radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
އަރިކުރުން
މ (1) ތެދަށްވުރެ އެއްފަރާއިތަށް ޖައްސައިލުން. (2) ބިލެތްގަނޑު މެދުން އިރައިލުން. (3) ފަން ފަންވަތްފަދަ ތަކެތި މެދުން އިރާލުން
އަރުނު
ނ (1) ނިތްކުރީގައި އެންމެ ދަޅެއް ހުންނަ ޖަނަވާރެއް މީގެ ސިފަ އަހާއި އެއްވައްތަރުކަމަށް ބުނެއެވެ (2) ބދ އުނަގަނޑު
އަރުވައިލުން
މ ކުރާބައެއް ބާވަތުގެ ކުށަށް ޝަރީޢަތުގެ ފަރާތުން ނުވަތަ ސިޔާސަތުގެ ފަރާތުން އެކުށް ކުރި މީހާގެ ވަޒަން ނޫން ރަށަކަށް ފޮނުވައިލުން އަރުވައިލުން ހުންނަނީ ކިތަންމެ ދަރަޖައަކަށެވެ
އަރުވާހިފުން
މ (1) ހިފުމުގައި ބައްދާފައި ހުރިތަނުން ކުރިޔަށްގެންގޮސް ހިފުން (2) ތިމާގެ ބާރުގަދަ ކުރަމުން ކުރިއަރުވަމުން ގެންދިއުން (3) ބައްޔެއް ފަދަ ކަމެއް ފެތުރެމުން ދިއުން
އަރުވާޖެހުން
މ އަނދެގެން ހުންނަ އެއްޗެއް ކޮށިކުރުން މިކަން ގިނައިން ކޮށް އުޅެނީ ކޮންމެވެސް މަސައްކަތެއް ކުރާންވެގެން އަނދެގެން ހުންނަ އެއްޗަކުން ދަތިވަންޏާއެވެ
އަރުމާޒުލަވަ
ނ ބޭފުޅުން ކަނޑުބޭރުފުޅުކުރާ ދުވަސްދުވަހު ނުވަތަ ބޭފުޅަކު ޢިއްޒަތުގައި ދަތުރަށް ނުވަތަ ދަތުރުން އަރާވަޑައިގަންނަވާ ދުވަހު އޮޑިކޮޅުގައި ފުމޭ ލަވަތަކެއް މިލަވަތައް ފުމޭނީ ކަނޑިންމައާއި ބަނދަރާއި ދޭތެރޭ އޮޑިކޮޅު ޖަހައި ހަތްހޭރިޔާއިން ކޮންމެ ދެހޭރިޔާ ދޭތެރޭ " ހޭރިޔާ" އެވެ ކިޔާ ލަވައަކަށް ފަހުގައެވެ
އަރުދު
ނ ތިންމައިގަނޑު ވިޔަ ހަދާއިރު ހަމައެކަނި ގުނަކޮށްގެން ޖަވާބު ހޯދާ ގޮތަކަށް ކިޔާނަމެއް މިސާލު: ފަސްލާރިއަށް ދެވައްކެޔޮ އަގުން ބާރަވަކަށް ވާނޭ އަގު ހޯދާނަމަ ފަންސަވީހާއި ބާރަޔާއި ގުނަކޮށް ނިކުތް އަދަދު )ތިންސަތޭކަ( ކަނާތް ފަރާތުން އެއް އަކުރު ކަނޑާލީމާ އޮންނާނީ )ތިރީސްލާރިއެވެ ( މިއީ ބާރަ ވަކަށް ވާނޭވަރެވެ
އަބަނޭރުން
މ ކަމެއް ކޮށްކޮށް ނުނިމުން
އަބަދު
ކއ ނިމުމެއްނެތް
އަބާރަނަ
ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ
އަބާދާއިއަބަދު
ނ (1) ތާއަބަދު (2) ކެނޑިނޭޅި (3) ހުއްޓުމެއްނެތި
އަބުރާބެހުން
މ (1) މީހެއްގެ އަބުރަށް އުނިކަންލިބޭފަދަ ބަހެއް ބުނުން (2) ނުވަތަކަމެއް ކުރުން
އަބުރުހިފެހެއްޓުން
މ އަބުރާއި ޚިލާފުކަމެއްނުކުރުން
އަބުއި
ނއ (1) ގެއްލުންދެނިވި (2) ޢިއްޒަތްތެރި (3) ރައްޓެހިނޫން (4) ބެހެންނުވާ (5) ހައިބަތުހުރި މިސާލު: ކުޑަކުދީން ނުބެހެންވީ ކަންތަކާ ބެހެން އުޅެފިނަމަ ތިޔައީ އަބުއިކަމެކޭ ބުނެއުޅެއެވެ ޢިއްޒަތްތެރީންނާ މެދުވެސް އަބުއިމީހެކޭ ބުނެއުޅެއެވެ
އަބުޖެހުން
މ (1) އަބުވެއްދުން (2) މަޖާޒު: ކަމެއް ވިޔަނުދިނުމަށް ހުރަސްއެޅުން
އަޅަމެން
ނ އަޅުންގެ ގޮތުގައި ބަޔަކު ވާހަކަ ދައްކާއިރު އަހަރެމެންނޭ ބުނާބަސް މިބަސް ބޭނުންކުރަނީ ކަލާނގެ ކިބަޔަށް ދަންނަވާ އިރުގައެވެ
އަޅު
ނ (1) ކޮންމެ އިންސާނަކީ ﷲގެ އަޅެއް (2) މީހަކަށް މިލްކުވެފައިވާ މީހާ (3) މިނިވަންކަން ލިބިގެންނުވާމީހާ (4) ދުޢާކުރާއިރު ނިކަމެތިކަމުގެ ގޮތުން "އަހަންނޭ" ބުނާބަސް
އަޅޯސާ
ނ ބޭސްހަދަން ގެންގުޅޭފަތެއް. މިފަތް ހުންނާނީ ދަތްކުރަނދު ފަތްހެން އެއަށްވުރެ ބޮޑެތި ކޮށެވެ މިއީ މޭގެ ބަލިބައްޔަށް ރަނގަޅު އެއްޗެކެވެ މީގެގަހަކީ މެދުމިނުގެ ގަހެކެވެ މިއަށް "އާޑައްތޮޑާ" ވެސް ކިޔައެވެ
އަކަރަ
ނ )މ ( ފަޅުމަތީގައި އުޅޭ މެދުމިނުގެ މަހެއް
އަކުރުބޯލަނޑާ
ނ )އ ( ބޮލުގައި ކުރެހުމެއް ހުންނަ ނޫލަނޑައެއް