radheef.info
ރަދީފު


ނުން
އ (ޏ، ސ) (1) ނޫނޭ (2) ނޫންތަ؟
ފަނާ
ނ (1) މީހުނާއި ދިރޭ ކޮންމެ އެއްޗެއް ވާ މަރު. (2) އެއްޗެއް ނެތިދާދިއުން. (3) އޮޑިދޯނިފަހަރު އެޅުމަށް ނަގިލީގެ ބަދަލުގައި ބޭނުންކުރާ ގަލެއް. މިގައު އޮންނާނީ ވަށްކޮށް ފަތާކޮށް މެދުގައި ލޯވަޅެއް ތޮރުފައި އެތަނަށް ދަނޑިއެއް މަހައިފައެވެ
ފަނާހިލުން
މ (1) ފަނާ އޮތްތަނުން ގުޑައިލުން (2) މަޖާޒު: ނިދައިފައި އޮތް ކުޑަކުއްޖަކު ހޭލުން
ފަނާމައްޗަށްއިނުން
މ އޮޑިދޯނިފަހަރު ބަނދަރުކޮށްފައި އޮންނައިރު އެއަށްވާ ގޮތް ބެލުމަށް ރޭގަނޑު މީހަކު ހޭލާ އިނުން
ފަނިހިރުވުން
މ ފަނީގެ އުނދަގޫވުމުންނާއި ލޭނުބައިވުމުގެ ސަބަބުން އެތެރެ ހަށީގެ ބައެއް ތަންތަނުން ފަނިހިރުވާހެން ހީވުން
ފަނިކޮނުން
މ (1) މަސްބޭނުމަށް އެންގަނޑުގެ ގޮތުގައި ބުޅީގައި އެޅުމަށް ބޭނުންކުރާ ފަންޏެއް ކޮނެގެން ނެގުން. މިފަނި ނަގާނީ ދިޔަވަރު ހިކިފައި އޮންނައިރު ގޮނޑުދޮށުން ނުވަތަ ފަޅުމަތީގައި ހިކިފައި ހުންނަ ތަންތަނުންނެވެ (2) ފަނި އޭގެ ހަރުކޮނުން
ފަނިދިނުން
މ (1) މީހަކަށް ނުވަތަ ބަޔަކަށް ފިނި ފޮނި ބުއިމެއް ދިނުން. (2) ބައެއް ކަހަލަ މަސައްކަތް ކުރާއިރު އެމަސައްކަތްކުރާ ބަޔަކަށް ހިތްވަރު ދިނުމުގެ ގޮތުން ފޮނިބުއިމެއް ގެންގޮސް ދިނުން (3) ދަޢުވަތުދީގެން އަންނަ ބަޔަކަށް މަރުހަބާ ކިޔުމުގެ ގޮތުން ފޮނިބުއިމެއް ދިނުން
ފަނީބޭސް
ނ ފަނިވުމުން ފަނިން ސަލާތަތްވުމަށް ބޭނުންކުރާ ބޭސް. މިބޭސް ގުޅަބޭހުގެ ގޮތުގައްޔާއި ދިޔާ ބޭހުގެ ގޮތުގައި ހުރެއެވެ
ފަނީފަނީކުޅުން
މ (1) ކުޑަކުދިންކުޅޭ ކުޅިވަރެއް މިކުޅިވަރު ކުޅޭއިރު ބައިވެރިވާން ބޭނުން ހުރިހާ ކުދިންގެ ތެރެއިން ދެކުއްޖަކު ނުކުމެ އެއްކުއްޖަކު "ފަނީ ފަނީ ކޮން އެއްޗެއްހޭ"؟ ބުނާއިރަށް އަނެއްކުއްޖާ "މަޅިފައްޗޭ" ބުނެފައި ދުއްވައި ގަންނަނީއެވެ އެއީ ފަނި ހިފައިގެން ދިއުމެވެ އޭނާގައިގައި އަތްލުމުން ފަނިލިބުނީއެވެ
ފަންހުޅު
ނ ހިކިފަން ނުވަތަ ފަންވަތް އެއްކޮށް ބަނދެފައި އޮންނަ ބޮނޑިއެއް މިއީ އަލިފާން އެއްތަނުން އަނެއްތަނަށް ގެންދިއުމަށާއި އަލިކަމެއްގެ ގޮތުގައި ބޭނުންކުރުމަށް އަލިފާން ރޯކުރުމަށް ހަދާ އެއްޗެކެވެ
ފަންރިޔާ
ނ ފަނުން ވިޔެފައި އޮންނަ ހަތަރެސްކަން ރިޔާ
ފަންބަނުން
މ (1) ރުއްގުނުމުގައި ގުނަމުންދާ ރުއް ފާހަގަ ކުރުމުގެ ގޮތުން ފަންވަތް އެއްސުން (2) ރޮދު ލުމުގައި ބޭނުންކުރާ ވަލުގައި ފަންއެއްސުން
ފަންބިތް
ނ ފަނުން ހަދައިފައި ހުންނަ ބިތް
ފަންބޮނދި
ނ ދަނޑިފަނުން ހަދައިފައިހުންނަ ޖިފުޓި
ފަންކާ
ނ ވައިޖައްސަން ބޭނުންކުރާ އެއްޗެއް މީގެ ވައްތަރުތައް ވަރަށްގިނައެވެ
ފަންކާރުއް
ނ ވަށްކޮށް ފަން ހުންނަ ރުކެއް މިރުކުގެ ފަނުން ފަންކާ ހަދައެވެ
ފަންކާކުރުން
މ ވިހެދިނުން
ފަންކާތުނޑު
ނ ފަންކާ ރުކުގެ ފަނުން ހަދައިފައިވާ ފަންކާގެ ވަށައިގެން ވިހޭ ފަށާ ގުޅޭ ހިސާބުގައި ގުދުގުދު ލައްވައިފައި ހުންނަ ތުނޑުބައި
ފަންކުޅުން
މ ދިވެހި އަންހެނުން ކުޅޭ ކުޅިވަރެއް މިއީ ކުޅޭ މީހުން ދެބަޔަށް ބަހައިލައިގެން ގިނަ ބަޔަކު ކުޅޭ ކުޅިވަރެކެވެ މިކުޅިވަރު ކުޅޭއިރު ކޮންމެ ކޮޅެއްގައިވެސް ފަނަކަށް ބަހައްޓާ މީހެއްގެ ގައިގާ ނުވަތަ އެއްޗެއްގައި އަތްލައިފައި "ފަނޯއި" މިހެން ގޮވުމުން ލަނޑެއް ދެވުނީއެވެ
ކޯރި ބަލާ! ފަންކޯރި
ނ ފަނުން ހަދައިފައި ހުންނަ ކޯރި
ފަންކޯރިބަނުން
މ ފުރާޅުގެ ތެރެއިން މައްޗަށް އަރައިފައި ހުންނަ ގަސްގަހާއި ވަސްމުޑި ފަދަ އެއްޗެހީގައި ބިންފަތްގަނޑެއްގެ ހުނގުލު ރޯނުން ތިރި ފުރާޅުމަތީގައި ޖެހޭނެހެން އެފަންގަނޑެއް އެއެއްޗެއްގެ ވަށައިގެން ބާރަށް އޮޅާ އެއްސުން