radheef.info
ރަދީފު


ދ
ނ (1) ތާނައިގެ ބާރަވަނަ އަކުރު (2) ދިވެހި ވިޔައަކުރުގެ ތިނެއް
ހުސިޔާރު
ނއ (1) ވިސްނުންތޫނު (2) ކަންތަކަށް ކުޅަދާނަ (3) ޗާލާކު
ހުސިޔާރުކަން
ނއނ (1) ވިސްނުން ތޫނުކަން (2) ކަންތަކަށް ކުޅަދާންކަން (3) ކަންތަކަށް ތައްޔާރުވެހުންނަކަން
ހުސިޔާރުވުން
މ (1) ވިސްނުންތޫނުވުން (2) ކަންތަކަށް ކުޅަދާންވުން (3) ޗާލާކުވުން
ހުސެންދަރި
ނ (1) އޮޑިދޯނިފަހަރުގެ ހުރަސްފިލާގެ ދެކޮޅުގައި ވާއައްސާން ލަކުޑިން ޖަހާފާ ހުންނަ ދެމޫޓު (2) )ޒ ސ ( އޮޑިދޯނިފަހަރުގެ ދިރުނބާކޮޅުގައި ވާއައްސާން ހުންނަ ދެމޫޓުގެ ތެރެއިން ކުޑަވަނި ފަރާތުގައި ހުންނަ މޫޓު
ހުސް
ނއ (1) އެއްޗެއްނެތް މިސާލު: މިއީ ހުސްފުޅިއެކޭ ބުނެފިނަމަ އެއީ އެއްޗެއްނެތް ފުޅިއެކެވެ (2) މުޅީން (3) އެކީ މިސާލު: މިދަތުރުގެނައީ ހުސްހަކުރޭ ބުނެފިނަމަ އެއީ މިދަތުރު ގެނައީ މުޅިން ހަކުރެވެ ނުވަތަ މިދަތުރު އެކީގެނައީ ހަކުރެވެ (4) މީހަކުނެތް މިސާލު: ހުސް މަޤާމް (5) ހަމައެކަނި މިސާލު: ކެއީ ހުސްބަތް
ހުސްނުހީނާ
ނ މީރުވަސްދުވާ މަލެއް އަޅާގަހެއް މިއީ ވާކޮށްފެތުރި ހެދޭގަހެކެވެ މިއީ ފަތްގިނަ ގަހެކެވެ މާހުންނާނީ މަޑުފެހިކުލައިގައި ކޯޅިކޯޅިއަށެވެ މިމާހުންނާނީ ކުޑަކޮށް ހިމަދިގުކޮށެވެ މީގެ މަލުގައި ހުންނަނީ ފަސް ފިޔައެވެ މިގަހުގައި އަޅާމާ ހަތްފަހަރަށް ފޮޅެއެވެ
ހުސްބަނޑާހުރުން
މ ހެނދުނު އެއްޗެއް ނުކައި ހުރުން
ހުސްބުޅީގައިގަތުން
މ (1) އެންނާޅާ ބުޅީގައި މަސްގަތުން (2) މަޖާޒު: ފިރިހެނަކު ކޮށްލާ ކުޑަކުޑަ އިޝާރާތަކަށް އަންހެނަކު ޖިންސީގޮތުން އިޖާބަދިނުން
ހުސްކަރުބެއްދުން
މ )ލ ( ފުސްކަރުބެއްދުން މިއީ ހިފުމުގެތެރޭ ގެންގުޅޭ ބެއްދުމުގެ އުކުޅެކެވެ ނުވަތަ ބައްދާ ބެއްދުމެކެވެ
ހުސްކުރުން
މ (1) އެއްޗެއްގައި ނުވަތަ ތަނެއްގައި ހުރި އެއްޗެއް ނުބަހައްޓައި ނެރުން ނުވަތަ ވަކިކުރުން (2) އެއްޗެއްގައި ހުރި އެއްޗެއް ނުހުންނާނޭގޮތް ހެދުން
ހުސްވިމަސް
ނ (1) އެންމެފަހުން ވެއަތުވެދިޔަމަސް (2) ހުއްސިމަސް
ހުސްފުށަތުންލުން
މ ފަސްކޮށް ކުޅޭއިރު ކުރާކަމެއް. މިކަންކުރާގޮތަކީ ފަސްއޮށްބައި މައްޗަށް އެއްލައި އަތުގެ ފުށަށް ދިމާކޮށް ފުށަތަށް އެޅުނުއޮށްތައް ފުށަތުން މައްޗަށް އެއްލައި ހިފުމެވެ
ހުޑުލި
ނ )ސ.( މަހުގެ ނިގުލުގައި ތިއްކެއްހުންނަ ލަނޑަޔާވައްތަރު މަހެއް މިއުޅޭނީ ދޮންފަޅު ފަޅުގައެވެ
ހުޑޫ
ނ )ސ ( ފިލޮޅު ޒާތުގެ މަހެއް މީގެ ނަގޫފަތުގައި ލަފެއް ހުންނާނެއެވެ މިމަހުގައިވަރަށް ބޯކޮށް ހުޅުބުހުންނާނެއެވެ މިމަސް ހުންނަނީ ހުދުކުލައެއްގައެވެ
ހުޓިކަދެރާ
ނ )ގ ( ފުށްކަނދުރާ
ހޫ
ނ )ޏ ސ ( (1) ލޯލި (2) އުއްދަނޑިފަތާއި އޮނުފަތް ފަދަ ފަތްފަތުގައި ހުންނަ ތޫނު ކެހެރި (3) )ލ ( ހުއި
ހޫނި
ނ )ޏ ( ކާށިގަބުޅިފަދަތަކެތި ހުނިގޮނޑި ފަދައެއްޗަކުން ގޭނީމާ ނުކުންނަކުނޑި
ހޫނު
ނ (1) ފިނީގެއިދިކޮޅު (2) އަލިފާނާއި ކައިރިވީމާ ކުރާއަސަރު (3) އަވީގައި ހުރީމާ ހަށިގަނޑަށް ކުރާ އަސަރު (4) )ގ ( ކާށިހުނި މަޖާޒު: (5) ރުޅި (6) ފޯރިގަދަ (7) ގަދަޒުވާބު
ހޫނުބޮނޑި
ނ ފޮތިގަނޑެއް ގުޅަކޮށް އަނގައިގައި ޖައްސައިގެން ފުމެ ހޫނުކަންދީފައިވާ ފޮތިބޮނޑި
ހޫނުކަން
ނއނ (1) ފިނީގެ އިދިކޮޅުކަން (2) އަލިފާނާއި ކައިރިވީމާ ހޫނުގެ އަސަރުކުރާކަން (3) އަވީގައި ހުރީމާ ހަށިގަނޑަށް ހޫނުގެ އަސަރުކުރާކަން މަޖާޒު: (4) ރުޅީގެ އަސަރުހުރިކަން މިސާލު: މިއަދުގެ މެޗު ހުއްޓާލީ މާބޮޑަށް މެޗު ހޫނުވުމުގެ ސަބަބުންނެވެ (5) ފޯރިގަދަކަން (6) ގަދަ ޒުވާބުކުރާކަން