radheef.info
ރަދީފު


ތައް
ނ (1) ތައްކަށިންޖަހާ ފާހަގަ މިފާހަގަ ޖަހަނީ ރުއްގަހުގެ ވެރިފަރާތް ފާހަގަކުރުމަށްޓަކައެވެ ފާހަގަހުންނަނީ ވަށްކޮށް ކަނޑައި ނަގައިފައެވެ (2) ނަން ގިނަކުރުމަށް ބޭނުންކުރާ އަކުރެއް މިސާލު: މޭޒުތައް (3) )ބދ ( އަނގަ މިސާލު: އޭނާއިނީ ތައް ބައްދައިގެންނެވެ
ސޮހޮލުކަން
ނއނ (1) ކަންތައް ނުދަންނަކަން (2) ތާކުންތާކު ނުޖެހޭ ކަން (3) ދޯދިޔާކަން
ޑައިގުރާމު
ނ ހިސާބުގެ ބޭނުންތަކަށް ނުވަތަ ސައިންސްގެ ބޭނުންތަކަށް އެއްޗެއްގެ ބައިތައް ވަކިވާގޮތަށް ރޮނގުކުރެހުމުން ކުރަހައިފައިވާ ކުރެހުން
ޑިރެކުޓަރީ
ނ އެއްވައްތަރެއްގެ އެއްޗެހީގެ ނަންތައް ފަސޭހައިން ހޯދައިލެވޭ ގޮތަށް ތައްޔާރުކޮށްފައިވާ ފޮތް
ޑުރަމުސެޓު
ނ ބޭންޑާއި މިޔުޒިކް ގްރޫޕްތަކުގައި ގެންގުޅޭ ބެރުގެ ތަފާތު ބޮޑުމިނުގެ ބެރުތައް
ޑޭޒީ
ނ އެއްބަރިޔަށް ހުންނަ ފިޔަތަކަކުން އެކުލެވިގެންވާ ތަނޑި ދިގު ރީނދޫ ކުލައިގެ މަލެއް އަޅާ ގަހެއް މިއީ އާދައިގެ ކުޑަ ގަހެކެވެ މީގެ އެތައް ވައްތަރެއް ހުރެއެވެ ތަފާތު ކުލަތައްވެސް ހުރެއެވެ
ޑޮންޑޮން
ނ ބައެއް ކަހަލަ މޭވާގެ އަރަގު ކެމިކަލްތަކާ އެއްކޮށް ނުބައި ނުވާގޮތަށް ތައްޔާރުކޮށް ވަޔާއެކު ފުޅިފުޅިޔަށް އަޅައި ބަންދުކޮށްފައި ހުންނަ ބުއިމެއް
ޒައިލަފޯން
ނ ދަނޑިކޮޅަކުން އެކި އަޑުގައި ތެޅުމުން މިޔުޒިކްގެ ހަމަ ނެރެވޭ ގޮތަށް ހަދައިފައި ހުންނަ މިޔުޒިކް ކުޅޭ އެއްޗެއް މީގެ އަޑުތައް ހުންނަނީ އެކި ބޮޑުމިނަށް ބުރިކޮށްފައި ލަކުޑި ކޮޅުތަކަކުންނެވެ ބައެއް ފަހަރަށް މަޢުދަނަކުންވެސް ހަދައިފައިހުރެއެވެ
ޒާހިދުކަން
ނއނ ދުންޔަވީ އެދުންތައް ކުޑަކަން
ޒާހިދުވުން
މ ދުންޔަވީ އެދުންތައް ކުޑަވުން
ޒިކުރުކިޔުން
މ އަރަބި ބަހުން ހަދައިފައި ހުންނަ ޚާއްޞަ ޅެންބައެއް ކިޔުން މި ޅެންތައް ކިޔަނީ މާލޫދު ފަށާގޮތަށް ފަށައިގެން މާލޫދުޅެން ކިޔާ ގޮތަށެވެ
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި
ޓައިޕުރައިޓަރު
ނ އިނގިލިތަކުގެކުރި ބޭނުންކޮށްގެން ދެލީގެ ރިބަން ފަށަކުން ލިޔެވޭގޮތަށް ހަދައިފައި ހުންނަ މެޝިނެއް މީގައި އަކުރުތައް ފެންނަގޮތަށް ފިތްތަކެއް ހުރެއެވެ އެއިން ފިތަކަށް އޮބައިލުމުން އެއަކުރެއް ކަރުދާހުގައި ޖެހެއެވެ
ޓާމް
ނ ތަޢުލީމީ އަހަރުގައިވާ ދުވަސްތައް ކިޔަވައިދިނުމަށް ބަހައިލައިފައިވާ މުއްދަތުންކުރެ މުއްދަތެއް މިސާލު: މިއަހަރުގެ ފުރަތަމަ ޓާމުގެ ކިޔެވުން ނިމޭނީ އެޕްރީލުމަހުގެ ނިޔަލަށެވެ
ޓިކެޓު
ނ ވަކިސިފަޔަކަށް ކަރުދާހުން ތައްޔާރުކޮށްފައި ހުންނަ އެއްޗެއް. މިއީ ކަމަކަށް ނުވަތަ އެއްޗަކަށް އަގުދައްކައިފައިވާ ކަމުގެ ހެއްކެއްގެ ގޮތުން ދޫކުރާ އެއްޗެކެވެ. މިދެއްކުމުން ވަކިތަނަކަށް ވަނުމަށް ނުވަތަ ވަކި އުޅަނދަކުން ނުވަތަ ވަކިއެއްޗަކުން ދަތުރުކުރުމަށް ހުއްދަ ލިބެއެވެ
ޓިއުޝަން
ނ (1) ފިލާވަޅުތައް ދަސްކޮށްދިނުމަށްޓަކައި ގޭގޭގައި ކިޔަވައިދޭ ކިޔަވައިދިނުން. (2) މަދަރުސާއެއްގައި މުޤައްރަރާ އެއްގޮތަށް ކިޔަވައިދޭ ކިޔަވައި ދިނުމުގައި އިތުރަށްދެވޭ އެހީގެ ގޮތުގައި ކިޔަވައިދޭ ކިޔަވައިދިނުން
ޓުވަރިޒަމް
ނ ހިތްއުފާކުރުމަށް ނުވަތަ ތިމާގެ ޤައުމުނޫން އެހެން ޤައުމެއް ބަލައިލުމަށް ދަތުރުކުރާ މީހުންގެ ކަންތައް އިންތިޒާމްކޮށް ބެލެހެއްޓުމާއި އެކަމާގުޅޭ ގޮތުން ކޮށްފައި ހުންނަ ތައްޔާރުތައް
ޓެލެކޮމިއުނިކޭޝަން
ނ (1) ކޭބަލާއި ރޭޑިއޯމެސެޖާއި ތެލިފޯނާއި ތެލެ ގްރާފާއި ޓެލެވިޒަނާއި ރޭޑިއޯފަދަ ވަސީލަތްތައް ބޭނުންކޮށްގެން ދުރުތިބީންނާ ކުރާ މުވާޞަލާތު (2) އެފަދަ މުވާޞަލާތާބެހޭ ޢިލްމު
ޓެލެޕުރިންޓަރު
ނ މުވާޞަލާތީ ގުޅުންތަކުގައި ބޭނުންކުރާ އާލަތެއް މިއީ ލިބޭ ސިގުނަލްތައް އަކުރުތަކެއްގެ ސިފައިގައި ޓައިޕްކޮށްދޭ މެޝިނެކެވެ
ޓޭންކު
ނ (1) އެއްގަމު ސިފައިން ބޭނުންކުރާ ހަނގުރާމަމަތީ އުޅަނދެއް. މިހުންނަނީ މެޝިން ބަޑިޔާއި ލުއިބޮޑުބަޑި ހަރުކޮށްފައެވެ. މިއީ ވަޒަން ނުވަންނަ ގޮތަށް ހަދައިފައި ހުންނަ އެއްޗެކެވެ. މީގެ ފުރޮޅުތައް ހުންނަނީ ފުޅާކޮށް ފަތިކޮށް ހުންނަ ދިއުޅިއެއްކަހަލަ ބަންދެއްގެ ތެރޭގައެވެ (2) ފެން ނުވަތަ އެފަދަ ދިޔާތަކެތި އެޅުމަށް ހަދައިފައި ހުންނަ އެކި ވަރުގެ ތާނގީ
ޓޭޓަރު
ނ ބައިސްކޯފު ނުވަތަ ތަމްސީލުދެއްކުމަށް ތައްޔާރު ކޮށްފައި ހުންނަ އިމާރާތް