radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ފުޅަށް
ނ (1) އިންވަކި ކުރުމަށްޓަކައި ނުވަތަ ތަނެއް ނިވާކުރުމަށްޓަކައި ދަނޑިފަނުން ހަދައިފައި ހުންނަ ހުރަސް (2) އިން ވަކިކުރުމަށްޓަކައި ދަނޑިން ނުވަތަ އޮށިފަދަ އެއްޗަކުން ގަތާފައި ހުންނަ ހުރަސް
ފުޅައްމަތިން އެރުން
މ (1) ގޭގޭގެ ފާރުމަތިން ނުވަތަ ފުޅަށްމަތިން އަރައިގެން ގޭގެއަށް ވަނުން (2) މަޖާޒު: މާ ބާރަށް ދޮރޯށި ޖަހައިފައި ވަނީމާ ބުނެ އުޅޭ ބަހެއް
ފުޅަފަތި
ނ އޮނުން ނުވަތަ ރުކުފަތިން ހަދާ އިލި ނުވަތަ ކަށި. މިއީ ބިތުގެ ބައްޅި ޖެހުމަށް ބޭނުންކުރާ ފަހަތުކޮޅުގައި ފަގައެއްލައިފައި ހުންނަ އެއްޗެކެވެ
ފުޅަލި
ނ ގޯއްޗަށް ނުވަތަ ގިފިއްޔަށް ވަންނަ ދޮރުގައި ދަނޑި ފަނުން ހަދައިފައި ހުންނަ ދޮރުފަތް މިބާވަތުގެ ދޮރުފަތުގައި ޓިނު ނުވަތަ ގޯނިވެސް ޖަހައިފައި ހުރެއެވެ
ފެންވަރުކުރުން
މ މޮޅު ދެރަމިނުން ނުވަތަ ކުޑަ ބޮޑުމިނުން ބައިބައި އެޅުން ނުވަތަ އެތުރުން
ފެންވަރުއެނގުން
މ މަޖާޒު: މީހެއްގެ ނުވަތަ އެއްޗެއްގެ ނުވަތަ ތަނެއްގެ ގޮތް އެނގުން
ފެންވަޅު
ނ ފެން ބޭނުން ކުރުމަށްޓަކައި ބިންގަނޑު ކޮނެ ފެނުތެރޭގައި ބައެއް ހުންނާނޭހެން ރާނައިފައި ނުވަތަ އެނޫންވެސް ގޮތަކަށް ތައްޔާރުކޮށްފައި ހުންނަތަން
ފެންވެރުވުން
މ އިންސާނުން ނުވަތަ ޙައިވާނުންގެ ގަޔަށް އޮހިގެންދާ ގޮތަށް ފެން އަޅައި ދޮއްވުން
ފެންމަތި
ނ ކަނޑާއި ފެންފެންގަނޑުގެ މަތި ނުވަތަ ސަޠުޙު
ފެންމަތިއަނދިރިވުން
މ އުޑުމައްޗަށް އަންނަ ބަނަކަމެއްގެ ސަބަބުން ނުވަތަ އިރު އޮއްސުމުގެ ސަބަބުން ދުނިޔެމަތި އަނދިރިވުން މިއީ ކަނޑު ދަތުރުކުރުމުގައި ބޭނުންކުރާ ބަހެކެވެ
ފެންމަތިވުން
މ (1) އިރު ހަނދާއި ތަރިތައް އެރުން ނުވަތަ އުދަވުން (2) އެއްޗެހި ފޯވެގެން ފެންގަނޑުގެ މައްޗަށް އެރުން
ފެންމޯޓަރު
ނ ތާނގީއަކުން ނުވަތަ ވަޅަކުން ނަމަވެސް ފެންނަގައިދީ ބޭނުންވާ ތަނަކަށް ހޮޅީގެ ތެރެއިން ފެންފޮނުވާލަދޭ ގޮތަށް ހަދައިފައި ހުންނަ ކަރަންޓުން ހިންގައިދޭ އެއްޗެއް
ފެންފަށް
ނ ފާރެއްގައި ޖެހިފައި ފުރާޅު ހުންނަ ތަންތާގެ ފާރުގައި ޖެހިގެން ފައިބާ ފެން އެތެރެއަށް ދިޔަނުދިނުމަށްޓަކައި ފާރާ ގުޅައިގެން ޓިނުގެ މަތީގައި އަޅާ އުވަފަށް ނުވަތަ ސިމެންތިފަށް
ފެންފައިވާން
ނ ފެނުގައި ހިނގުމަށްޓަކައި ނައިލޯނު ނުވަތަ ރަބަރު ނުވަތަ ޕްލާސްޓިކު ފަދަ ތަކެތިން ހަދައިފައި ހުންނަ ވަދުޖެހިފައިވާން
ފެންފިހި
ނ ތަޅުންގަނޑު ސާފުކުރުމަށް ފެންފޮތި ލުމުގެ ބަދަލުގައި ބޭނުން ކުރަން ގެންގުޅޭ އެއްޗެއް މިއޮންނާނީ ދަނޑިއެއްގެ ކޮޅުގައި ފޮތިގަނޑެއް ނުވަތަ އެފަދަ އެއްޗެއް އައްސައިފައެވެ
ފެންފިހިލުން
މ (1) ފިހިގަނޑެއް ތެންމައިގެން ތަޅުންގަނޑު ސާފުކުރުން (2) މަޖާޒު: ތަނެއްގައި އެންމެދަށް ނުވަތަ ކަމަކަށްނުވާ ކަހަލަ ކަންތައް ކުރަން އުޅޭމީހުނާމެދު ބުނެއުޅޭ ބަހެއް މިސާލު: އެއީ އެތާ ފެންފިހިލާންއުޅޭ މީހެކެވެ
ފޮތިގަނޑުދެމުން
މ (1) ތަނެއް ނިވާކުރުމަށް އެތަނެއްގައި ފޮތިގަނޑެއް ހަރުކުރުން ނުވަތަ އެލުވުން (2) ފޮތިގަނޑު ކަހައިލުމުގެ އިދިކޮޅު
ފޮތް
ނ (1) ޚަތިމުގެ ތިރީސް ފޮތުގެ ތެރެއިން ފޮތެއް (2) ލިޔެފައި ނުވަތަ ނުލިޔެ ހީރަސްޖަހާފައިވާ ކަރުދާހުގެ ފަތްފުށްތަކެއްގެ ބައެއް (3) ބާވައިލެއްވުނު ފޮތްފޮތް
ފޮސްގަނޑު
ނ )ހ.( (1) ފޮސް ލަކުޑި. (2) އެއްވެސް އާރެއް ނުވަތަ ހަރުކަމެއް ނެތް ލަކުޑި (3) މަޖާޒު: ފަލަވެގެން ހެލިފެލިވުން އުނދަގޫ ކަންނެތް މީހާ
ފޮޑިޖެހުން
މ ފުރަގަސް ފަރާތު ދޮރުން ވައިބޭރުވުން ނުވަތަ ކުރުން