radheef.info
ރަދީފު


ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
ދޮޅިފޭލި
ނ (1) ދޮޅިޖަހައިފައި ހުންނަ ފޮތިގަނޑު (2) ބުރުގާ
ދޮވާ
ނ )ޅ ( މަސްލުހޭ ދަނޑިގަނޑު
ތޮށަލި
ނ (1) ރުކުގެފަން މެދުން ފަޅައިލައިފައި ފަންވަތްތައް އެއްވަތުމަތިން އަނެއްވަތު ދަށުން ނަގައި ވިޔެފައި ހުންނަ އެއްޗެއް މިއީ ގޭގޭގެ ބިތުގައި ޖެހުމަށާއި ފުރާޅުގައި ލުމަށް ބޭނުންކުރާ އެއްޗެކެވެ (2) ރުކުގެ ފަން މެދުން ފަޅައިލައިފައި ދެފަޅީގެ އޮށިގަނޑު ދެފަރާތަށް ހުންނަގޮތަށް ދެފަޅިއެއްކޮށް ވިޔެފައި ހުންނަ އެއްޗެއް މިއީ މަސް ބެހެއްޓުމަށް ވިޔެފައި ހުންނަ އެއްޗެކެވެ
ތޮށި
ނ (1) ރަށެއްގެ ވަށައިގެން ނުވަތަ ރަށުގެ އެއްފަރާތެއްގެ މޫދުތެރޭގައި ގަލުން ލެވިފައިވާ ނުވަތަ ލައިފައިވާ ފާރު (2) ފަރު (3) ގަސްގަހާއި މޭވާގެ ބޭރުގައި ހަރުކޮށް ހުންނަފަށަލަ (4) ބިސްއަޅާ ތަކެތި އަޅާ ބިހުގެ ބޭރުގައި ހަރުކޮށް އޮންނަބައި (5) ބައެއްމީހުންގެ ހަންރާޅުވުމުގެ ސަބަބުން ހުޅުނބުހެން ހަމުގައި ހެދިފައި ހުންނަ އެތިއެތިކޮޅު (6) ވެލަ އާއި އިއްސާއި ކަކުނިފަދަ ދިރޭ ތަކެތީގެ ހަށިގަނޑުގެ ބޭރުގައި ހަރުކޮށް އޮންނަބައި
ތޮށިބޯބަދަން
ނ ނާށިގަނޑު ބަދަން
ތޮށިއެރުން
މ ގަސްގަހާ ގެހީގެ ރޯތޮށިގަނޑު ކަނޑައިލައިގެން ނަގައިފައިހުންނަ ތަނަށް އަލުން ތޮށިއަރައިބެދުން
ތޮށިގަނޑު
ނ (1) ރަށެއްގެ ވަށައިގެން ނުވަތަ ރަށެއްގެ އެއްފަރާތެއްގެ މޫދުތެރޭގައި ގަލުން ލެވިފައިވާ ފާރުގަނޑު (2) ބިހުގެ ބޭރުގައި އޮންނަ ހަރުބައި (3) ގަސްގަހާއި މޭވާގެ ބޭރުގައި ހަރުކޮށް އޮންނަބައި (4) ވެލަޔާއި އިއްސާއި ކަކުނިފަދަ ދިރޭތަކެތީގެ ހަށިގަނޑުގެ ބޭރުގައި ހަރުކޮށް އޮންނަބައި މަޖާޒު: (5) ޙަޤީޤަތް ފޮރުވުމަށްޓަކައި ބޭރުން ދައްކައިގެންއުޅޭގޮތް (6) މީހެއްގެ ވިސްނުމާއި ޚިޔާލު ގެންގުޅޭ ހަނިދާއިރާ
ތޮނާޑާ
ނ )ގ ( (1) ތޮނަގަނޑު (2) ވިނަގަނޑު
ގޮޓިފޮތިގަނޑު
ނ (1) ގޮޓިކުޅެން ހަތަރެސްކަނަށް ގޮޅިޖަހައިފައި އޮންނަ ފޮތިގަނޑު (2) ފަޗިސްފޮތިގަނޑު
ގޯޅި
ނ (1) ބޮޑެތި މަގުތައް ހުރަސްކޮށް ތަންކޮޅެއް ހަނިކޮށް ކުރުކޮށް ހުންނަމަގު (2) ދަގަނޑު އެއްޗެހި ތޮރުފަން ހަދައިފައި ހުންނަ ކައްޓެއް މިކަށިން ތޮރުފަނީ ތޮރުފަން ބޭނުންވާ އެއްޗެއްގައި ތުނޑު ޖައްސައިފައި އަނެއް ކޮޅުގައި އެއްޗަކުން ތަޅައިގެންނެވެ (3) އިމާރާތެއްގެ ތެރޭގައި ނުވަތަ ގޯއްޗެއްގެ ތެރޭގައި ހަނިދިގުކޮށް އޮންނަ ތަން
ފާލިކީ
ނ (1) މީހުން އެރީމާ އުފުލައިގެން ގެންދަން ހަދައިފައި ހުންނަ ދޮޅިދާން (2) ފުލޯކު ވާހަކައިގައި ކިޔާގޮތުން ކަމަނާއަކު ނުވަތަ މަނިކުފާނަކު އަރައިވަޑައިގަތީމާ ހަވާގެތެރެއިން ޖިންނިން އުފުލައިގެން އެއްތަނުން އަނެއްތަނަށް ގެންދާ ދާން (3) ކަނޑީގެ މުށްގަނޑު
ފާސްކުރުން
މ (1) މީހެއްގެ ހަށިގަނޑުގައި ނުވަތަ ތަނެއްގައި ނުވަތަ ގެންގުޅޭ އެއްޗެއްގައި އެއްޗެއް ފޮރުވައިފައި އޮތްތޯ ބެލުން (2) ފޮތް ފަދަ ތަކެތި ލިޔެފައިވަނީ ރަނގަޅަށްތޯ ނުވަތަ ނޫންތޯ ބަލައި ނިންމުން (3) އެއްޗެއް ނުވަތަ ކަމެއް ހަމަޖެހިފައިވާ ގަވާއިދަކާ އެއްގޮތްތޯ ނުވަތަ ނޫންތޯ ބަލައި ނިންމުން
ފާސްދޯރު
ނ (1) އެއްކޮޅު ހިމަކޮށް ހަދާފައި ހުންނަ ދަގަނޑު ބުރިއެއް. މިއީ ޖަސްތުން ނުވަތަ ޓިނުން އެއްކޮޅުން ހިމަކޮށް އެއްޗެހި ހަދާއިރު އެއަށް ލައްވައިގަން ތަޅައި ސިފަގެންނަން ބޭނުން ކުރާ އެއްޗެކެވެ. (2) ވާ ފަލަސް ކުރުމަށް ގެންގުޅޭ އެއްކޮޅަށް ހިމަކޮށް ލަކުޑިން ނުވަތަ މަޢުދަނުން ހަދައިފައި އޮންނަ އާލާތެއް
ފާޚާނާވަޅުގަނޑު
ނ ފާޚާނާގެ ނަޖިހާއި ފެން އެޅެން ހުންނަ ވަޅުގަނޑު
ފިހިނބުރު
ނ )ގ ( މަހުގެ ޗިސްމޭގަނޑު
ފިހިރެ
ނ )ގ ( މަހުގެ ޗިސްމޭގަނޑު
ފިހިގަނޑު
ނ (1) ބޮނބި ނުވަތަ އެފަދަ އެއްޗެއްގެ ނަރުން ހަދައި ދަނޑިއެއް ލައިފައި އޮންނަ އެއްޗެއް. މިއީ ކުނިކަހަން ބޭނުންކުރާ އެއްޗެކެވެ. (2) ތަރަފާލާއި ތަޅުންގަނޑު މަތިން ހިރަފުސް ފިލުވަން އުއި ފަށްތަކަކުން ހަދައިގެން ގެންގުޅޭ އެއްޗެއް. ހިރަފުސް ފިލުވުން މި ބޭނުން ކުރަނީ ފެނުން ތެންމައިލައިގެންނެވެ (3) ފިހިގަނޑު ބުމަރު ޖަހަން ރޯ ދިއްގާ ދަނޑިން އެއްކޮޅުގާ ވަކަފަށްތައް ހުންނަ ގޮތަށް ހަދާ އެއްޗެއް
ފިހިގަނޑުބުމަރު
ނ ފިހިގަނޑުންޖަހާ ބުމަރު މިބުމަރު ހުންނާނީ ފުލަށް ހިމަކޮށް ދޯރިއެއް ހެންނެވެ
ފިހުނުބަނބުކެޔޮ
ނ އުނދުނުގެ ހޫނު އަޅިގަނޑުގައި ވަޅުލައިގެން ނުވަތަ މަތި އަންދައިގެން ފިހެފައި ހުންނަ ބަނބުކެޔޮ
ފިހުން
މ (1) އެއްޗެއް ކެއްކުމަކާ ނުލާ ހޫނުން ރޯފިލުވުން. (2) ހޫނުގެ އަސަރު ފޯރުމުގެ ސަބަބުން އިންސާނުންނާއި ޖަނަވާރުގެ ހަށިގަނޑުން ތަނެއް ނުވަތަ މުޅި ހަށިގަނޑު ރޯފިލުން