radheef.info
ރަދީފު


ފިނދަނަ ފިނދަނަ ފިންދަޑިކޮޅު
ނ މަލިކުދަނޑި )ކުރުދަނޑި( ޖެހުމުގައި ގެންގުޅޭ ހަމައެއް
ފިނިހައް
ނ ތެތްފިނި ތަންތާނގައި އުޅޭ އެނބުރިފައިވާ ތޮށިގަނޑެއްގެ ތެރޭގައި އޮންނަ މަޑުން ދުވާ ސޫތްޕެއް މިއެތި ދުވަނީ އެތެރޭގައި އޮންނަ މަސްގަނޑުން ބައެއް ބޭރަށް ނެރެގެންނެވެ
ފިނިފެންޖެހުން
މ މާލޫދު ދެބައިކުރަން ތެދުވީމާ ހުވަނދުދީފައި ގުލާބުދާނުން މީރުވަސް ދުއްވައިފައި ހުންނަފެން ވިއްސުން އެކިއެކި ކުޅިވަރުތައް ކުޅޭ އިރުވެސް މިގޮތަށް ފެންވިއްސައެވެ
ފިނޭންފުރިގޮތަށް
)މިސާލުބަހެއް( ހައިބަނޑާ ހުރުމަށް ބުނެއުޅޭ ބަހެއް
ފިންދަނޑި
ނ ރާބަދީގެ އެތެރެ ދޮންނަން ގެންގުޅޭ ފިހިގަނޑު
ފިރިހެންދުޅާ
ނއ ފިރިހެންވެގެން އުޅޭ އަންހެނުންނަށް ބުނެ އުޅޭބަހެއް
ފިރިޖަވާހިރު
ނ ފިރިމީހާ ހެއުވުމުން ބުނެއުޅޭ ބަހެއް
ފިރުޢައުނުމުދާ
ނ ކަނޑުގައި ދިރިއުޅޭ ހަލުވިދާގަނޑެއް ކަހަލަ އެއްޗެއް މީގެ ވަކި ތަންކޮޅެއް ގައިގައި ޖެހުމުން ދިލަނަގާގޮތްވެއެވެ މީގެ ތަފާތު ވައްތަރުތައް ހުރެއެވެ
ފިއްތިފުޅި
ނ އިހުގައި ރަސްކަލުންނާއި އަމީރުންނާއި ވަޒީރުންގެ ސަންދޯންޕުޅު ގެންދާއިރު ފިނިފެން ޖަހަން ގެންގުޅޭ ފުޅިއެއް. މި ފުޅި ހުންނާނީ ފަތިކޮށް މެދަށް ފިއްތާލާފައެވެ މިއީ ނޫކުލައިގެ ފުޅިއެކެވެ މިފުޅި ފިނިފެން ޖަހަން ގެންދަނީ އުނަށްދިން ފޭއްޔެއް އޮޅާލައިގެންނެވެ
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފިތްކަނޑައިގެންދިއުން
މ ބިރު ނިހާޔަތަށް ދިޔަކަން ބަޔާންކުރުމުގެ ގޮތުން ބިރާ ގުޅުވައިގެން ބުނެއުޅޭ ބަހެއް މިސާލު: އެރޭ އެޖެހި ގުގުރިން އަހަރެން ބިރުން ފިތްކަނޑައިގެން ދާވަރުވިއެވެ
ފިލާ
ނ (1) ތުނިކޮށް ފަތިކޮށް ހުންނަ ލަކުޑި (2) ލަކުޑިން ތުނިކޮށް ހަދައި އޭގައި ލިޔެގެން ކިޔަވަން ގެންގުޅޭ އެއްޗެއް (3) ދަތުރުވެރިން އަރުޟާއި ޠޫލު ހޯދުމަށް ގެންގުޅޭ އާލާތެއް (4) "ފިލުން" މިބަހުގެ އަމުރު (5) )ބދ ( އުސްކޮށް ހެދޭ ގަސް (6) )ޏ ސ ( ކުކުޅު ފިޔޮއް
ފިލާގަނޑުބޯޅަ
ނ ކުޅޭބަށި
ފިލްމީދުނިޔެ
ނ ބައިސްކޯފް ފިލްމު އުފައްދާ މީހުންނާއި ފިލްމް ކުޅޭ މީހުންނާއި އެ މީހުންގެ ދިރިއުޅުމާއި ފިލްމް އުފެއްދުމާ ބެހޭ ދާއިރާ
ފިޔަލަ
ނ ކަނޑުގައި އުޅޭ ފަރުމަހެއް. މިއީ ފަތިދިގުކޮށް ހުންނަ މަހަކެވެ މީގެ ކޮތަރި ބޮލުން ފެށިގެން ނަގޫފަތާ ހަމަޔަށް ހުންނާނެއެވެ
ފިޔަލަ ކަކުނި
ނ ފެންގަނޑުގައްޔާއި މޫދުގައި އުޅޭ ކަކުނީގެ ތެރެއިން ފެން މަތިން ދުވެފައި އަންނަ ވައްތަރުގެ ކަކުންޏެއް މި ކަކުނީގެ ފަހަތުގައި ދެފިޔަފަތްގަނޑު ހުރެއެވެ
ފިޔަލަބޮލަށް އޮޑިދުއްވުން
)މިސާލުބަހެއް( ފުރާދުއްވާ އުޅަނދު ފަހަރު ވަކި މިސްރާބެއްނެތި ލާހޫރޭ ގޮތަށް ދުއްވުމަށް ބުނެއުޅޭ ބަހެއް
ފިޔަލީކަނޑާ
ނ ކަނޑާގެ ތެރޭގައި އުޅޭ ފިޔަލީ ވައްތަރު
ފިޔާދާ
ނ (1) ފިޔާ ދާގަނޑު (2) ކަރުދާހުން ކަފައިގެން ފިޔާދާގަނޑާއި އެއްގޮތަށް ހަދައިގެން އެލުވައި އުޅޭ އެއްޗެއް (3) ބިންމަތީގައި ހަނގުރާމަ ކުރާމީހާ
ފިޔޮއްކުކުޅު
ނ ފިޔޮއްތައް ގޮވައިގެން އުޅޭ ކުކުޅު