radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
އަތުރާކުރެހުން
ނ އަތްކަންކުރާމީހުން ނަރުއަތުރައިގެން ކުރަހާ ކުރެހުން
އަތުބާރުއެޅުން
މ ދެމީހުން ދެފަރާތުގައި ތިބެގެން ދެމީހުންގެ އަތުގެ އުޅަނބޮށި ހަމަތާކުޖައްސައިގެން އެކަކު އަނެކަކުގެ އަތްތިލާގައި ހިފައިގެން އަތްތިލަގެންގޮސް އެތާ ޖައްސާފައި ހިފަހައްޓާން އުޅުން
އަތުއަކުރު
ނ (1) މީހެއްގެސޮއި (2) އަތުން ލިޔެފައި ހުރި އެއްޗެއް (3) އިނގިރޭސިބަސް ލިޔާއިރު އަތުންލިޔާ އަކުރު
އަތުއުރަ
ނ (1) މީހުން ހިނަވާއިރު އަތަށްލައްވާ ކޮތަޅު (2) އެކިއެކި ކަންތައް ކުރާއިރު އަތަށްލައްވާއުރަ
އަތުއެނބުރޭފަލި
ނ (1) ކޮޅުއޮޑީފަލި މީއެންމެ ޖަހަން އުނދަގޫ ފައްޔެވެ މަޖާޒު: (2) އެންމެ ކަންނެތް (3) އެންމެ އެއްޗަކަށްނުވާ މީހާ
އަތުލައިގަތުން
މ (1) ބާރު ދައްކައިގެން އެއްޗެއް އަތުލުން (2) އޮޅުލާއިރު ކޮނޑު މައްޗަށްނަގައިގަތުމަށް ޓަކައި ދެފައި ދެގޯޅިއަށް އަތްމަހައިފައި އުފުލައިލުން (3) ފިލައިގެން އުޅޭމީހަކު ނުވަތަ އަތުނުވާން އުޅޭމީހަކު އަތްދަށުލުން
އަތުލަފިކުރުން
މ (1) ވަރުނެތް މީހަކު ހިނގާފައިދާއިރު އެމީހާގެ އަތުގައި ހިފައި އެމީހަކަށް ތިމާ ބާރު ދިނުން (2) ވަރު ނެތް މީހަކަށް އެކަނި ނުހިނގިގެން އަނެކަކު އެމީހާގެ އަތުގައި ހިފައި އެމީހަކު ދިއުމުގައި އެމީހާއަށް ތިމާބާރު ދިނުން
އަތުލުން
މ (1) އަތްދަށުލުން (2) އަނެކެއްގެ އަތުގައި އޮތްއެއްޗެއް ދަމައިގަތުން (3) ލިބިގަތުން މަޖާޒު: (4) ކުރީގައިވާ މީހަކާ ނުވަތަ އެއްޗަކާ އަރައި ހަމަކުރުން (5) ދޭހަކުރުން
އަތޮޅުހިނގުން
މ އަތޮޅުވެރިން ނުވަތަ އަތޮޅުވެރިން ފޮނުވާ މީހަކު އަތޮޅުގެ ހުރިހައި ރަށަކަށް އަރަމުން ދިއުން
އަތްނުލާއައްދޮކިއުއްވުން
މ މަޖާޒު: (1) ނުހިފޭގޮތުން މީހަކު ރުޅިއެރުވުން ނުވަތަ އެގޮތުން މީހަކަށް ޖެއްސުންކުރުން (2) މީހަކު ގާތުކަނޑައަޅާ ކަމެއްގެ ވާހަކަ ނުބުނެ އެމީހަކު ލައްވާ އެކަމެއް ކުރުވުން
އަތްބިންދާއުކުޅު
ނ ހިފުމުގެ އުކުޅެއް މިގޮތަށް ވެދެގަތީމާ އެމީހާ ނުވެއްޓޭން ގަދަދައްކައިފިނަމަ އަތްބިންދައިގެންދާނެއެވެ
އަތްބެލުން
މ އަތްތިލައިގެ ބަނޑުފުށުގެ ނާރުތަކާއި އިނގިލިތަކާއި ނިޔަފަތިތައް ހުންނަގޮތް ބަލައިގެން އެމީހާގެ ދިރިއުޅުމާބެހޭ ކަންތައްތައް ފިލުވުން
އަތްމަތީދޮށި
ނ (1) މަސްބާނާދޮށީގެތެރޭން އެންމެދިގު ދޮށްޓާ ޖެހިގެން އޮންނަ ދޮށި (2) އެމީހަކަށްފަސޭހަ އަދިގިނައިން ބޭނުންކުރާ ދޮށި
އަތްދަށު
ނއ (1) މީހެއްގެ އަމުރުދަށު (2) ބާރުދަށު
އަތްދަށުބަނޑޭރި
ނ ބަނޑޭރީގެ އަތްދަށުން ކަންތައްކުރާން ހުންނަ މީހާ
އަތްދަށުވަޑިން
ނ މާވަޑިމީހާޔާއެކީ ވަޑާންކުރާން އުޅޭމީހުން
އަތްދަށުވުން
މ (1) ބާރުގެ ދަށުވުން (2) ތިމާގެ ކުށުން މީހެއްގެ ބާރުގެ ދަށުވުން (3) މީހެއްގެ ދަށުވުން
އަތްދަށުމެނޭޖަރު
ނ މެނޭޖަރުގެ ދަށުން ކަންތައް ހިންގާން ހުންނަ މީހާ
އަތްދަށުދޮށިއެޅުން
މ (1) ކެޔޮޅުމީހާގެ ފަހަތުގައި ހުރެގެން ދޮށިއެޅުން މަޖާޒު: (2) ވެރިއެއްގެ ދަށުން ކަންތައްކުރުން (3) މަސައްކަތެއްގައި މީހަކާ އެހީވުން
އަތްތެރިކަން
ނއނ )އަތުގެ ވެރިކަން( މީހަކު ކޮންމެވެސް އެއްޗެއް ގެންގުޅޭކަން