radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ބަޑިބަޑިކުޅުން
މ ފަންކުޅޭ ކަހަލަ ގޮތަކަށް މުންޏެއް ޖަހައިގެން ދެބައަށް ބެހިގެން ކުޅޭ ކުޅިވަރެއް. މިއީ އިރުވައި މޫސުމުގައި ފުރަހަޅަ ލައިގަތުމުން މާލޭގެ އުތުރާއި އިރުމައްޗާއި ހުޅަނގު ފަރާތުގެ ބުރުޒުތައް ދޮވެ ސާފުކޮށް ބަޑިފަންޖަހައި މިކަމުގެ މަސައްކަތް ނިމޭ ދުވަހު އެތަނުގެ ކުނިފަން ސާފުކުރަން ނުކުންނަ އަންހެނުންނާއެކު މެދުރި މުސްކުޅި ބޭކަނބަލުން ކުޅުއްވައި އުޅުއްވި ކުޅިވަރެކެވެ މިކުޅިވަރު ކުޅެނީ މައި ފާރުން ބޭރުގައެވެ މިކުޅިވަރު ކުޅޭތަނަށް ފިރިހެނުން އައުން މަނާވާނެއެވެ
ބަޑިބެރު
ނ ރަސްމީ ބައެއް ކަންތަކުގައި ބޮޑުބަޑި ޖެހުމާ ވިދިގެން ޖަހާބެރު
ބަޑިބޭސް މުގުރާ މީހުން
ނ އިހުގައި ބަޑިބޭސް ހެދުމުގައި މަސައްކަތްކުރާން ސަރުކާރުން ލައްވައިފައި ތިބޭ މީހުން
ބަޑިކުރެދި
ނ ގަލުގައި މަތާ ޖެހުން ފަދަ ކަންކަމަށް ބޭނުންކުރާ ފަލަ ކުރެދި. މިހުންނަނީ އެއްކޮޅު ފޭއްސައިފައެވެ
ބަޑިކުޅި އުނބު
ނ އިހުގައި ބަޑިކުޅީގެ ބޭސް އަޅާން ގެންގުޅުނު އުނބު މިކަމަށް ބޭނުންކުރަނީ ދިގުކާށީގެ އުނބެވެ
ބަޑިކުޅިމާ
ނ ބަޑިކުޅިގަހުގައި އަޅާ މާ މިމާ ހުންނާނީ ހޮޅިއެއް ހެންނެވެ މީގެ ހުދުމަލާއި ފިޔާތޮށިމަލާއި ރަތްމާ ހުރެއެވެ
ބަޑިކޮޅު
ނ (1) ރަދުން ޢިއްޒަތުގައި ތަންތަނަށް ވަޑައިގަންނަވާއިރު އަރިހުގައި ގެންދާ ބަޑިކޮޅު. މިހިފައިގެން ހުންނަ މީހާ ހުންނާނީ ރަދުންގެ އެންމެ އަރިހުގައި ވާތްޕުޅު ފަރާތުގައެވެ. މިއީ ތިލަލީ ބަޑިކޮޅެކެވެ. (2) ބަޑި މިބަހުގެ އެންމެ މާތްގޮތް
ބަޑިކޮޅުހިފާކަން
ނ (1) ރަދުން ޢިއްޒަތުގައި ތަންތަނަށް ވަޑައިގަންނަވާއިރު ގެންދާ ބަޑިކޮޅު ހިފުމުގެ ވަޒީފާ (2) ބަޑިބޭސް މުގުރާ މީހުންގެ ވެރިކަން
ބަޑިއެޅުން
މ (1) މަހުގެ ނަގޫފަތުން ލޮނުގަނޑުގައި ޖެހުން. (2) މަސްފެން މައްޗަށް އެރުމުގައި ނުވަތަ އަޑިއަށް ދިއުމުގައި އަޑު އިވޭގޮތް ހެދުން (3) ބަޑިއަކަށް ލައިފައި ތަވީދެއް އެޅުން
ބަޑިފަން
ނ (1) ބައެއް ބޭނުމަށްޓަކައި ފުޅަފުގެ މަތަރެހުގެ މަތީގައި ޖަހާ ފަންވަތް (2) ދޯނި ފަހަރު ފަތަވެރިކުރާއިރު މަތިކަނުގެ މައްޗަށްޖަހާ ފަންވަތް
ބަޑިފަޅައިގެންދިޔުން
މ މަޖާޒު: ހިތުގައި ޖެހިގެން ކުއްލިއަކަށް އަޑުއިވޭ ވަރަށް ރޮއިގަނެވުން
ބަޑިފަސްގަނޑު
ނ އަމާޒަށް ބަޑި ޖަހާން ދަސްކުރަން ހަދައިފައި އޮންނަ ފަސްގަނޑު މިއީ އުސްކޮށް ފުޅާކޮށް އޮންނަ ފަސްގަނޑެކެވެ މި ފަސްގަނޑު އޮންނަނީ އެދުވަސް ވަރެއްގައި އެކަމަށް ހަމަޖައްސައިފައި އޮންނަ ތަނެއްގައެވެ
ބަޑިފިހިގަނޑު
ނ ބޮޑުބަޑީގެ އެތެރެ ސާފުކުރަން ގެންގުޅޭ ބުރުސް އިހުގައި މިހަދައިފައި އޮންނަނީ ވަކައިންނެވެ
ބަޑިދޮރު
ނ (1) ބަޑީގެ އުންޑަދާން ބުރުޒުގައްޔާއި މައިފާރުގައި ކަނޑައިފައި ހުންނަތަން (2) މަނަވަރާއި އާގުބޯޓުފަހަރުގެ ފެނުންމަތީގައި ކަނޑައިފައި ހުންނަ އާނގަވަޅު
ބަޑިތެޅުން
މ (1) ބަޑިތަކެއްޖެހުން (2) ދިގުދަލަށް މަސްލެވުން ފަދަ ބޭނުމަކަށްޓަކައި ފެންގަނޑުގައި ދަނޑިން ނުވަތަ އަތުން ތެޅުން (3) ފޮތިގަނޑެއް އަޑުގޮވާ ގޮތަށް ވަޔާ ތެޅުން (4) ހިނގޭ ގޮތަކުން އަނދެގެން ހުންނަ އެއްޗަކުން އަޑު ގޮވުން (5) މަޖާޒު: މީހަކާ ދިމާޔަށް ވަރު އަރުވައިގަތުން
ބަޑިލުން
މ (1) ފިހިގެން ފޮޅުނެގުން (2) ތެލުލާ އެއްޗެހީގައި ބޮކި އުފެދުން (3) ލޭފެން ނުބައިވެގެން ހަށިގަނޑުގެ ހަމާ މަހާދެމެދަށް ފެން ނުވަތަ ދޮސް ފަދައެއްޗެއް އަރައި ފުއްޕުމަކާއެކު ތަންތަން އުފުލުން
ބަޑިގޮވުން
މ (1) އެތެރޭގައި ހޮއިހެދިފައިވާ އެއްޗެއް ނުވަތަ ވައިވަދެފައިވާ އެއްޗެއް ފަޅައިގެންގޮސް އަޑުއިވުން (2) މީހަކު ކުރިކަމަކާ ނުލައި ބަޑިޔެއްގޮވުން
ބަޑިޖެހުން
މ (1) ބަޑިގޮއްވުން (2) ބައެއްތަކެތި އަނދަމުންދާއިރު އަޑުގޮވުން (3) ފޮށާފަދަ ތަކެތި ފޮޅާލައިގެން އަޑުގޮއްވުން (4) ފަންތޮށިގަނޑުކުން ނުވަތަ އެހެންވެސް އެއްޗަކުން ތަނެއްގައި އަޑުގޮވާނޭ ހެން ޖެހުން (5) މަޖާޒު: ރުޅިއައިސްގެން އެއްޗެހި ގޮވައިގަތުން (6) ބައެއް އެއްޗެހި ތެލުލައި ހަނާކުރަމުންދާއިރު ފަޅައިގެން ދާއަޑު ގޮވުން
ބަޑޮރިހުން
މ )ޏ ( ބަނޑުގައި ރިހުން
ބަޒަބާޒު
ނ ތަކޫވަކުގެ ބޭރުގައި އޮންނަދާގަނޑު މިއީ މަތިކަރާބޭހުގެ ބާވަތެކެވެ