radheef.info
ރަދީފު


ނުން
އ (ޏ، ސ) (1) ނޫނޭ (2) ނޫންތަ؟
ފަތްބޯ
ނއ (1) ފަތްގިނަ (2) މަސްތުވާފަތް ބޭނުން ކުރާ (3) މަޖާޒު: ބޮލުގެ އިސްތަށިގިނަ
ފަތްކެޔޮ
ނ ދޮންނުވާއިރު ފަލަމަޑީގެ ގޮތުގައި ބޭނުންކުރާ ދޮންވުމުން މޭވާއެއްގެ ގޮތުގައި ބޭނުންކުރާ އެއްޗެއް. މިސާލު: ބޮންތިރަތްކެޔޮ. ސަންޕާކެޔޮ ފުސްކެޔޮ މާޅޮސްކެޔޮ ބޮޑުކެޔޮ އޮށިކެޔޮ ރަތްކެޔޮ ކަނދިލިކެޔޮ ސުވާސާކެޔޮ ފުސްމާޅޮސްކެޔޮ
ފަތްމިނި
ނ (1) އަންހެންވަންތަ ސިފަތަކުން އެންމެ ފުރިހަމަ އަންހެނުންނަށް ކިޔާނަމެއް. (2) ޖަޑަޔަށްވުރެ ކުދި ޖަޑާޔާ ވައްތަރު ހަތަރު ފިޔަލީ ސޫތްޕެއް
ފަތްދިޔަ
ނ އަހިމުލުން ތައްޔާރުކުރާ ދިޔައެއް. މިއީ ފޭލިފަދަ ތަކެތި ވިއުމަށްޓަކައި އުއިގައި ކުލަޖެއްސުމަށް ބޭނުންކުރާ އެއްޗެކެވެ
ފަތްސިލުނބުފުޅު ވަތްކުރުން
މ ދުންފަތް އެޅުން މިބަސް މިގޮތަށް ބޭނުން ކުރަނީ އާދައިގެ މީހަކު ބޭފުޅަކަށް ފަތްސިލުނބުފުޅު ވަތް ކުރާނަމައެވެ
ފަލަ
ނއ (1) ރޫފަރަނގަޅު (2) ވަށަމިނުން އިތުރު (3) ހިމައިގެ އިދިކޮޅު
ފަލަކުރުން
މ (1) ރޫފަ ރަނގަޅުކުރުން (2) ވަށަމިނުން ބޮޑުކުރުން
ފަލަވުން
މ (1) ރޫފަރަނގަޅުވުން (2) ވަށަމިނުން އިތުރުވުން (3) )ސ ( ބިސްފީވެ ފިޔޮއްވުން
ފަލިފެނުގައިއެޅުން
މ ފަލިވަޅުގެ ހަމައިން ނެއްޓިގެން ފަލިދޫ ފެންގަޑުގެ ތެރެއަށް ވަނުން
ފަލްސަފާ
ނ (1) ބުއްދިވެރިކަމުގެ ޢިލްމު. (2) ކަމެއްގެ ބޭނުން ޢާންމު ވިސްނުމަށް ޤަބޫލު ކުރެވޭ ގޮތަށް ވިސްނައިދީފައިވާ ވިސްނައިދިނުން (3) ބައެއް ނުވަތަ ޖަމާޢަތެއްގެ މީހުންގެ ވިސްނުން ހުންނަގޮތް (4) ކަންކަމާމެދު ބުއްދި ޤަބޫލުކުރާގޮތަށް ދައްކައިފައިވާ ހަމަ
ފަސިންޖަރު
ނ (1) ދަތުރު ފަތުރުކޮށް އުޅޭ އުޅަނދެއްގައި އެއްތަނުން އަނެއްތަނަށް ދިއުމަށް ދަތުރުކުރާމީހާ (2) ފާސިންޖޯރު
ފަސޭހަކުރުން
މ (1) ބައްޔަކަށް ފަރުވާކޮށް ރަނގަޅުކުރުން )ގަދަކުރުން ( (2) އަތްގާތް ކޮށްދިނުން (3) އުނދަގުލާ ދަތިތައް ފިލުވުން
ފަސްހަނގުރާމަބެލުން
މ (1) ހަނގުރާމަ ކުރާމީހާގެ ބުރިކަށި ހިމާޔަތް ކޮށްދިނުން (2) ހަނގުރާމަ ކުރާލަޝްކަރުގެ ފަހަތުން ބަޔަކު ހަމަލައެއް ދޭތޯ ބެލެހެއްޓުން (3) މަޖާޒު: ކަމެއް ނުވަތަ ތަނެއް ބޮއްސުންލިޔަ ނުދީ ހުރިހާކަމެއް ބެލެހެއްޓުން
ފަސްރުކުން
ނ އިސްލާމްދީން ބިނާވެފައިވާ ފަސްމައިގަނޑު އެއީ )ހ( ޝަހާދަތުގެ ދެކަލިމަ ދުލުން ކިޔުން )ށ( ނަމާދު ކުރުން )ނ( ޒަކާތް ދިނުން )ރ( ރަމަޟާންމަހު ރޯދަހިފުން )ބ( ކުޅަދާނަކަން ލިބިގެންވާ މީހާ ޙައްޖުވުން
ފަސްބެލުން
މ (1) ފަހަތަށް އެނބުރި ބެލުން (2) ވެދިޔަ ތަނާމެދު ވިސްނުން
ފަސްކުޅި
ނ އިހުގައި ވިހައިގެން އުޅޭ އަންހެނުންނަށް ވިހެއުމުގެ ކަންތައް ހަމަޖެހުމަށްފަހު ދޭ އެއްޗެއް. މިއީ ބިލެތާއި ފޯކާއި ކަރަންފުލާއި ހުންޏާއި ފޮނިތޮއްޓާއި ކާފޫރުތޮޅި އާއި ބުން ބިލެތްގަނޑެއްގެ ތެރެއަށްލައި ބޮނޑިކޮށްލައިފައި ވިހައިގެން އޮންނަ މީހާގެ އަނގަޔަށް ލަވާ ބިލެއްގަނޑެކެވެ
ފަސްއޮށް
ނ (1) ފަސްއޮށުން ކުޅޭ ކުޅިވަރެއް މިކުޅިވަރު ކުޅުމަށް ބޭނުންކުރާ އޮށްތައް ޢާއްމުކޮށް ހަދައިފައި ހުންނަނީ ބިއްލޫރިންނެވެ (2) ފަސްއޮށް ކުޅެން ގެންގުޅޭ އޮށްތަކުގެ ތެރެއިން އޮށެއް
ފަސްއޮބުން
މ ފަހަތަށް ގޮސް ލޮލަށް ނުފެނުން
ފަސްމައިގަނޑުވިޔަ
ނ ހިސާބު ހެދުމުގައި ބޭނުންކުރާ ގޮތަކަށް ކިޔާނަމެއް. މިސާލު: ހަތަރު މީހަކަށް ހަތަރު ދުވަހަކުން ދުއިސައްތަ ރުފިޔާ ލިބޭނަމަ ފަސްމީހަކަށް ދެދުވަހުން ލިބޭނީ ކިހާވަރެއްތޯ ބަލަން ކުރާ ހިސާބު
ފަސްމުގުލުގައިހުރުން
މ (1) މުގުލުގެ އެންމެ ފަހަތުކޮޅުގައި ހުރުން (2) މަޖާޒު: ކަމެއްގެ އެންމެ އިސްމީހެއްގެ ގޮތުގައި ހުރެގެން ބާރުދިނުން