radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
ފުއްޕުން
މ (1) ބޯޅައާއި ހަންފަދަ އެއްޗިއްސަށް ވައި ވެއްދުން (2) އެތެރެއަށް ވައިވަދެގެން އުފުލުން (3) ހަކުރު މަޅުކުރުން (4) ބަތަށް ހަކުރުލައި މަޅުކުރުން (5) ހަމަ އެއްޗެއްވަކި ބައްޓަމަކަށް އުފުލުން (6) ބައެއް ދިރޭ އެއްޗެހި ރުޅިއައިސްގެން ހަށިގަނޑު ބޮޑުކޮށްލުން މިސާލު: ކޮލިފުއްޕުން (7) މަޖާޒު: ވަރުގެ ކޮޅަށް ނަލަހެދި ފަރިވުން
ފުމުން
މ (1) އެކިއެކި އެއްޗިއްސަށް އަނގައިގައި ހުންނަވައި ފޮނުވުން (2) ބައެއް ކަހަލަ އެއްޗެއްސަށް އަނގައިން ވައި ފޮނުވައިގެން އަޑުނެރުން މިސާލު: ތާޅަފިލި ފުމުން (3) މީހަކު ނުވަތަ ދިރޭއެއްޗެއް އަމިއްލަ ބާރާއެކު ހަށިގަނޑު އުފުލާލައި ކުށްލިއަކަށް އެއްތަނުން އަނެއްތަނަށް ދިއުން
ފުފުން
މ (1) އެއްޗަކަށް ވައިޖެހުމުގެ ސަބަބުން އެ އެއްޗެއް ބޮޑުވުން. (2) ކާއެއްޗެހި ފިހުމަށް ފުށްގަނޑު މޮޑޭއިރު އަޅާ އެއްޗެއްގެ ސަބަބުން އެ އެއްޗެއް ފިހެވެމުން ދާއިރު އުފުލުން. (3) ދިރޭ އެއްޗެއް މަރުވެގެން ގިނައިރުވުމުން ފިލުނދުވެގެން ބޮޑުވުން. (4) ހައްޔަރުގައި އިނުމުގެ ސަބަބުން ނުވަތަ ގިނައިން ކެއުމުގެ ސަބަބުން ބަނޑު ބޮޑުވުން (5) މަޖާޒު: ރުޅި ގަދަވެގެންގޮސް ރުޅީގެ އަސަރު މޫނުމަތިން ފާޅުވުން
ފުފޭ
ނ ކެއްކުމާއި ހަނޑޫ ދޮވުން ފަދަ ކަންތަކަށް ބޭނުންކުރާ ކަންވާރެއް މި ހަދައިފައި ހުންނަނީ މުށީންނެވެ
ފުދިވޮޑިގެންވުން
މ އެހެން އެއްޗަކަށް ބޭނުންވެ ވޮޑިގެން ނުވުން )މިބަސް ބޭނުންކުރަނީ ހަމައެކަނި މާތްﷲ އަށް ނިސްބަތްކޮށެވެ
ފުދުނު ބަކަރި ހެދިގެން އުޅުން
މިސާލު: މީހަކު ހެދިހައިގޮތަކަށް ރުހިގެން އުޅުން
ފުލުފުލުން
ކއ (1) އެއްޗަކަށް ފަހު އެއްޗެއް (2) ވިދިވިދިގެން
ފުސްތުޅާ
ނ ބޭހަށް ބޭނުންކުރާ ގަހެއް މިގަހުގެ ފަތުގެ ދަށުގައި ފުސްކަމެއް ހުރެއެވެ މިއީ ހިސާބަކަށް ވާކޮށް ހެދޭ ގަހެކެވެ
ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ފޫހަރުކުރުން
މ (1) ކޮޅަށްޖަހާ އެއްޗެހީގައި ފޫ ނުގުޑާގޮތަށް ގަދަކުރުން (2) މަޖާޒު: ތަނަކަށް ގަދަކޮށްލުން
ފޫކިބަ
ނ (1) ކާށި ބިދެފައި އޮންނައިރު ލޯ ނުހުންނަބައި (2) ފާރޮށިޖޯޑުގެ މަތީ ކިބަ (3) މަލާފަތް ފަދަ ތަކެތީގެ ދަށުކިބަ (4) ދެބަޔަކަށް ހަދާފައިވާ ތަކެތީގެ ވަތުކިބަ
ފެހުރުގުންޑާ
ނ އިރުވައިގައި އެއްލާގުޑިއެއް މިއީ ތެލަނގަޔާ ވައްތަރުގޮތަކަށް ބޮޑެތިކޮށް ދިއްގާދަނޑިން ހަދައި ފަރަންޖީ ކަރުދާސް ހިއްޕައިފައި ނަގޫލައިގެން އެއްލާ އެއްޗެކެވެ
ފެށުން
މ (1) އަޒަލު (2) ކަމެއްގެ ޙަރަކާތް ހިނގައިގަތުން (3) "ނިމުން" މިބަހުގެ އިދިކޮޅު (4) ކަމަކަށް އިސްނެގުން (5) ޖަލްސާ ކޮންފަރެންސް ފަދަ ތަންތަން ހުޅުވުން (6) މަޒުމޫނު ބަޔާން ފަދަ ތަކެތީގެ ތަޢާރުފު
ފެނަށްއެރުން
މ (1) ކަސްއަޅައިފައި ތިބޭ މީހުންނާއި ގައިގައި ބޭސްގަނޑު ހިއްޕާފައިވާ މީހުން އެތަކެތި ފޫދުމަށްޓަކައި ފެންއަޅައިފައި ހުންނަ އެއްޗަކަށް އެރި ފޫއްދުން. (2) މާބަނޑުމީހަކު ފަރުވާއަށްޓަކައި ބޮޑެތި އެއްޗިއްސަށް ފެން ނުވަތަ ލޮނު އަޅައިގެން އެއަށް އެރި އޮތުން (3) ފެންގަނޑަށް ފޭބުން
ފެނަށްދިރުން
މ (1) މޫދުގައި އުޅޭ މަސް ފެނުގައި ދިރިއުޅެވޭ ގޮތްވުން (2) މަޖާޒު: އަލަށް އަންނަ މީހަކު ތަނަކަށް ހޭނުން
ފެނިލުން
މ ހިނދުކޮޅަކަށް ފެނުން
ފެނުފަޅޮލަށްވުން
މ މަޖާޒު: (1) އެއްޗަކަށް ނުވުން (2) ތާކުންތާކުނުޖެހުން
ފެނުފަޅޯ
ނ (1) ފެނުކެއްކިފަޅޯ (2) މަޖާޒު: ހިތްވަރެއްނެތް މީހާ (3) އެއްޗަކަށް ނުވާމީހާ
ފެނުޖެހުން
މ (1) ދަގަނޑުން ހަދައިފައި ހުންނަ އެއްޗެއްސަށް ހަރުކަން ގެނައުމަށްޓަކައި ދޮންކޮށްފައި ވަކިގޮތަކަށް ފެނުގައި ޖެއްސުން. (2) ބާރަށް ކުރިއަށްދާ އެއްޗެއް ފެންގަނޑުގެ މަތީގައި ނުވަތަ ބިމުގައި ޖެހިފައި ނައްޓާލައިގެން ކުރިޔަށް ދިއުން
ފެންނާމަނިކުފާނު
ނ ދީދި ކިޔާ މީހަކަށް ފެންނާ ކަމަށް ކޮލިލީމާ ކިޔާގޮތް