radheef.info
ރަދީފު


ނުން
އ (ޏ، ސ) (1) ނޫނޭ (2) ނޫންތަ؟
ފައި
ނ (1) އިންސާނުންގެ އުކުޅުވަޅުން ފެށިގެން ތިރިޔަށް ހުންނަބައި. (2) ހަތަރު މޮށްގަނޑު ހުންނަ ޖަނަވާރުގެ ފަހަތު ދެމޮށްގަނޑު. (3) ގޮނޑި މޭޒު ފަދަ އެއްޗެހި ކޮޅަށް ބެހެއްޓުމަށްޓަކައި ހުންނަބައި. (4) ދިޔަހިއްކަން ލަކުޑިން ހަދައިފައި ހުންނަ އެއްޗެއް. (5) )ޏ.ސ( އެހެން އެހެންޏާ. (6) ކަންކުރި ފަރާތް އެއްގޮތްވުމާއެކު އެއްކަމެއް އަނެއްކަމަކާ ގުޅަމުން ގެންދިއުމުގައި ބޭނުންކުރާ އަކުރެއް މިސާލު: ޞާދިޤު އައިސް ވަދެފައި އެހެން ބުނެލައިފައި ހިނގައްޖެއެވެ
ފައިބަރުގުލާސް
ނ (1) ލޯންޗް ފަހަރާއި ބޮޑެތި ތާނގީ ފަދަ އެއްޗެހި ހެދުމަށް ބޭނުންކުރާ ޕްލާސްޓިކް ފަދަ އެއްޗެއް (2) ފައިބަރު ގުލާސް ތެރަސް މިއީ ފައިބަރުން ހަދައިފައި ހުންނަ ތަކެތި މަޑުކުރުމަށް ބޭނުން ކުރާ އެއްޗެކެވެ
ފައިކިޔުން
މ ސުންޕާކަމަށް ބުނުން މިސާލު: ތިޔަގޯއްޗަކީ ފައި ކިޔާފައި އޮންނަ ގޯއްޗެކެވެ ތިޔަތާކު މީހަކަށް ނުއުޅެވޭނެއެވެ
ފައިއުރަ
ނ އަންހެނުން ނަމާދު ކުރާއިރު ފަޔަށް ލައްވަން ގެންގުޅޭ އުރަ
ފައިފަލަބަލި
ނ (1) މަދިރީގެ ސަބަބުން ޖެހޭ ބައްޔެއް (2) ފައިލޭރިޔާ މިބަލި އެންމެ ގިނައީ ދުނިޔޭގެ އެންމެ ހޫނު ގަދަ ތަންތާނގައެވެ މިބަލި ގިނައިން ޖެހެނީ ކަކުލު ހުޅުންތިރިއަށެވެ ބައެއް ފަހަރަށް ފިރިހެނުންގެ ކުރިމަތި ފަރާތަށާއި އަންހެނުންގެ އުރަމައްޗަށާއި އަތަށް މިބަލި ޖެހެއެވެ
ފައިދޮށުފުރޭތަ
ނ ބަޑިބޭސް އަޅައިގެން ތައްޔާރު ކޮށްފައި ހުންނަ މައްޗަށް ނާރާ ހަވާގެ ބާވަތެއް މި ބޭނުން ކުރަނީ ހިތި ވިލޭރޭ ފަދަ ރޭރޭ ކުޅިވަރު ކުޅުމުގެ ތެރޭގައެވެ މި ރޯކޮށްލުމުން ބިންމަތީގައި ގުދުގުދު ލައްވަމުން ދާ ދިޔުމުގައި ކުޅި ބަލަން ތިބޭ މީހުންގެ ފައިދޮށަށް ވަންނާތީ އެނަން ކިޔަނީއެވެ
ފައިލު
ނ ސިޓީއާއި މެސެޖް ފަދަ ލިޔުން ފަހުން ބަލަން ބޭނުން ވުމުން ފަސޭހައިން ފެންނާނެހެން އަމުނާފައި ރައްކާ ކުރެވޭގޮތަށް ހަދައިފައި އޮންނައެތި
ފައިލުކުރުން
މ ސިޓީއާއި މެސެޖްފަދަ ލިޔެ ކިޔުމުގެ ސާމާނު ނުވަތަ ނޫސް ފަދަ ތަކެތި ބޭނުންވުމުން ފަސޭހައިން ފެންނާނެ ގޮތަކަށް އަތުރައި އެ ކައްޗެއްގައި ބެހެއްޓުން
ފައިސާޖެހުން
މ (1) މުދަލާއި ޚިދުމަތުގެ އަގުކުރުމަށް މަޢުދަނުން ސިއްކަ ޖެހުން (2) ނޫޓް ޗާޕުކުރުން
ފައުނު
ނ ރަނުން ޖަހައިފައި ހުންނަ ސިއްކައެއް
ފައްތާލުން
މ (1) ފެންގަނޑެއްގެ އަޑިޔަށް ފޮނުވާލުން (2) މަޖާޒު: އަނެކަކަށް ބޮނޑިއެއް ދިނުން
ފައްތިޔާ ދޯނި
ނ ފައްތިޔަލުގެ ގޮތުގައި ބޭނުންކުރާ ދޯނި
ފައްސައިނަގައިލުން
މ ހިނގައިބިގައި އުޅޭ އެއްޗެއް ދިޔަނުދިޔަ ތަނެއް ނޭގޭ ހިސާބަށް ޙަރަކާތެއްގެ ބޭނުންކޮށްގެން ދުރަށް ފޮނުވައިލުން
ފައްޓަރުބައި
ނ އަންހެނުން ކަރުގައި އަޅަން ރަންރިހިން ނުވަތަ ލޮއިން ހަދައިފައި ހުންނަ ގަހަނާއެއް. މި އެކުލެވިގެންވަނީ ފަށްތަކަކާއި ދެމައްސާއި ފޮތިތަކަކާއި ބޮޑު ފޮއްޗަކުންނެވެ
ފަވާތަކެތި
ނ އިހުގައި ކުލަޖެއްސުމަށް ބޭނުންކުރާ އެއްޗެހި މިސާލު: އުޅުނބު ދިޔަ ފަތްފަތުގެ ދިޔަ
ފަތަށްއެރުން
މ (1) ލިސްޓެއްގައި ނުވަތަ ރަޖިސްޓްރީއެއްގައި ނަން ލިޔެވުން. (2) ޅެން ކިޔާ މީހުންގެ ތެރެއަށް ނުވަތަ ޒިކުރު ކިޔާ މީހުންގެ ތެރެއަށް އާދައެއް ކަމަށް ދޭންވާ އެއްޗެއް ދީގެން ވަނުން މއިީ އިހުގައި ގަނޑުވަރު ތެރޭގައި ރަސްމީ ގޮތުން ކުރެވޭ ކަމެކެވެ
ފަތަފޮޅި
ނ (1) ހަނޑޫފުށް ނުވަތަ އެހެންވެސް ފުށަކުން ފަތުގައި ޖަހައިގެން ރޮށްޓަށްވުރެ ބޯކޮށް ކުޅިކޮށް ނުވަތަ ފޮނިކޮށް ފިހާ ކާއެއްޗެއް (2) މަޖާޒު: އަންހެނުންގެ ކުރިމަތި ފަރާތް
ފަތަފޮޅިދަށުލީ ފަތްގަނޑު
މަޖާޒު: ބޭނުން ކެނޑުނީމާ އެއްޗެއް އެއްލައިލާ އެއްލައިލުމަށް ބުނެއުޅޭ ބަހެއް
ފަތުކެއްކިފޮށާ
ނ އަހިގަހުގެ ފަތާއި ތޮއްޓާއި މޫލައިގެން ކައްކައި ކުލަޖައްސައިފައި ހުންނަ ފޮށާ މިއީ އަންނަން ބޭނުންކުރާ އެއްޗެކެވެ
ފަތުވާ
ނ (1) ޝަރުޢީ ނުވަތަ ޤާނޫނީ ޙުކުމް (2) ޝަރުޢީ ގޮތުން ނުވަތަ ޤާނޫނީ ގޮތުން ކަމެއް ހުއްދަކަމަށް ނުވަތަ ހުއްދަނޫން ކަމަށް ބުނާބުނުން