radheef.info
ރަދީފު


ފ
އ (1) ތާނައިގެ އެގާރަވަނަ އަކުރު (2) ދިވެހި ހިސާބު އަކުރުގެ ދެވަނަ އަކުރު
ޞާލިޙު
ނ (1) ހެޔޮލަފާމީހާ (2) ތަޤްވާވެރިޔާ
ޤާޟީ
ނ (1) ފަނޑިޔާރު (2) ނިޔާ ކަނޑައަޅާ މީހާ
ޝިރުކު
ނ (1) މާތް ﷲ އާ އެހެން ފަރާތަކާ ކުރާ އެއްފަދަ (2) މާތް ﷲ އާއި އެހެން ފަރާތަކާ ކުރާ ބައިވެރި
ޤިބުލަ
ނ (1) ކަޢުބަތު ﷲގެފުޅު (2) ގެފުޅާދިމާވާ މިސްރާބު (3) މުސްލިމުން ނަމާދު ކުރާއިރު ކުރިމަތިލާދިމާ
ޤިބުލަހޯދުން
މ (1) ކަޢުބަތު ﷲގެފުޅުވީ މިސްރާބެއް ހޯދުން (2) ޤިބުލަވީ ދިމާ އޮޅުން ފިލުވުން
ޤިބުލަބެލި
ނ ޤިބުލަވީ މިސްރާބު ހޯދުމަށްޓަކައި ތައްޔާރުކޮށްފައި ހުންނަ އާލަތެއް. މިހުންނަނީ އެކި ގައުމުތަކަށާއި އެކި ހިސާބު ހިސާބަށް ނަންބަރުތަކެއް ދީފައި އެމީހަކު ބޭނުންވާ ނަންބަރަކާ ދިމާއަށް ކަށި ހުއްޓައިލުމުން ޤިބުލަވީ މިސްރާބު ތީރަކުން ދައްކާގޮތަށެވެ
ޤިބުލަފަރާތް
ނ ކަޢުބަތު ﷲގެފުޅުވީ ދިމާ
ޝިފާ
ނ ބައްޔަށްވާ ފަސޭހަ
ޝިފާލިބުން
މ ބަލި ފަސޭހަވުން
ޤިޔާމަތްދުވަސް
ނ (1) މަޙްޝަރު ދުވަސް )އެދުވަހުން މަރުވެފައިތިބޭ އެންމެން ދިރުއްވައި އެމީހުންގެ ޢަމަލުތަކުގެ ހިސާބު ބައްލަވާނެއެވެ ( (2) މާތްﷲ އަޅުތަކުންގެ ޢަމަލުތަކުގެ ހިސާބު ބައްލަވާނެ ދުވަސް (3) ދުނިޔެ ހުސްވާ ދުވަސް
ޤިޔާސް
ނ ދީނުގައި ހުކުމެއް ކަނޑައެޅިފައި ނުވާކަމެއްގެ ހުކުމް ހޯދުމަށް އެކަމަކާގުޅޭ ޒާތުގެ ކަންކަމުގެ ހުކުމްގެ މައްޗަށް ބިނާކޮށް ވިސްނާ ވިސްނުން
ޤިޔާސްކުރުން
މ ދީނުގައި އެކަމެއްގެ ޙުކުމު ކަނޑައެޅިފައިނުވާ ކަމެއްގެ ހުކުމް ހޯދުމަށް އެކަމަކާގުޅޭ ކަހަލަ ކަންކަމަށް ކަނޑައެޅިފައިވާ ހުކުމްތަކުގެ މައްޗަށް ބިނާކޮށް ވިސްނައި ޙުކުމް ހޯދުން
ޝިޕްމެންޓު
ނ މުދާ އުފުލާ ބޯޓަކަށް އަރުވާ އެއްވައްތަރެއްގެ މުދާތައް
ޤިޞާޞު
ނ ޙައްޤަކާ ނުލައި ފުރާނައަށް ނުވަތަ ހަށިގަނޑަށް ގެއްލުމެއް ދިނުމުގެ ސަބަބުން ހިފަންޖެހޭ ޙައްޤު ބަދަލު
ޤިޞާޞު ހިފުން
މ (1) ބަދަލަށް ބަދަލު ހިފުން (2) މަރަށްމަރު ހިފުން
ޢީދުފުނި
ނ އީދު އަންބަލަން މިއީ ރަށްފުށުގައި ކިޔާގޮތެކެވެ
ޝީލްޑު
ނ މުބާރާތްފަދަ އެކިއެކި ކަންކަމުން މޮޅުވާ ފަރާތްތަކަށް ހަނދާނެއްގެ ގޮތުން ދޭ އެއްޗެއް
ޤުރުބާން
ނ ހަށިގަނޑުން ނުވަތަ މުދަލުން ނުވަތަ ފުރާނައިން ނުވަތަ މިތިންބައިން ކުރާހޭދަ
ޤުރުބާންކުރުން
މ (1) ކަތިލުން (2) ފިދާކުރުން (3) މާތްﷲގެ މަގުގައި އެއްޗެއް ހޭދަކުރުން (4) މާތްﷲގެ މަގުގައި އެއްޗެއް ކަތިލުން
ޤުރުބާންވުން
މ (1) ހަށިގަނޑާއި މުދަލާއި ފުރާނައިން ހޭދަކުރުން (2) ފިދާވުން