radheef.info
ރަދީފު


ވ
ތާނައިގެ ނުވަވަނަ އަކުރު
ލޮނު
ނ (1) ކަނޑުފެން. (2) ކަނޑުފެނުގައި ހުންނަ ފެނުގެ ބައި ހިނދިގެން ފުއްފުކަށްވެފައި ހުންނަ ބަޔަށް ކިޔާނަން. މިއީ ކާބޯ ތަކެތީގައި ލޮނުރަހަ ލެއްވުމަށާއި ކާއެއްޗެހި ގިނަދުވަހު ހުންނަ ގޮތަށް ރައްކާ ކުރުމަށް އަޅާ އެއްޗެކެވެ
ލޮނުހަކުރު
ނ މީރާގައި ހިލައިފައި ކުޑަކޮށް ލޮނުލައިފައި ހުންނަ ހަކުރެއް މި ހުންނަނީ އަވީލައިގެންނާއި ދުމަށީގައި ޖަހައިގެން ހިއްކައިފައެވެ މިއީ ގަނޑުގަނޑަށް މުރަނަކޮށް ތަތްކޮށް ހުންނަ ހަކުރެކެވެ
ލޮނުހިންދުން
މ މަސްކޮށައި ރިހަކައްކާ ގޮތަށް ތައްޔާރުކޮށް ފަހުން ރިހަ ކެއްކުމަށްޓަކައި ވަގުތީގޮތުން ކުޑަފެންފޮދެއްގައި ލޮނުލައިގެން މަސް ކައްކައި ރޯފިލުވައިލައިފައި ބެހެއްޓުން
ލޮނުހިތި
ނއ ލޮނުގަދަކަމުން ހިތިރަހަ ދޭވަރުވެފައިވާ
ލޮނުހިލުން
މ ލޮނުވެލި ލައިގެން ރާނައިފައި ހުންނަ ފާރުތަކުން ފުއްފުކަށް ލޮނު ނިކުތުން
ލޮނުހުރުން
މ މަޖާޒު: (1) ފޯރިހުރުން (2) ޖޯޝްހުރުން (3) ޙަރަކާތްތެރިކަން ހުރުން (4) ޖިންސީ އެދުންވެރިކަމުގެ ތެރޭގައި ޖޯޝާއެކު ޙަރަކާތްކުރުން )މިބަސް ބުނެއުޅެނީ އަންހެނުންނާ މެދުގައެވެ
ލޮނުހެޔޮވަރު
ނއ (1) އެމީހަކަށް ރަނގަޅު ވަރަށް ލޮނުރަހަދޭ (2) މަޖާޒު: މަޖާގޮތް
ލޮނުހެޔޮވަރުކަން
ނއނ (1) ލޮނުރަހަލާ އެއްޗެހީގައި އެމީހަކަށް ރަނގަޅު ވަރަށް ލޮނުރަހަ ހުންނަކަން (2) މަޖާޒު: މީހެއްގައި ހުންނަ ކޮންމެ މީހަކާވެސް ގުޅޭ މަޖާކަން
ލޮނުހެޔޮވަރުކުރުން
މ (1) ފުދޭވަރަށް ލޮނުލުން (2) މަޖާޒު: ދައްކާވާހަކަ ގަޔާވާގޮތަށް ދެއްކުން
ލޮނުހެޔޮވަރުވުން
މ (1) ލޮނުރަހަ ރަނގަޅުވުން (2) މަޖާޒު: ކަމެއްގަޔާވާ ގޮތްވުން
ލޮނުބޯދި
ނ )މ ( ބޯދީގެ ބާވަތެއް މިއެމުގެ އެތެރެ ހުންނާނީ ބިއްލޫރި ކޮޅެއް ހެންނެވެ އެތެރޭގެ ކަށިވެސް އެނގޭގޮތަށެވެ މިއީ ވަރަށް ކުޑަ އެމެކެވެ
ލޮނުކާޖާ
ނ ކާޖާގެ ބާވަތެއް މީގައި ދޭނީ ލޮނުރަހައެވެ
ލޮނުކެއްކުން
މ (1) ހިކިކަނޑުމަސް ކޮންމެވެސް ސަބަބަކަށްޓަކައި ލޮނުގައި ކެއްކުން (2) )ޏ ( ހަވާދު ލައިގެން ވަރަށް ދިޔާކޮށް ކައްކާ ރިހައެއް ކެއްކުން
ލޮނުއެޅުން
މ (1) މަސް ލޮނުއެޅުން (2) ތަރުކާރީއެއްފަދަ އެއްޗެއް ލޮނު އަޅައިގެން ނުބައި ނުވާނެގޮތް ހެދުން (3) ސީރާކުރުން
ލޮނުވެލިމޮޑުން
މ ހަށިގަނޑުގެ ގުނަވަނަކަށް ލިބޭ ގެއްލުމަކަށް ފަރުވާ ދިނުމުގެ ގޮތުން މޫދަށްއެރި އެތަނެއްގައި މޫދުގެ ވެލިން މަސާޖުކުރުން
ލޮނުމަގޫ
ނ މަގުލުގެ ބާވަތެއް މިގަހުގެ ފަތާއިތޮށިވެސް ބޯވާނެއެވެ
ލޮނުމަސް
ނ ފުރެއްދެ ލޮނު އަޅައި ސީރާކޮށް އަވީން ހިއްކައި ނުބައި ނުވާނެގޮތް ހަދައިފައި ހުންނަމަސް
ލޮނުމަޑު
ނއ (1) ލޮނުރަހަ ކުޑަ. (2) މަޖާޒު: ޙަރަކާތްކުޑަ ނެގިމަޑުވެފައި ހުންނަ ނުވަތަ އޮންނަ (3) ފޯރިއެއްނެތް
ލޮނުމަޑުވުން
މ (1) ބޯއެއްޗެއްސާއި ކާއެއްޗެތީގައި ހުންނަންވާވަރަށްވުރެ ލޮނުގެ ރަހަމަޑުވުން. (2) މަޖާޒު: ހިނގަމުންދާ ކަމެއް ނުވަތަ މަސައްކަތެއްގެ ފޯރީ ކުޑަވުން ނުވަތަ ޖޯޝް ނެތުން
ލޮނުމަޑުމީހުން
ނ މަޖާޒު: ރޫޙު ކުޑަ ޝައުގުވެރިކަން ކުޑަ ފޯރި ނުހުންނަ މީހުން