދަނޑު އަލިކޮށްފައި ފަސްގަނޑު ޖަހަން އަޅާ މަށަންދަތި އެޅުން (2) ދަނޑަށް ގޮވާންލުމަށްފަހު ދަނޑުގައި އަޅަން ގެންގުޅޭ ވައްތަރެއްގެ މަށަންދައްޗެއް އެޅުން
ދަންބެރަށްވުރެ ތަގުޑި ދިގުވުން
މ )މިސާލުބަހެއް( (1) އެއްޗެއް ބުނަންވެގެން އުޅޭއިރު އެއެއްޗެއް ބުނުމަށްޓަކައިދައްކާ އެހެން ވާހަކަތައް ގިނަވުން (2) ކަމެއް ކުރުމުގައި މައިގަނޑު މަސައްކަތަށްވުރެ އެކަމާގުޅޭ އެހެނިހެން ކުދިކުދި ކަންތައްތަކަށް މާގިނަވަގުތު ނަގައިލުން
ދަންމާނުފޫޅުގަނޑު
ނ ރިޔަލުގެ އޮޑިމަތީ ކުރަތްވާއި ގުޅޭތާނގައި ދަންމާނުޖަހަން ހުންނަ މަޅިގަނޑު
ދަންފުޅި
ނ އިހުގައި ވަގުތުބެލުމަށް ގެންގުޅޭ ސާއަތްފުޅި. މިއީ މެދަށްވަރަށް ހިމަކޮށް ދެކޮޅަށް ފަލަކޮށް ހުންނަ ފުޅިއެކެވެ. މިފުޅިހުންނާނީ އެއްކޮޅުގައި ހުންނަ ހިލަވެލި ފުޅީގެ މެދުގައި ހުންނަކުޑަކުޑަ ލޯވަޅަކުން އަނެއްކޮޅަށް ފައިބާ ގޮތަށެވެ މިފުޅީގެ އެއްކޮޅުގައި ހުންނަވެލި އަނެއްކޮޅަށް ފައިބައި ނިމޭނީ އެއްގަޑިއިރުންނެވެ
ދަންތުރަ
ނ (1) އެއްގަމުގައިއުޅޭ ބައެއްކަހަލަ ދިރޭއެއްޗެހި ހިފުމަށްޓަކައި ޖަހާމަޅިއެއް މިމަޅިވަރަށް ގިނަގޮތްގޮތަށް ޖަހައެވެ (2) މަޖާޒު: މީހަކަށް ކެއްސެއް ދިނުމަށްޓަކައި ރާވާ ރޭވުން
ދަރަ
ނ ވަބާއާއި ރޯގާއާ ގުޅޭ ޚިޔާލީ ފުރޭތައެއް
ދަރަނަ
ނ (1) ތަނަކަށް ނިސްބަތްވާ ހުރިހާ ތަކެތި (2) ޢިމާރާތާގުޅޭ ހުރިހާ ތަނެއް
ދަރަނިބޯ
ނ މަޖާޒު: ދަރަނިވެރިންނަށް މަލާމާތަށް ނުވަތަ ސަމާސާއަށް ކިޔައިއުޅޭނަމެއް
ދަރަނިފޮތް
ނ (1) ދަރަނީގެ ހިސާބު ޖަހައިގެން ގެންގުޅޭ ފޮތެއް (2) ލޭންދޭނު ފޮތް