radheef.info
ރަދީފު


ލުން
މ (1) އެއްޗެއްގެ ތެރެއަށް އެއްޗެއް ވެއްދުން ނުވަތަ އެއްޗެއްގެ ތެރެއަށް އެއްޗެއް ވައްޓައިލުން (2) ވަކިކަހަލަ މަސައްކަތެއް ކުރުމަށް ބުނެއުޅޭ ގޮތެއް މިސާލު: )ހ( ކަރަންޓުލުން )ށ( ފާޚާނާލުން )ނ( ބޯފެންލުން )ރ( ފަންގިލުން )ބ( ދަވާދުލުން (3) ގަޔަށްމެހުން މިސާލު: )ހ( ގަމީސްލުން )ށ( ގަންޖުފަރާސްލުން (4) ބައެއްކަހަލަ ކަންތައް ކުރުމުގެ މާނައިގައި ބުނެއުޅޭ ގޮތެއް މިސާލު: )ހ( ދޫލުން )ށ( ތަޅުލުން )ނ( އަޑުލުން (5) މަޖާޒު: ޖިމާޢުވުން
ގައިމުކޮށްލުން
މ (1) ޔަޤީންކޮށްލުން (2) ކަށަވަރުކޮށްލުން
ގައިދޮއްވުން
މ ބޮލަށް ފެންނާޅައި ކުޑަގޮތަކަށް ހަށިގަނޑު ދޮވެލުން
ގައުން
ނ ލައިގެން ހުންނަ ހެދުމުގެ މަތިން ލާން ބޭނުންކުރާ ބާވަތެއްގެ ހެދުމެއް. މީގެތެރޭގައި ނިދާހެދުމުގައި ތިބޭ އަންހެނުން ބޭރަށް ނުކުންނަންވީމާ ވަގުތީގޮތުންލާ ހެދުމާއި އެކިކަންކަމަށް ޚާއްޞަވެފައި ތިބޭ މީހުން )ވަކީލުން ފަނޑިޔާރުން އޮޕަރޭޝަން ތިއޭޓަރުގައި އުޅޭމީހުން( ނާއި ޢިލްމުވެރިން )ޕްރޮފެސަރުން( ބޭނުންކުރާ ބާވަތް ބާވަތުގެ ހެދުން ހިމެނެއެވެ
ގަދަބަ ދަވިކަން ދެއްކުން
މ (1) ނަހަމަގޮތުގައި ބާރުގެ ބޭނުންކުރުން (2) ތިމާގެ ގައިގައި ހުރިބާރުން ތަނެއް ނުވަތަ އެއްޗެއް ހަލާކުކޮށްލުން
ގަދަކޮށްލުން
މ (1) ވަރުގަދަވާނެގޮތްހެދުން (2) ތަނަކަށް ވެރިވެގަނެގެން އުޅުން (3) މަޖާޒު: ބޭނުންވުމާއެކުވެސް ބޭނުންނުވާގޮތް ދައްކައިގެން ކަމެއް ކުރުވުން ނުވަތަ އެއްޗެއް އަތުލުން (4) ތަނަކަށް ވެރިވެގަތުން (5) މާބޮޑަށް ވިއްސާރަކޮށް ވައިގަދަވުން
ގަދަވުން
މ (1) ބަލިން ސަލާމަތްވުން (2) ކުޅޭބައެއް ކުޅިވަރުން މޮޅުވުން (3) ވަރުގަދަވުން (4) ވައިބާރުވުން މިސާލު: ވައިގަދަވުން (5) ކަނޑުބޮޑުވެ ރާޅުތައް އުފުލުން މިސާލު: ކަނޑު ގަދަވުން (6) ބައެއްކަންތައް ހުންނަންވީ ވަރަށްވުރެ މައްޗަށް ދިއުން މިސާލު: )ހ( ރުޅިގަދަވުން )ށ( ހުންގަދަވުން
ގަތްވަޅަށްމިޔަންއައުން
މ )މިސާލުބަހެއް( ކުރިން ތިމާ އުޅެމުން އައި ތަނެއްގެ މަތިން ފޫހިވެގެން އެއަށްވުރެ ރަނގަޅު ވާނެކަމަށް އެހެން ތަނަކަށް ގޮސްފައި އެތަނެއްގައި ނުއުޅެވިގެން ކުރިން އުޅުނު ތަނަށް އަލުން އެނބުރި އައުމުން ބުނެއުޅޭބަހެއް
ގަލަށްކިޔުން
މ ކަނޑު ދަތުރު ކުރާއިރު ކުރިމަތިން އަންނަ ތިލަ ގާގަލުން ނެއްޓޭނޭ ގޮތް ދެއްކުން މިކަން ބެލުމަށްޓަކައި ދިރުނބާ ކޮޅުގައި މީހަކު ހުންނާނެއެވެ
ގަލަސް
ނ (1) )ބދ ( ރަސްކަލުންގެ ރަސްމީ އިއްޒަތުގެ ހެދުންކޮޅުގެ ކޮނޑުމަތީގައި ލާބޮނދި އެލުވައިފައި ހުންނަ ފޮތިކޮޅު (2) )ހ ( ބިއްލޫރިތަށި
ގަސްކެޅަބެލުން
މ )ސ ( ބޯކޮޅު ބެލުން
ގަސްފެޅުން
މ (1) އޮށުން ނުވަތަ މުލުން ނިރު ނުކުތުން (2) ކޯދުއެރުން
ގަސްފޭލި
ނ ރަސްރަނިކަނބަލުންގެ ސަންދޯއްޕުޅު އުފުލާއިރު ކުދި ބޭކަލުންގެ ކޮނޑުމަތީގައި އަޅާފޭލި
ގަޑިޖެއްސުން
މ ގަޑިއަށްގޮސް އެކަމަށް އޮންނަ ފޮތެއްގައި ސޮއިކުރުން ނުވަތަ ފާހަގަލުން
ގަޓައިލުން
މ )ގ ( ގަށައިލުން
ގަޔަށްއަތްލުން
މ އަނެކެއްގެ ނުރުހުމުގައި އޭނާގެ ގައިގައި އަތްލުން
ގަޔަށްއެރުން
މ (1) ގަޔަށް އަތްލުން (2) އަތްފޯރުވުން
ގާންއަތްލުން
މ )ގ ( ގަޔަށް އަތްލުން
ގާއުކުން
މ (1) ގާބުރިބުރިއެއްލުން (2) މަޖާޒު: ވައްބަހުން ޖެހުން
ގާމަތީރަށްރަށް
ނ (1) ރަށުގެ ފަސްގަނޑުގެ ބޮޑުބައި އަކިރިއާއި ގަލުން ހެދިފައިވާ ރަށްރަށް (2) ރަށުގެ ވަށައިގެން ބޮޑުބައެއްގައި ތޮށި އޮންނަ ފަޅުކުޑަ ރަށްރަށް
ގާފޮޅުބަނުން
މ ގާފޮޅު ވަޅުލުން