radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
އެންދުން
މ (1) އަންދާނޭގޮތް ހެދުން (2) ނާށި ދަރުފަދަތަކެތީގައި ރޯކޮށްގެން އަލިފާނަށް ހެދުން (3) ކޮންމެވެސް ބައްޔަކަށްޓަކައި މީހުންގެގައިގެތަން ތަން ފިއްސުން (4) މެއިންހޫނުނެގުން
އެންގުން
މ (1) ދުލުން ނުވަތަ ގަލަމުން ނޫނީ ލިސާނަކުން ދޭހަކޮށްދިނުން (2) ޚަބަރު ދިނުން
އެރުވުން
މ (1) ތިރީން މައްޗަށް އެއްޗެއް ފޮނުވުން. މިސާލު: ގުޑިއެރުވުން ބެލޫނު އެރުވުން (2) މޫދުގައި ނުވަތަ ގޮނޑުދޮށުގައި އޮތް އެއްޗެއް އެއްގަމަށް ގެނައުން (3) އެއްޗެއްގެ ތެރެޔަށް އެއްޗެއް ބާރުކޮށް ވެއްދުން (4) މީހަކަށް އެއްޗެއް ދިނުމަށް މާތްބަހުން ބުނާގޮތް (5) ދުއްވާ އެއްޗަކަށް މުދާލުން (6) ބައެއް ޒާތުގެ ކެޔޮޅުކަން ކުރާން ބަރެއްލާފައި ނަނުފެއްތުން (7) މީހެއްގެ ނުވަތަ އެހެންވެސް ދިރޭއެއްޗެއް ފެންގަނޑަކަށް ބޭލުން
އެޅުން
މ (1) އެއްޗެއްގެ ތެރެއަށް އެއްޗެއް އޮއްސުން މިސާލު: ކުރަޔަށްފެން އެޅުން (2) އެއްޗެއްގައި އެއްޗެއް ބެހެއްޓުން މިސާލު: ތައްޓަށްބަތްއެޅުން (3) ކާށިކުރުނބާފަދަ ތަކެތި ރުކުން ބިނުން (4) އެކަތި އަނެކައްޗަށް ފުށުއަރައި ނިވައުވުން (5) ފުރާދުއްވާ އެއްޗެތި ބަނދަރެއްގައި ނުވަތަ ފަޅެއްގައި ދުރަށް ނުދާނޭގޮތަށް ހަރުކުރުން (6) ގަސްގަހާގެހީން މަލާއި މޭވާނުކުތުން (7) އެއްޗެއްގެ ބައެއް އަނެކައްޗެއްގައި ޖެހި ހަރުލާނޭގޮތްވުން (8) ބޭސްފަދަތަކެތި ގައިގާ ބޯކޮށް ތަތްކުރުން (9) އަދުންފަދަ ތަކެތި ލޮލުގެ ރަވައިގާ ކާއްތައިލުން )01( ތަވީދުފަދަ ތަކެތިގައިގާ ބަނުން (11) ހަށިގަނޑުގެ ގުނަންތަކުގައި ގަހަނާ ފަދަ ތަކެތި ހަރުލާގޮތް ހެދުން (21) ހެދުން ގަޔަށްލުން )31( ތާކިހާ ރުމާފަދަ ތަކެތި ބޮލުގައި ބެހެއްޓުން )41( ފާފަވެރިވާ ގޮތުން އެކަކު އަނެކަކާ ޝަހުވާނީ އެދުމުގައި ކަމެއް ކުރުން މިބަސް ގިނައިން ބޭނުންކުރާނީ އެއްޖިންސްގެ ދެމީހުން މިބާވަތުގެ ކަމެއް ކުރީ މައެވެ
އެކަތަ
ނ ސާފުކޮށް ކާރބަންއާ އެއްކޮށްފައި ހުންނަ ދަގަނޑު އާދައިގެ ދަގަނޑަށްވުރެ މިދަގަނޑު މާހަރުވާނެއެވެ
އެކިއެކި
ނއ އެކެއް އެކެއް މިބަސް ބޭނުންކުރަނީ ގިނަބައެއްގެ ތެރައިން ނުވަތަ ގިނައެއްޗެހި ތަކެއްގެ ތެރައިން އެކަކުން ވަކިކޮށް ބުނުމަށެވެ
އެކުއެކުގައި
ކއ (1) ވަކިވަކިނުކޮށް (2) ވިދިވިދިގެން (3) އެއްފަހަރާ
އެކުލެވުން
މ (1) އެކުވެރިވުން (2) ތަރުތީބުކޮށް ރޭވުން
އެކޮޅުމިކޮޅަށްވިސްނުން
މ ހުރިހާ ފަރާތަކަށް ފިކުރުކޮށް ބެލުން
އެއްކުރާނަވަތަ
ނ ހިސާބު ދަސްކުރާ ކުދިންނަށް އެއްކުރާން ކިޔާގޮތް ދަސްކޮށްދޭން ހަދާފައި އޮންނަ ނަވަތަ
އެއްކޮށްލުން
މ އެއްކުރުމަށް ލުއިކޮށް ބުނާގޮތް
އެއްމެދު
ނއ ދެމީހަކަށް ނުވަތަ އެއަށްވުރެ ގިނަ ބަޔަކަށް އެއްވަރަށް ބެހޭންވާ. މިބަސް ގިނައިން ބުނެއުޅެނީ އަނބިމީހާވެސް އެއްޗެހި ހޯދުމަށް މަސައްކަތްކޮށް ތަކެތި ހޯދުމުގެ ސަބަބުން ދެމަފިރީންނަށް އެއްވަރަށް ބެހޭ މުދަލާ މެދުގައެވެ
އެއްމެދުވުން
މ ދެމީހަކު ނުވަތަ އެއަށްވުރެ ގިނަ ބަޔަކު މަސައްކަތް ކޮށްގެން ހޯދުނު މުދަލަކަށް ވުމުގެ ސަބަބުން މުދައު އެމީހުންނަށް ހަމަހަމައަށް ބެހޭގޮތްވުން
އެއްމެދުމުދައު
ނ ދެމީހަކު ނުވަތަ އެއަށްވުރެ ގިނަ ބަޔަކު މަސައްކަތްކޮށްގެން ހޯދި މުދަލަކަށް ވުމުގެ ސަބަބުން އެއެންމެންގެ މެދުގައި ހަމައަށް ބެހޭންވެފައިވާ މުދައު
އެއްތެޔޮ
ނ ވައުކޮށް ވެލަށް ހެދޭ ގަހެއް. މީގެ ގަސްގަނޑު ހުންނާނީ ދުރުދުރުގައި ބަދަ ޖަހައިފައެވެ. މިއީ ވަރަށް ދިގުވާ މަޑު އެއްޗެކެވެ އަދި ވަރަށް ތަތްކޮށް ހުންނަ ގަދަ އެއްޗެކެވެ އެއްތެޔޮވަށި ހަދައި ގޮނޑީގައި އެއްތޮޔަ ފުރާ ހަދަނީ މިއިންނެވެ މީގެ އެތެރޭގައި ބަނބުކެޔޮ މުލުގައި ހުންނަހެން ލޯވަޅު ހުންނާނެއެވެ
އެއްތެޔޮމަޅި
ނ ދަނޑިގަނޑެއްގައި ހަތަރު މަޅި ނުވަތަ އަށް މަޅި ނޫނީ ސޯޅަ މަޅި ވަކިގޮތަކަށް ހަރުކޮށްފައި އެތެރެއަށް ނަނުފަށެއް ލައްވައިގެން ގެންގުޅޭ އެއްޗެއް މިއީ ފޫހި ފިލުވަން ގެންގުޅޭ ކުޅިވަރެއްގެ ގޮތުގައި ވަކި ގަވާއިދަކުން އަޅުވާ ނައްޓާ ހަދާ އެއްޗެކެވެ
އެއްލުން
މ (1) އަތުން އެއްޗެއްގައި ހިފާ އެ ދުރަށްދާނޭހެން އަތުން ދޫކޮށްލުން. (2) ގުޑި ތެލަނގަ ފަދަ ތަކެތި ހިފައިގެން ހުރެފައި ނަނުގައި ހުންނަ މީހާ ބުނީމައި މައްޗަށް އަރައިގެން ދާނޭހެން ދޫކޮށްލުން. (3) މަސްބޭނުމަށްޓަކައި ނަނުގެ އެއްކޮޅު ހޫރާލުމާއެކު މޫދަށް ދޫކޮށްލުން. މިހެން ހަދަނީ ނަނުގެ ކޮޅުގައި އޮންނަ ބުޅީގައި އެން އަޅައިފައެވެ. )އެއްލި ނނކ އެއްލައިފި ނކ އެއްލަނީ ވވ އެއްލާނެ ވނ އެއްލާ! އމ
އެއްޗެހިމޮށުން
މ މީހަކަށް ދެރައެއް ދިނުމުގެ ގަސްތަކުގައި އަނެކާ ގާތު އެމީހާ ނުބައިމީސްކޮށް ވާހަކަދެއްކުން
އެވަރުވުން
މ (1) އެގޮތްވުން (2) އެހިސާބަށް ކަން ކުރެވުން މިސާލު: މީހަކު ތާކަށްގޮސް އުޅެއުޅެ އެއްކަމެއްވެސް ނުވެގެން އައިމާ އޭނާ ދެރަކޮށްލުމުގެ ގޮތުން "މަދިޔަނަމަވެސް އެވަރުވެއްޖައިހޭ" ބުނެއުޅެއެވެ ދެމީހަކު ދޫނުކޮށް ހިފަމުންގޮސް މާބޮޑަށް ވަރުބަލިވީމާ "އެވަރުވީއިރުވެސް ދުލެއް ނުކުރެއޭ" ބުނެއުޅެއެވެ
އެވެނި
ނއ ތިމާއަށް އެނގިފައިވާ ކަމަކަށް ނުވަތަ އެއްޗަކަށް އިޝާރާތްކޮށް ބުނާގޮތެއް މިސާލު: އެވެނިކަމެއް ނުކުރާށެވެ