radheef.info
ރަދީފު


ވ
ތާނައިގެ ނުވަވަނަ އަކުރު
ލަދުގެންނެވުން
މ މީހަކަށް ކުރެވިފައިވާ ދެރަކަމެއްގެ ވާހަކަ އެހެން މީހުންގެ ގާތުގައި ދައްކައި އެމީހަކު ލަދުގަންނާނޭގޮތް ހެދުން
ލަދުގޮވުން
މ (1) ހުތުރު އެއްޗެހި ކިޔުން (2) އަވަގުރާނަ ގޮވުން
ލަދެއްގައި ބެދުން
މ ނަން ހުތުރުވެދާފަދަ ކަމަކާ މަތިވުން
ލަދެވެރީން
މ )ގ ( ކާވެނި ހެއުނުވާ މީހުން
ލަދޮފޮރުވުން
މ )ޏ ސ ( ލަދު ފޮރުވުން
ލަތާ
ނ )ސ ( ފަޅުގައި އުޅޭ ދޮންކުލައިގެ މަހެއް މިމަސް އެންމެ ބޮޑު ވާނީ ހައެއްކަ އިންޗި ވަރަށެވެ މަހުގެ ދިގަށް ކަޅުރޮނގުތަކެއް ހުރެފައި ނިގޫފަތުގެ ދެފަރާތުގައި ކަޅުދެލަކެއް ހުންނާނެއެވެ
ލަލާކޮނޑި
ނ )ޏ ( ކުދިން ކުޅެން ފެންކޮށީގައި އެލުވާ ބޮލިފަތި ފަދަ އެއްޗެހި
ލަލުވާ
ނ )ގ ( (1) ދަވަ (2) އޮލަތެތްކަން
ލަގަނާ
ނ އިރުވާހުދާ ވައްތަރު އެއަށްވުރެ ބޮޑު ކަރުދިގު ހުދު ކުލައިގެ ދޫންޏެއް މިދޫނީގެ ފަޔާއި ތުންގަނޑު ހުންނާނީ ކަޅު ކުލައިގައެވެ
ލަގަން
ނ (1) އަހާއި ޖަމަލުފަދަ އެއްޗެހި ދުއްވާއިރު ފަރާތް ފަރާތަށް އެނބުރުމަށާއި މަޑުކުރުމަށްޓަކައި އެ އެއްޗެހީގެ ބޮލުގެ ދެފަރާތުގައި އަޅައިފައި އޮންނަ ދެފަށް މިދެފަށް އޮންނާނީ ދުއްވާ މީހާގެ އަތުގައެވެ މަޖާޒު: (2) ބާރު (3) އިޚްތިޔާރު (4) ހިފެހެއްޓުން
ލަގަރި
ނ އެންދިރުވަން ހަދައިފައި ހުންނަ ކޮށިގަނޑު
ލަގަބު
ނ ލިބިފައިވާ މަޤާމަކާ ނުވަތަ ހޯދައިފައިވާ ޝަރަފަކާ ގުޅޭ ގޮތުން ނުވަތަ ޙާޞިލްކުރި ސަނަދަކާ ގުޅޭގޮތުން މީހެއްގެ ނަމުގެ ކުރިޔަށް ލާނަމެއް
ލަގޮނޑި
ނ (1) ކަރުގެ ދަށް ފަރާތުން މަތީގައި ބޭރަށް ފާޅުވާގޮތަށް މަޑުކަށިން ހެދިފައި ހުންނަބައި (2) މަސްމަހާމެހީގެ ހިތް
ލަގޮނޑިވަޅު
ނ ކަރުގެ ތިރިން ލަގޮނޑިއާ ދިމާގައިވާ އަޑިކޮޅު
ލަގޮނޑިމިރުސް
ނ ލަގޮނޑީގެ ސިފައިގައި ހުންނަ މިރުހެއް މި މިރުސް ދޮންވީމާ ޢާންމުކޮށް ހުންނާނީ ރިނދޫ ކުލައިގައެވެ
ލަގޮނޑިޔަށް ތަދުވުން
މަޖާޒު: (1) ހިތްދަތިވުން (2) ހިތުގައި ޖެހުން (3) އަސަރުކުރުން (4) ހިތާމަ ލިބުން
ލަގޮނޑީގައި ނާށިލުން
މަޖާޒު: މާބޮޑަށް ދަހިވެތިވުން
ލަސް
ނއ (1) ޙަރަކާތް އަވަސްނޫން (2) ދުވެލިމަޑު (3) ކުރިއަށް ދިއުމުގެ ބާރުކުޑަ (4) ހުންނަންވާ ވަރަށްވުރެ ވަގުތު ފަސްވާވުން މިސާލު: ތިޔަގަޑިލަހެވެ (5) ތަނަކަށް ދާންވާ ގަޑިއަށް ނުދެވިވާފަސް
ލަސްކަން
ނއނ (1) ޙަރަކާތް އަވަސްނޫންކަން (2) ދުވެލި މަޑުކަން (3) ކުރިޔަށް ދިޔުމުގެ ބާރުކުޑަކަން (4) ހުންނަންވާ ވަރަށްވުރެ ލަސްވާކަން
ލަސްކުރުން
މ (1) ހަރަކާތް އަވަސް ނުކުރުން (2) ދުވެލި މަޑުކުރުން (3) ކުރިޔަށް ދިއުމުގެ ބާރުކުޑަކުރުން (4) ހުންނަންވާ ވަރަށްވުރެ ވަގުތު ފަސްކުރުން މިސާލު: ގަޑި ލަސްކުރުން (5) ތަނަކަށް ދާންވާ ގަޑިޔަށް ނުގޮސްފަސްކުރުން