radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
އައްސިމަޑި
ނ ބުރަކަށިމަތީ ކުދިކުދި ކަށިތަކެއް ހުންނަ މަޑިއެއް މިއީ އައްސި އޮރިޔަށްވުރެ އައްސިކުރާގޮތް ގަދަ އެއްޗެކެވެ މީގެ މަސްކައެއް ނޫޅެއެވެ
އަވިހި
ނ (1) ދޮންދޫނި ތެރޭގެ ބާވަތެއް މި ހުންނާނީ ދޮންދޫންޏަށްވުރެ ކުދިކޮށް ރަތްކޮށްނެވެ މިއުދުހޭނީ މާ އަވަސް އަވަހަށެވެ (2) ނަކަތް ކިޔާއިރު ހުވަން ނަކަތުގެ ކުރީން ކިޔާ ނަމެއް އެކަމަކު މިއީ ދުވަހެއް ނާންނަ ނަކަތެވެ އަށާވީސް ނަކަތް ހަމަވަނީ މިނަކަތް ލައިގެންނެވެ (3) މަޖާޒު: ހަލުވިކޮށް އުޅޭ މީހުންނާމެދުވެސް މީގެ މިސާލު ދެއެވެ
އަމަރާލި
ނ ކޯއްޓޭ ދިދައިގެ މައްޗަށް ނަގާ ހަނިދިގު ކަފި ދިދައެއް މީގެކުރީގައި ލައިފައި ހުންނަ ދެވާގަނޑު ބިންމަތީގައި ޖެހޭ ވަރުވާނެއެވެ
އަމާ
ނ މައިމީހާ
އަމާނާތް
ނ (1) މީހުންގެ އަތުގައި ދުވަސްކޮޅަކު ރައްކައުކޮށްފައި ބެހެއްޓުމަށްޓަކައި މީހުން ބަހައްޓާ ތަކެތި (2) ޚިޔާނާތުގެ އިދިކޮޅު
އަމާންދިދަ
ނ (1) އިހުގައި ރަދުންނާއި ގަނޑުވަރުތެރޭ ހަތްކޮޅުނަގާ ބޭފުޅުން ޢިއްޒަތަށް ވަޑައިގަންނަވާއިރު ކުރީގައި ޖަޑިބު ހިފައިގެން ހުންނަ ބޮޑު ދިދަ މިހާރު އެދިދައިގެ ބަދަލުގައި ހުންނަނީ ޤައުމީ ދިދައެވެ މިހިފަނީ އެކަމަށް ޚާއްޞަ ކުރައްވައިފައި ހުންނަ މީހެކެވެ (2) އަމާން ދިންކަމުގެ ނިޝާން
އަމާޒުފަތްގަނޑު
ނ (1) ބަޑި ނުވަތަ ދުނި އަމާޒަށް ޖަހާން ފަރިތަކުރާއިރު އެދިމާގައި ބަހައްޓައިފައި ހުންނަ ފިލާގަނޑު މީގައި ހުންނާނީ ފާހަގައެއް ލައިފައެވެ މަޖާޒު: (2) ކަމެއްކުރާން ގަސްދުކޮށްފައިވާގޮތް (3) ތިމާ ނުހަނު ބޮޑަށް އެދޭކަމަކާއިމެދު މަސައްކަތްކޮށްގެން ލިބޭން އަންނަފޮނި ނަތީޖާ
އަމިއްލަކަން
ނއނ އެހެންމީހެއްގެ ބާރެއް ނުހިނގާކަން
އަމީރު
ނ (1) ކިލެގެ ބޭކަލުންނާއި ރަސްކަލުންގެ ފިރިހެން ބޭފުޅުންގެ ނަންފުޅުގެ ކުރިޔަށްލާ ލަޤަބެއް (2) އަމުރުކުރާމީހާ
އަމީރުކަން
ނއނ (1) އަމީރުގެ ނއނ (2) ވެރިކަން
އަމުރުމަޢުރޫފު
ނ (1) ކީރިތި ﷲ ނަހީކުރެއްވި ކަންތަކުން މީސްތަކުން މަނާކޮށް އަމުރު ކުރެއްވިކަންތައް ކުރުމަށް މީސްތަކުންނަށް އަންގާ އެންގުން (2) ރަސްކަމުގެ އަމުރުތައް ހިންގަވާ ހިންގެވުން
އަދަރަކީ ދަގަނޑު
ނ ބަޑިކުޅިހަދާން ގެންގުޅޭ ދަގަނޑެއް. މިއޮންނާނީ އިނގުރުގަނޑެއްގެސިފައިގައެވެ. މީގެ ދަގަނޑު ތާސްދަގަނޑަށްވުރެ ބަޑިކުޅިޔަށް އަޅަންރަނގަޅެވެ
އަދާކުރުން
މ (1) މީހަކަށް ދޭންވެފައި އޮތް އެއްޗެއް ދިނުން (2) ތިމާގެވާޖިބު ފުރިހަމަ ކުރުން
އަދީބު
ނ ބަހުގެ ޢިލްމު ދަންނަމީހާ
އަތަ
ނ (1) މަޝްހޫރު ފޮނި މޭވާއެއް މީގެ ދެބާވަތެއްހުރެއެވެ އެއީ ދިވެހި އަތައާއި ވިލާތު އަތަޔާއެވެ ދިވެހި އަތަ ހުންނަނީ ފެހިކުލައިގައި ފިތްތަކެއް ހެން ވަށްކޮށެވެ ވިލާތު އަތަ ހުންނަނީ މުށިކުލައިގައި ބޭރު އޮމާންކޮށެވެ (2) ހުޅަނގުގެ ތޭރަވަނަ ނަކަތުގެ ނަން
އަތަރު
ނ މީރުވަސްދުވާ މަޝްހޫރު ތެލެއް. މީގެ ކިތަންމެ ބާވަތެއް ހުރެއެވެ. މިސާލު: ފިނިފެންއަތަރު މަލުއަތަރު
އަތަރުކެއްކުން
މ (1) އެއިން އަތަރުނެގޭ ތަކެތި ކައްކައިގެން އަތަރު ނެގުން (2) މީރުވަސްދުވާ އެއްޗަކުން އަތަރު ނެގުން
އަތަރުގޭމީހުން
ނ އަތަރުގެއަށް ދައުލަތުން ލައްވާފައިތިބި މަސައްކަތުމީހުން. މަތިގެފޮޅާ ދުވާލަކު އެއްފަހަރު ފެންފޮތިލާ އަހަރަކު އެއްފަހަރުދޮވެ ގަނޑުވަރުތެރެޔާބެހޭ ހިސާބުގައިހުންނަ ލަންޓަންތައް ބަލަހައްޓައި ހަދާނީވެސް މިމީހުންނެވެ
އަތާއަތާލުން
މ އެކެއްގެ އަތްތިލާގެ އިނގިލިތައް އަނެކެއްގެ އަތްތިލާގެ އިނގިލިތަކު ތެރެއަށްލާ މަހާ ބައްދައިގެން ދެމީހުންމެ ބާރުލައި އެކެއްގެ އަތް އަނެކަކު އަނބުރައިލުމަށް ބާރުލުން
އަތުރާހަނޑަސް
ނ (1) އަތްކަންކުރާމީހުން ރަންރިހީގެ ނަރުގެ ކުރެހުން އަޅާއިރު އެނަރު އަތުރާންގެންގުޅޭ ކުޑަ ހަނޑަސް (2) ގަޑިހަދާން ގެންގުޅޭ ޚާއްޞަ ހަނޑަސް