radheef.info
ރަދީފު


ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ފައްޓަރު
ނ އުނަގަނޑުގައި ނުވަތަ ކަރުގައި އަޅަން ރަންރިހި ފަދަ މަޢުދަނީ އެއްޗަކުން ފަށް ގަތައިގެން ހަދައިފައިވާ އެއްޗެއް
ފައްޓަރުބައި
ނ އަންހެނުން ކަރުގައި އަޅަން ރަންރިހިން ނުވަތަ ލޮއިން ހަދައިފައި ހުންނަ ގަހަނާއެއް. މި އެކުލެވިގެންވަނީ ފަށްތަކަކާއި ދެމައްސާއި ފޮތިތަކަކާއި ބޮޑު ފޮއްޗަކުންނެވެ
ފަތަށްއެރުން
މ (1) ލިސްޓެއްގައި ނުވަތަ ރަޖިސްޓްރީއެއްގައި ނަން ލިޔެވުން. (2) ޅެން ކިޔާ މީހުންގެ ތެރެއަށް ނުވަތަ ޒިކުރު ކިޔާ މީހުންގެ ތެރެއަށް އާދައެއް ކަމަށް ދޭންވާ އެއްޗެއް ދީގެން ވަނުން މއިީ އިހުގައި ގަނޑުވަރު ތެރޭގައި ރަސްމީ ގޮތުން ކުރެވޭ ކަމެކެވެ
ފަތަފޮޅި
ނ (1) ހަނޑޫފުށް ނުވަތަ އެހެންވެސް ފުށަކުން ފަތުގައި ޖަހައިގެން ރޮށްޓަށްވުރެ ބޯކޮށް ކުޅިކޮށް ނުވަތަ ފޮނިކޮށް ފިހާ ކާއެއްޗެއް (2) މަޖާޒު: އަންހެނުންގެ ކުރިމަތި ފަރާތް
ފަތުރައިލުން
ނ (1) ހާމަކޮށްލުން. (2) މަޢުލޫމާތު ޢާއްމުކޮށްލުން. (3) ތަރަފާލު ކުނާ ސާންތި ފަދަ އެއްޗެއް ތަނެއްގައި އަޅައިލުން. (4) ފޮތި ފަދަ އެއްޗެއް ތަނެއްގައި ނިއުޅައިލައިފައި ބަހައްޓައިލުން ނުވަތަ ތަނެއްގައި ބާއްވާލައި ނިއުޅައިލުން (5) ރޭޑިޔޯގެ ޒަރީޢާއިން ދުރަށް އަޑުފޮނުވައިލުން (6) ފުންޏަކަށް ހުންނަ އެއްޗެއް ދުރަށް ބެހިގެން ދާނޭގޮތް ހަދައިލުން (7) ފަތުގައި ބޭސްހާކައިލުން (8) ނޫސްޖަހައިލުން (9) ތުންތުންމަތިން ވާހަކަ ނަގުލު ކޮށްލުން )01( ބައެއްކަހަލަ ކަންތަކާއި ބައެއްކަހަލަ ތަކެތި ގިނަވާނެގޮތް ހަދައިލުން
ފަތުރަތު
ނ (1) ދެކަމެއްގެ ނުވަތަ ދެ ޒަމާނެއްގެ ދެމެދުގައި ހޭދަވާ ވަގުތު. (2) ރަސޫލު ބޭކަލެއްގެ ޒަމާން ވޭތުވެގޮސް އެބޭކަލެއްގެ ރިސާލަތު އޮޅުމަށްފަހު އަނެއް ރަސޫލުބޭކަލަކު ފޮނުއްވުމާ ދެމެދުގައި ހޭދަވާ މުއްދަތު (3) މަޖާޒު: ކަމެއް ހީނަރުވެފައި އޮންނަ ދުވަސްވަރު
ފަތުރު
ނ ރަށެއްގެ ނުވަތަ ޤައުމެއްގެ އެކިތަންތަން ބަލައިލުމަށް ކުރާ ދަތުރު
ފަތުރުވެރިޔާ
ނ ރަށެއްގެ ނުވަތަ ޤައުމެއްގެ އެކިތަންތަން ބަލައިލުމުގައި ޗުއްޓީހޭދަ ކުރާމީހާ
ފަތުވާ
ނ (1) ޝަރުޢީ ނުވަތަ ޤާނޫނީ ޙުކުމް (2) ޝަރުޢީ ގޮތުން ނުވަތަ ޤާނޫނީ ގޮތުން ކަމެއް ހުއްދަކަމަށް ނުވަތަ ހުއްދަނޫން ކަމަށް ބުނާބުނުން
ފަތޭރި
ނ (1) ފަތޭރި މަޑޫ. (2) ފަން ނުވަތަ ފިލާޖަހައިގެން ދަތުރުދޯނި ފަހަރު ވަގުތީ ގޮތުން އުސްކޮށްލާ އުސްކޮށްލުން (3) )ސ ( މަޖާޒު: އަނދެގެން އުޅޭ މުންޑުގެ ދެކަންގަނޑު އެއްވަރުކޮށްލާ އެއްވަރު ކޮށްލުން
ފަތޭރިކުރުން
މ (1) ފަން ނުވަތަ ފިލާ ޖަހައިގެން ދަތުރު ދޯނި ފަހަރު ވަގުތީ ގޮތުން އުސްކޮށްލުން (2) )ސ ( މަޖާޒު: އަނދެގެންއުޅޭ މުންޑު ދެކަން ގަނޑު އެއްވަރު ކޮށްލުން
ފަތް
ނ (1) ގަހާއިވެޔޮ ހެދެމުންދާއިރު އޭގެ އަރިމަތިން ނުކުންނަމުން ދާ ތަނޑެއް ހުންނަ އެއްޗެއް. ގަސްގަހުގެ ހިޔާ އޮންނަނީ މީގެ ސަބަބުންނެވެ. މިވަރަށް ތަފާތު ގޮތްގޮތަށް ތަފާތު ކުލަކުލައިގައި ހުރެއެވެ. ޢާއްމުކޮށް ހުންނަނީ ފެހިކުލައިގައެވެ. (2) ބައެއްގަސް އުފެދިފައި ހުންނައިރު ގަސްގަނޑެއް ނެތި ބުޑުން ފަޅައިފައި ހުންނަ ތަފާތު ކުލަކުލައިގެ އެކި ސިފަޔަށް ހުންނަ އެއްޗެހި. (3) ދީނީ ގޮތުން ނުވަތަ ޤާނޫނީ ގޮތުން ލިޔެވޭ ބައެއް ޒާތުގެ ލިއުން. މިސާލު: ހިބަފަތް. އަތޮޅުވެރިކަމުގެ ފަތް. (4) ދޫންޏާއި ކުކުޅުހާފަދަ ތަކެތީގެ ފިޔައިގައްޔާއި މުޅިގައިގައި ފަޅައިފައި ހުންނަ އެއްޗެހި (5) މަޖާޒު: ބޮލުގައި ހުންނަ އިސްތަށި
ފަތްކޮޅު
ނ (1) ވަކިފެންވަރެއްގެ މަޤާމުތަކަށް އިސްކުރައްވާ ފަރާތްތަކަށް ވަޒީފާ ދެއްވިކަން އެންގެވުމުގެ ގޮތުން ދައުލަތުން ދެއްވާ ލިއުން. މިސާލު: އަތޮޅުވެރިކަމުގެ ފަތްކޮޅު. ވަޒީރުކަމުގެ ފަތްކޮޅު ސަފީރުކަމުގެ ފަތްކޮޅު (2) ޤައުމެއްގެ އިސްވެރިޔަކު އެދަރަޖައިގެ ވެރިޔަކަށް ނުވަތަ އެއަށްވުރެ ދަށުގެ މީހަކަށް ފޮނުއްވާ ރަސްމީ އެންގެވުން (3) ގަސްގަހުގެ ފަތުގެ މިންވަރެއް (4) މަޖާޒު: ބޮލުގައި މަދުން ހުންނަ އިސްތަށި
ފަތްކޮޅުބޭލުން
މ ކީރިތި މަހާރަދުން އޮޅުދޫކަރައިގެ ގަވަރުނަރަށް ފޮނުއްވާ ނުވަތަ ގަވަރުނަރު ކީރިތި މަހާރަދުންނަށް ފޮނުއްވާ ފަތްކޮޅު ރަސްމީ އިއްޒަތުގައި އެއްގަމަށް ބޭލުން
ފަތްގަނޑު
ނ (1) ކެޔޮފަތް ފަދަ ފަތަކުން ވަކިކޮށްލެވޭ ބައެއް. (2) ރަން ރިހި ނުވަތަ ތިމަރަ ފަދަ މަޢުދަނަކުން ތަޅައި ތުނިކޮށްފައި އޮންނަ އަރިވަރެއް. މިސާލު: ތިމަރަ ފަތްގަނޑު ރަންފަތްގަނޑު
ފަތްސިލުބު
ނ ގުޑާކުން ނުވަތަ ދުންބޯފަތުން ވަށައިފައި އޮންނަ ކުޑަ ގުޅައެއް
ފަލަށް ދިއުން
މ (1) ފަލުގައި ބޮނބި އަޅަން ނުވަތަ އަޅައިފައި ހުންނަ ބޮނބި ނަގަން ދިއުން (2) ކަނޑޫފަލަށް ކަނޑޫ ހޮވަން ދިއުން
ފަލަށްޖެހުން
މ ގޮޓިކުޅޭއިރު ގޮޓިތައް ކަނޑުދުވެ ނިމި ދޮންވުމަށްފަހު ދަހެއް ނުވަތަ ފައްސިއްސެއް އެޅިގެން އެކެއް ލިބުމުން ގޮޓި ގޮޅިއަކަށް ގެން ދިއުން
ފަލަސް
ނ (1) ދެވަލުގެ ދެކޮޅު ނުވަތަ ވަލެއްގެ ދެކޮޅު ގުޅުވުމަށްޓަކައި ދެކޮޅުގެ އުޅިތައް ނިއުޅައިލައި އެއްކޮޅުގެ އުޅިތައް އަނެއްކޮޅުގެ ތެރެއަށް ލައްވައިގެން ގަތައިލާ ގަތައިލުން. (2) ވަލުގެ ކޮޅު ހިމަކުރުމަށްޓަކައި ނުވަތަ އުޅިތައް ނިއުޅުނަ ނުދިނުމަށްޓަކައި އުޅިތަކުން ނަރުދަމައި ހިމަކޮށްފައި ގަތާގެތުން
ފަލަސްކުރުން
މ (1) ދެވަލުގެ ދެކޮޅު ނުވަތަ ވަލެއްގެ ދެކޮޅު ގުޅުވުމަށްޓަކައި ދެކޮޅުގެ އުޅިތައް ނިއުޅައިލައި އެއްކޮޅުގެ އުޅިތައް އަނެއް ކޮޅުގެ ތެރެއަށް ލައްވައިގެން ގަތައިލުން މިހެން ހަދަނީ ގޮށްނުޖަހައި ގޮށެއްގެ ބާރު ގެނައުމަށްޓަކައެވެ (2) ކޮޅު ހިމަކުރުމަށްޓަކައި ނުވަތަ އުޅިތައް ނިއުޅުނަ ނުދިނުމަށްޓަކައި އުޅިތަކުން ނަރުދަމައި ހިމަކޮށް ފަށްގެތުން