radheef.info
ރަދީފު


ނުވަތަ
އ (1) ނޫންނަމަ (2) އެހެންނާ (3) އެހެންޏާ
ދެރުން
މ (1) ދަރަނިވެރިވުން (2) އާދަ ދޭންޖެހުން (3) އުދުހޭ އެއްޗެހި ތިރިކުރަން ފަރިކޮށްލުން (4) ފޭރާމެއް ރީތިތޯ ނުވަތަ ހެޔޮވަރުތޯ ގައިގައި ޖައްސައިލުން (5) )ޅ ސ ( ދިއްކޮށްލުން
ދެރޯޒުކައްޕި
ނ (1) ދެފުރޮޅު ނުވަތަ އެއަށްވުރެ ގިނަފުރޮޅުލައިފައި ހުންނަ ކައްޕި (2) ބުރަތަކެތި އުފުލުމަށް ތައްޔާރުކޮށްފައި ހުންނަ ކައްޕި
ދޮރޯށި
ނ ގޯތިތެރެއަށް ނުވަތަ ރަށަކަށް ވަދެނުކުމެ އުޅުމަށް ލަކުޑިން ނުވަތަ މަޢުދަނީ އެއްޗަކުން ހަދައިފައި ހުންނަ ދޮރު
ދޮޅިޖެހުން
މ ހަމައެކަނި މޫނު ފެންނަގޮތަށް ނަމާދުފޮށާ ބޮލުގައި އެޅޭނެގޮތް ހެދުމަށްޓަކައި ދަތްދޮޅިއާ ހަމައިން ތިރިއަށް ތަންކޮޅެއް ފަހައިލުން ނުވަތަ ދަތްދޮޅިން ފެށިގެން ތިރިއަށް ފަހައިލުން
ދޮޅުދަންފަށް
ނ ރަށަކުން ނުވަތަ ތަނަކުން ފެށިގެން ދަމަކާއި ދަމެއްގެ އެއްބައި ހަމަވާ ހިސާބު
ދޮއްދަނޑި
ނ ބޮޑެތިމަސްމަހަށް ޖަހަން މަޑަ ނުވަތަ ކަމަރު ހަރުކޮށްފައި ހުންނަ ދަނޑި
ތޮށި
ނ (1) ރަށެއްގެ ވަށައިގެން ނުވަތަ ރަށުގެ އެއްފަރާތެއްގެ މޫދުތެރޭގައި ގަލުން ލެވިފައިވާ ނުވަތަ ލައިފައިވާ ފާރު (2) ފަރު (3) ގަސްގަހާއި މޭވާގެ ބޭރުގައި ހަރުކޮށް ހުންނަފަށަލަ (4) ބިސްއަޅާ ތަކެތި އަޅާ ބިހުގެ ބޭރުގައި ހަރުކޮށް އޮންނަބައި (5) ބައެއްމީހުންގެ ހަންރާޅުވުމުގެ ސަބަބުން ހުޅުނބުހެން ހަމުގައި ހެދިފައި ހުންނަ އެތިއެތިކޮޅު (6) ވެލަ އާއި އިއްސާއި ކަކުނިފަދަ ދިރޭ ތަކެތީގެ ހަށިގަނޑުގެ ބޭރުގައި ހަރުކޮށް އޮންނަބައި
ތޮށިނުލާބިސް
ނ ވެލާ ނުވަތަ ކުކުޅުގެ ބަނޑުތެރޭގައި ތޮށިހަރުނުވެ ހަރުތޮށީގެ ބަދަލުގައި ދުއްޔެއް ބޭރުގައި ލެވިފައިވާ ބިސް
ތޮށިނޮޅިދޮންކެޔޮކެއުން
މަޖާޒު: އަނެކަކު ބުރަމަސައްކަތް ކޮށްގެން ހޯދި އެއްޗެއް ނުވަތަ ކަމެއްގެ ބޭނުން މަސައްކަތް ނުކޮށްހުރި މީހަކު ހިފަންފެށުމުން ބުނެއުޅޭ ބަހެއް
ތޮށިފިލުވުން
މ (1) ގޮވާމާއި ބަދަންފަދަ ތަކެތީގައި ހުންނަތޮށި އެތަކެއްޗާވަކިކުރުން ނުވަތަ ތޮށި ނެއްޓުން (2) ލޮނުމެދާއި ފިޔާފަދަ ތަކެތީގެ ބޭރުގައި ހުންނަ ހިކިތޮށި ނެއްޓުން
ތޮށިގަނޑު
ނ (1) ރަށެއްގެ ވަށައިގެން ނުވަތަ ރަށެއްގެ އެއްފަރާތެއްގެ މޫދުތެރޭގައި ގަލުން ލެވިފައިވާ ފާރުގަނޑު (2) ބިހުގެ ބޭރުގައި އޮންނަ ހަރުބައި (3) ގަސްގަހާއި މޭވާގެ ބޭރުގައި ހަރުކޮށް އޮންނަބައި (4) ވެލަޔާއި އިއްސާއި ކަކުނިފަދަ ދިރޭތަކެތީގެ ހަށިގަނޑުގެ ބޭރުގައި ހަރުކޮށް އޮންނަބައި މަޖާޒު: (5) ޙަޤީޤަތް ފޮރުވުމަށްޓަކައި ބޭރުން ދައްކައިގެންއުޅޭގޮތް (6) މީހެއްގެ ވިސްނުމާއި ޚިޔާލު ގެންގުޅޭ ހަނިދާއިރާ
ތޮނގި
ނ ފުޅަފުގައި ފުޅަލި ހަރުކުރަން ހުންނަދަނޑި މިދަނޑިހުންނާނީ ފުޅަލީގެ އެހެން ދަނޑިތަކަށްވުރެ ތަންކޮޅެއް ދިގުކޮންނެވެ މިދަނޑީގެ ތިރީކޮޅު ހުންނަނީ ފުޅިއެއްގެފޫ ނުވަތަ ނާއްޓެއް ފަދަ އެއްޗެއްގައި ޖައްސައިފައެވެ މަތީ ކޮޅުގައި ފުޅަފުގެ މުޑިޔާއެއްކޮށް ކުސަގަނޑެއ ފުރައިފައެވެ
ތޮނަޖެހުން
މ ގޭގޭގެ ތާވަކަރު މަތީގައި ނުވަތަ ހުރަހުގެ މަތީގައި ތޮނަކަނި އިންދައި ހަރުކުރުން
ގޯޅި
ނ (1) ބޮޑެތި މަގުތައް ހުރަސްކޮށް ތަންކޮޅެއް ހަނިކޮށް ކުރުކޮށް ހުންނަމަގު (2) ދަގަނޑު އެއްޗެހި ތޮރުފަން ހަދައިފައި ހުންނަ ކައްޓެއް މިކަށިން ތޮރުފަނީ ތޮރުފަން ބޭނުންވާ އެއްޗެއްގައި ތުނޑު ޖައްސައިފައި އަނެއް ކޮޅުގައި އެއްޗަކުން ތަޅައިގެންނެވެ (3) އިމާރާތެއްގެ ތެރޭގައި ނުވަތަ ގޯއްޗެއްގެ ތެރޭގައި ހަނިދިގުކޮށް އޮންނަ ތަން
ގޯޅި މިބަހުގެ ދެވަނަމާނަ ބަލާ! ގޯޅުން
މ (1) ތޫނު އެއްޗެއް ތަނަކަށް ނުވަތަ އެއްޗަކަށް ހަރައިލުން (2) )ގ
ގޯތި
ނ (1) ގެދޮރު އެޅުމަށް ނުވަތަ ޢިމާރާތެއް ކުރުމަށް ޚާއްޞަކުރެވިފައިވާ ސަރަހައްދެއްގެބިން (2) )ހ ( ދިރިއުޅޭގެ
ފާލިކީ
ނ (1) މީހުން އެރީމާ އުފުލައިގެން ގެންދަން ހަދައިފައި ހުންނަ ދޮޅިދާން (2) ފުލޯކު ވާހަކައިގައި ކިޔާގޮތުން ކަމަނާއަކު ނުވަތަ މަނިކުފާނަކު އަރައިވަޑައިގަތީމާ ހަވާގެތެރެއިން ޖިންނިން އުފުލައިގެން އެއްތަނުން އަނެއްތަނަށް ގެންދާ ދާން (3) ކަނޑީގެ މުށްގަނޑު
ފާލީސްކުރުން
މ ލަކުޑިއޮމާން ކުރުމަށް ނުވަތަ އޮފުއެރުވުމަށް ފާލީސް ހޭކުން
ފާލުއެޅުން
މ (1) އެއްޗެއް ނޭނބުރޭގޮތަށް ނުވަތަ ނުހިނގާ ގޮތަށް ތަންޑެއް އެޅޭގޮތްވުން (2) މަޖާޒު: ހިނގަހިނގައި ހުރިކަމަކަށް ދިމާވާ ސަބަބަކުން ހުއްޓުން އެރުން
ފާސް
ނ (1) ތަޢުލީމީ ފެންވަރު ހުރިވަރު އަންގައިދޭ ސަނަދު. (2) ތަނަކަށް ވަނުމުގެ ހުއްދަ ދިނުމުގެ ގޮތުން ދޭލިޔުން ނުވަތަ ނިޝާން. (3) ފޭލުގެ އިދިކޮޅު. (4) ވަކި ކަމަކަށް މީހަކު އެކަށީގެންވާ ކަމަށް ނުވަތަ ވަކި ބައެއްގެ ތެރެއަށް ހުށަހެޅޭ ގޮތްތަކަކަށް ނުވަތަ ގޮތަކާމެދު އެއްބަސްވާ އެއްބަސްވުމާއި ނިންމާ ނިންމުން. (5) ތާސްބައިން "ނީލަން" ކުޅޭއިރު އެމީހެއްގެ ފަހަރު އައުމުން ދޫކޮށްލާ ދޫކޮށްލުން. (6) އަންހެނުން ދެ ބަޔަކަށް ބެހިގެން ކުޅޭ ކުޅިވަރެއް. (7) އެއްޗެއް ނުވަތަ ކަމެއް ނުވަތަ ތަނެއް ހުރީ ޤަވާޢިދާ އެއްގޮތަށްތޯ ނުވަތަ ނޫންތޯ ބަލައި ނިންމާ ނިންމުން