radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ފަލިޖެހުން
މ އޮޑިދޯނިފަހަރު ކުރިޔަށް ނުވަތަ ފަހަތަށް ގެންދިއުމަށްޓަކައި ފެނުގައި ފަލިދޫ އަޅުވައިދެމުން ތަކުރާރުކުރުން
ފަލީތާ
ނ ޑައިނަމައިޓް ފަދަ ގޮއްވާ އެއްޗެހީގައި ރޯކުރަން ހުންނަ ފީތާ ނުވަތަ ނަރު
ފަލީތާލުން
މ (1) ފަލީތާ ހަރުކުރުން ނުވަތަ ގުޅުން (2) މަޖާޒު: ކަމެއް ކުރުމަށްޓަކައި މީހަކާ ނުވަތަ ބަޔަކު މީހުންނާ ގުޅައިގެން އެކަމެއްވޭތޯ ބަލަން އެތަނަކަށް ގިނަގިނައިން ގޮސް އުޅުން (3) ކަމެއް ނުބައި ކުރުމަށް މީހެއްގެ ގާތުގައި ވާހަކަތަކެއް ދައްކައިފައި ނުދެނުހުރި ކަމަށް ހަދައިގެން ހުރުން
ފަލޫދާ
ނ ކިރުސަރުބަތު ނުވަތަ ރޯސްސެރަޕްގެ ތެރެއަށް ހަލުވިދާ ކުދިކޮށް ކޮށައިފައި އަޅައިގެން ހަދާ ފޮނިބުއިމެއް ބައެއް މީހުން މީގެ ތެރެއަށް އިސްބަގުލާއި ފުއްކުދި ސާގުއަޅައެވެ
ފަލްސަފާ
ނ (1) ބުއްދިވެރިކަމުގެ ޢިލްމު. (2) ކަމެއްގެ ބޭނުން ޢާންމު ވިސްނުމަށް ޤަބޫލު ކުރެވޭ ގޮތަށް ވިސްނައިދީފައިވާ ވިސްނައިދިނުން (3) ބައެއް ނުވަތަ ޖަމާޢަތެއްގެ މީހުންގެ ވިސްނުން ހުންނަގޮތް (4) ކަންކަމާމެދު ބުއްދި ޤަބޫލުކުރާގޮތަށް ދައްކައިފައިވާ ހަމަ
ފަގުޑި
ނ ބޮލުގައި އެޅުމަށް ފޮށަޔަކުން ނުވަތަ ފޮތިގަނޑަކުން ވަކި ގޮތަކަށް އޮޅައި ހަދައިފައިހުންނަ އެއްޗެއް
ފަސްހަނގުރާމަބެލުން
މ (1) ހަނގުރާމަ ކުރާމީހާގެ ބުރިކަށި ހިމާޔަތް ކޮށްދިނުން (2) ހަނގުރާމަ ކުރާލަޝްކަރުގެ ފަހަތުން ބަޔަކު ހަމަލައެއް ދޭތޯ ބެލެހެއްޓުން (3) މަޖާޒު: ކަމެއް ނުވަތަ ތަނެއް ބޮއްސުންލިޔަ ނުދީ ހުރިހާކަމެއް ބެލެހެއްޓުން
ފަސްކުޅަނދުމަދުވުން
)މިސާލުބަހެއް( ސިކުނޑީގައި އުނިކަމެއް ހުރުމުން ނުވަތަ ކަމަކަށް ބީރައްޓެހިވުމުން ބުނެއުޅޭ ބަހެއް
ފަސްއިނގިލި
ނ (1) އިންސާނާގެ އަތުގައި ނުވަތަ ފައިގައި ހުންނަ އިނގިލިތައް އެއީ )ހ( ބޮޑުވާ އިނގިލި )ށ( ޝަހާދަތް އިނގިލި )ނ( މެދު އިނގިލި )ރ( ކަށި އިނގިލި )ބ( ކުޑަވައި އިނގިލި (2) މޫދުގައި އުޅޭ ފަސް ފައިކަށްޓަށް ހުންނަ ދިރޭ އެއްޗެއް
ފަސްމީރު
ނއ ހުރިހައި އެއްޗެއް ނުވަތަ ހުރިހައިކަމެއް އެންމެ ފުރިހަމަ
ފަސްފަހަތުންދިއުން
މ މީހެއްގެ ނުވަތަ ބައެއްގެ ބޯކޮޅު ބަލަމުން ފަހަތުން ދިއުން
ފަސްފަހެތި
ނ (1) އިހުގައި ކިޔެވެލި ކިޔަވައި ނިމިގެން ކަނދުން ނުވަތަ ކަށިކެޔޮފަތުން ހަދައިފައި ހުންނަ ގުރާބެއް ފުރުވައިލާއިރު އެއަށްލާ ފަސް ވައްތަރެއްގެ ހެދިކާ. (2) އެތައް ވައްތަރެއްގެ އެއްޗެހީގެ މާނައިގައި ބޭނުންކުރާ ބަހެއް. އެތާގައި ކޭކުގެ ފަސްފަހެތި އެބަހުއްޓެވެ. މާނައަކީ ކޭކުގެ އެތައް ވައްތަރެއް އެބަހުއްޓެވެ
ފަސްތަނުގައި ބެހެއްޓި މުޅޯއްޓަކަށްވުން
)މިސާލުބަހެއް( ޒުވާން އުމުރުގައި ކަންނެތްވެ ރީތި ކަމާމެދު ފަރުވާކުޑަކޮށް އުޅޭ ނުވަތަ ޅައުމުރުގައި ކުދިން ގިނައިން ވިހައި ހަށިގަނޑު ދެރަވާ އަންހެނުންނާމެދު ބުނެއުޅޭ ބަހެއް
ފަސްލުން
މ އަޑިގަނޑަކަށް ނުވަތަ ވަޅުގަނޑަކަށް ފަސްއެޅުން
ފަޑެއި
މ )ސ.( ހުތުރު ބަހުން އެނަކަކު ދެރަކޮށްލުމަށް ނުވަތަ ކަލެއަށް ދޫނުކުރާނަމޭ ބުނުމުގެ ގޮތުން ބުނާ ބަހެއް
ފަޗިސްއެޅުން
މ ފަޗިސް ކުޅޭއިރު ބޮލިތައް ތަޅުވާފައި އޮއްސައިލާއިރު އެއް ބޮލި ބަނޑުން އަނެއް ފަސްބޮލި އުއްޑުން އޮތުން އޭރުން އެ އެޅުނީ ފައްސިއްސެކެވެ ނުވަތަ ފަޗިހެކެވެ
ފާ
ނ (1) ކުއްޅަވަކާއި ކަނޑޫ ފަދަ ތަކެތި ހެދިފައި ހުންނަ ތަންތަން. (2) ބޮނބި މަޑުކުރަން އަޅާފައި ހުންނަ ތަންތަން. މިތަންތާނގައި ހުންނާނީ ފެން ހެދިފައެވެ. (3) ދަނޑި މޫދު އަޅާފައި ހުންނަ ތަންތަން. (4) އަށްހިޔަބޮލި (5) މޭވާ ފަދަ ތަކެތި ދޮންވެ ފައްކާވެގެން ގޮސް ވާ މަޑު. (6) ވިހައިގެން އުޅޭ މީހުންނަށް ހިލާ ބޭހެއް. (7) ކައިރި ހިސާބެއްގައި ކުނިބުނި ވަޅުލެވިފައި ހުރުމުގެ ސަބަބުން ނުވަތަ ގިނައިން ފެން ނެގުމުގެ ސަބަބުން ބައެއް ވަޅު ވަޅުގެ ފެން ގަނޑަށް އަންނަ ބަދަލު (8) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭ ނުބައިވުމުގެ ސަބަބުން ވާމަޑު
ފާހަގަކުރުން
މ (1) ވަކިތަނެއް ވަކިކޮށް ދެނެގަތުމަށްޓަކައި ނިޝާނެއް ޖެހުން (2) ތަންތާނގެ އިން ވަކިކުރުމަށް އެއްޗެހި ޖެހުން (3) ވަކިތަނެއް ދެނެގަތުމަށްޓަކައި ފޮތެއް ފަދަ އެއްޗަކަށް އެތިކޮޅެއްލުން (4) ވަކި ބޭނުމަކަށްޓަކައި ވަކިކަމަކަށް ނުވަތަ އެއްޗަކަށް ނުވަތަ މީހަކަށް ސަމާލުކަންދީ ހިތުގައި ބޭއްވުން (5) ވަކި ކަމެއްގެ ނުވަތަ ވަކި ދުވަހެއްގެ ހަނދާން ދިރުވުން
ފާހަގައެޅުން
މ (1) ފާހަގަޖެހުން (2) އަންހެނުން ވިހަން ކައިރިވުމުގެ ޢަލާމާތެއްގެ ގޮތުން ފެން ނުވަތަ ލޭފާޅުވުން
ފާހިޖެހުން
މ (1) ކާށިތަކެއް އެއްކޮށް ފަތީލުން. (2) ބުޅީގެ ފިލިތުގާ ލޯވަޅެއް އަޅާ ނުވަތަ ބުޅީގެ ފިލިތުކޮޅު ހިމަކޮށް ލަނބައިލައި ނަނު ނުވަތަ ކަންވާރު ލެއްވޭގޮތަށް ހެދުން (3) ނަނުފަދަ އެއްޗެއްގެ ކޮޅު އަނެކައްޗަކާ ގުޅުވުމަށް ބޮޅެއް ހެދުން