radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
ފޮނުވުން
މ (1) ރައްދުކުރުން (2) ފުރުވުން (3) އެންގުން (4) ފެތުރުން (5) ނެރުން މިސާލު: ތަނަކަށް ޖަހައިފައި ހުރި މޮހޮރެއް ފަދަ އެއްޗެއް އެއްފަރަތުން ޖަހައި އަނެއް ފަރާތަށް ފޫ އަޅުވާލުން (6) ވެއްދުން
ފޮރުވާލުން
މ (1) ރައްކާކޮށްލުން. (2) ނިވާކޮށްލުން. (3) ފޮރުވުން މިބަސް ލުއިކޮށް ބުނާގޮތް (4) ވަޅެއް ނުވަތަ އަޑިގަނޑެއް ފަދަތަނަކަށް ފަސްއަޅައި މަތިއެއްވަރުކޮށްލުން (5) ސިއްރުކޮށްލުން (6) )ހ ( ފޮހެލުން
ފޮރުވުން
މ (1) ރައްކާކުރުން (2) ނިވާކުރުން (3) ވަޅެއް ނުވަތަ ހަޑިގަނޑެއް ފަދަ ތަނަކަށް ފަސްއަޅާ އެއްވަރުކުރުން (4) ސިއްރުކުރުން
ފޮރޮއްޕާކަށްނެތް
ނ ފޮރުއްޕާކަށްނެތް މިސާލު: އޭނާގެ އުނދަގޫ ބޮޑުކަމުން ކުޅަދާނަ ވަރެއްނޫން ނުވަތަ މިކަމާހުރެ ލާހިކު ވަރެއްނޫން
ފޮޅަފިގަނޑު
ނ (1) ފުޅަފި (2) ވަކި ބޭނުމަކަށް ގެންގުޅޭ ފުޅަފި
ފޮޅިދަނޑިގަނޑު
ނ ފޮޅި ފިހާއިރު ފޮޅިނަގަން ގެންގުޅޭ އެއްޗެއް މި އޮންނާނީ ދޭފަތާ ވައްތަރު ގޮތަކަށް ތަންކޮޅެއް ފުޅާކޮށެވެ މީގެ ކުރީ ކޮޅު ހުންނާނީ ލެބޭ ވަރަށް ތުނިކޮށެވެ
ފޮޅު
ނ (1) އަވިން ނުވަތަ އަލިފާނުގެ ހޫނުކަން ލިބިގެން ގައިގެ ތަން ތަނުން ފެންއަރައި އުފުލިފައި ހުންނަތަންތަން (2) ބައެއް މަސައްކަތް ކުރީމާ ބުވަތަ ބާރު ފައިވާނަކަށް އެރީމާ ހަމުން ފެންއަރައި އުފުލިފައި ހުންނަ ތަންތަން (3) ދެ ފަށް ލާޖަހާއިރު ވަކި ވަރަކަށް ހޫނުގަދަވެގެން ލާބޮކިޖަހާ ވަރުވުމުން ފުއްޕާ ތަންތަން (4) ޖަންބު ފަތުގައި ހުންނަ އުން (5) ހަމުގެ ބައްޔެއް މި ބަލީގައި ގައިގެ ތަންތަން ކޮޅު ފުއްޕާފައި ފެންއެރި ފަހުން ދޮހަށްވެއެވެ
ފޮޅުން
މ (1) މާމަލުގެ ފިޔަތައް ހުޅުވުން. (2) ގޮވާމާއި ހަވާދު ފަދަ ތަކެތީގެ ކުނޑި ފިލުވުމަށް ނުވަތަ އޭގެ އެކިއެކި ބައިބައި ވަކިކުރުމަށް ބަތްޕޮޅި ނުވަތަ ދޮލަނގެއް ފަދަ އެއްޗަކަށް އަޅައިގެން ވަކިގޮތަކަށް ޙަރަކާތްކުރުން (3) ތަނެއްގައި ހުރި ހިރަފުހާއި މަކުނުވާ ފަދަ އެއްޗިހި ފޮތިގަނޑެއް ނުވަތަ އެނޫންވެސް އެއްޗަކުން ތަޅައިގެން ސާފުކުރުން (4) ހަނާކުރާއިރު ގޮވާމުގައި މާޖެހުން (5) ތަންތަނުން ދަވާދު ދަބަރު ފަދަ އެއްޗިހި އުފުލި ކެނޑިކެނޑިގެން ނެއްޓުން (6) އެކިއެކި ގޮތްގޮތް ދިމާވެގެން ގައިގެ ހަން ތޮށިތަކެއްހެން ނެއްޓެމުން ދިއުން (7) ތަނަކަށް އެޅިފައި ނުވަތަ ތަނެއްގައި ހަރުލައިފައި ހުންނަފެން އަތުގެ ނުވަތަ އެނޫންވެސް އެއްޗެއްގެ ޙަރަކާތުން ބުރުވައިލުން (8) ނޭފަތުގައި ހުންނަ އަރިދަފުސް ނެރެ ސާފުކޮށްލުން (9) މަޖާޒު: އުފަލުން ގޮސް މޫނުމަތި އުޖާލެވެގެން ދިއުން
ފޮޅުވައިލުން
މ (1) ހުޅުވައިލުން (2) ނިއުޅައިލުން (3) ވޮލީ ކުޅޭއިރު ބޯޅަ މައްޗަށް ފޮނުވައިލުމަށް އަތުގެ އިނގިލި ތަކަށް ގެންނަ ޙަރަކާތް ގެނައުން (4) ގައިގައި ހިފަހައްޓާފައި ހުރިމީހަކު ގައިން ނައްޓުވައިލުން
ފޮއްތާލިތެޅުން
މ ދިރޭ އެއްޗެއް ނުވަތަ މީހަކު ގަދަކަމުން ތަނަކަށް ގެންދަން ދަމާ ކޫއްތުން
ފޮއްގަސް
ނ ހުތްފޮނި ރަހަލާ މޭވާއެއް އަޅާގަހެއް މި މޭވާގެ ބޭރުތޮށިގަނޑުގައި މަޚްމާ ކަހަލަ ގޮތަކަށް ފުށް ހުރެއެވެ
ފޮއްސިވުން
މ (1) މޫނު ނުވަތަ މުޅި ހަށިގަނޑު ވަކިގޮތަކަށް ދުޅަވެފައި ނުވަތަ ބޯވެފައި ހުރުން
ފޮތި
ނ (1) ފޭރާން. (2) ރޮދިން ވިޔެފައި ހުންނަ އެއްޗެއް. މިއީ ފޭރާމަށާއި އެހެނިހެން ބޭނުންތަކަށް ގެންގުޅޭ އެއްޗެކެވެ. (3) ބޯކިބާ އަނބު ފަޅޯ ފަދަ އެއްޗެހި ކަފައިފައި ހުންނައިރު އެއިން ބައެއް. (4) މަޢުދަނަކުން ނުވަތަ ލަކުޑިން ތުނިކޮށް ވަކި ސައިޒަކަށް ހަދައިފައިވާ އެއްޗެއް. (5) މަޢުދަނަކުން ނުވަތަ ލަކުޑި ފަދަ އެއްޗަކުން ދިގުކޮށް ނުވަތަ ތުނިކޮށް ވަކިކޮށްލެވޭ ބައެއް (6) ބައެއް ތަކެތި ކައްކާ އޮލަވީމާ އޭގެ ތެރެއަށް އުނދުޅިއާއި ދޭފަތް ފަދަ އެއްޗެއްލައިފައި ނެގީމާ އެއިން ފައިބާ އެތިއެތިކޮޅު
ފޮތިވަރު
ނ ފޮއްޗަކަށް ނެގޭ ބައި
ފޮޓޯ
ނ (1) ކެމެރާއިން ނަގައިފައިވާ ކުރެހުމެއް ވަކި ވައްތަރެއްގެ ކަރުދާހަކަށް އަރުވައިދީފައިވާ ގަނޑު (2) ސޫރަ (3) ތަސްވީރު (4) ފޮޓިގިރާފު
ފޯނުފޮށި
ނ ކުރީގައި ފޯނަކާއެކު ބޭނުންކުރި ފޮއްޓެއް މިފޮށީގައި ހުންނަ އަތުން އަނބުރާ ޗާބީއަކަށް އަނބުރަން ފެށުމުން އަނެއްކޮޅުގައި ހުންނަ ފޯނު ރަނގަބީލުވާނެއެވެ
ފޯރިމެރުން
މ ތަނަކަށް ނުވަތަ ކަމަކަށް ފާރަވެރިވެގެން ބެލެހެއްޓުން
ފޯކުރުން
މ (1) ދިޔާ އެއްޗަކަށް އަޅައިގެން އެއްޗެއް މަޑުކުރުން (2) ތެންމާލުން
ފޯމު
ނ (1) އެކިކަންކަމަށް އެދޭ މީހުންނާއި އެކި ތަންތަނަށް ވަންނަ މީހުންނާބެހޭ މަޢުލޫމާތު ލިޔާގޮތަށް ހުސްތަންތަން ދޫކޮށްފައި އޮންނަ ލިޔުމެއް ނުވަތަ ކަރުދާހެއް (2) ޘާނަވީ ކިލާސްތަކަށް ކިޔައި އުޅުނު ނަމެއް (3) ކިޔަވާ ކުދީންނަށް އިމްތިޙާނު ނިމިގެން ދޭނަތީޖާއާއި ފެންވަރު އަންގައިދޭ ކަރުދާސް
ފޯލިއެޅުން
މ ރިޔަނެއްގެ ދިގުމިނުގައި ފަރާތަކަށް ބާރަ ނުވަތަ ސޯޅަފަށް ވާގޮތަށް ރޯނުފަށް އޮޅުން